24-09-2007, 04:45 AM
|
رقم المشاركة : 11 | |||
|
بطربته موجهلي=كني مدور حاجتن وأذكروله
واليوم طاري الحب خله يولي=قلبي على المطراش ريح ذلوله من يوم بان الشيب في عارضن لي=والكبر بانت في عظامي افعوله اليوم جزت من الجهاله لعلي =مثل الذي في توبته باركوله أيامي اللي من قديم أضحكن لي =أقفت كما نشرن بعيدن محوله |
|||
|
|
24-09-2007, 04:50 AM
|
رقم المشاركة : 12 | |||
|
الرجال طيور
الرجال طيور توصـف للحـرار= وكل طير فـي جناحينـه يـطيـر
وين طير يحتري لـه كـل جـار= ووين طير يذعره صوت الصفير وين طير لا نهض شـق الستـار= وين طيـر مايصيـد إلا الشريـر لو تقـول إن الشجاعـة بالطيـار= كان فضلنا القطا عن كـل طيـر النداوي له علـى الفعـل اقتـدار= والحمامـة بالمحـارم تستـديـر وإن جهلت الزين والجنس الدمـار= انشد اللي فـي معرفتهـن خبيـر افتهـم منـي كـلام باختـصـار= فرق بين الصوف من سلك الحرير وفرق بين الحب ونخـال الشـوار= أصلهن واحد لاشك الـذوق غيـر ربعة الطيـب تزيـدك بانتصـار= ترفعك رفع العمـد بيـت نظيـر والردي عرفه مثـل بيـت هيـار= تنقبـر فيهـا ويدفنـك الحفـيـر حقة الطيب تجيـك مـن الفقـار= والردي يعطيك كرسـوع البعيـر لاترابـع واحـد بالعهـد بــار= وإن وفا مرة فهـو خيـر كثيـر التجـارب خلهـا لـك مستشـار= لاتبي غير التجارب لـك شويـر لاتجـي مدخـل يدينـه بالخبـار= مالقى صيـدة لقـى داب ضريـر وانت في نفسك عليك الـدور دار= لاتحسـب إنـك مخلـى يافقيـر وقر العالـم وتلقـى لـك وقـار= وإن حقَرت حقِرت لو إنك أميـر والشرف لايستـوي فيـه انهيـار= الشرف هو مقضب السيف الشطير والقناعة مرجلة والضعـف عـار= واطلب النجدة من الوالـي القديـر لاتجـي للنـاس طلباتـك كثـار= كـل ديـوان تجـي يمـه مغيـر ماخبرنا في هـل الشحـذة تجـار= غير فقره كـل نفـسٍ لـه تعيـر خل عز النفـس للعـورة ستـار= لو فراشك في طرف بيتك حصير وانت للعـودة مـن الله بانتظـار= واحـد مالـه وكيـل ولا مديـر مـدة الله تمتلـي منهـا النـقـار= تجعل الغـدران بالملـزم تحيـر تجعل الوادي مريـف بالخضـار= عقب ماهو يابس قشعـة هشيـر الكريم معـان والفـارس مجـار= مدي الواجـب ونطـاح الذخيـر والغنـى بالـذل مافيـه اشتهـار= والفقـر بالعـز لأمجـادك يثيـر منزلك بالذل فـوق أعلـى منـار= ينتفضل عنـه مسكـان الحجيـر مرقدك بالعز فـي حـزم القـرار= ينتفضـل بالمعـزة عـن سريـر الغنى بالنفـس ماهـو بالصـرار= كم غنـي كـن ماعنـده دخيـر كم فقير في ثقيـل الحمـل ثـار= وكم غني سمعتـه سمعـة فقيـر لا تقول فلان يملـك لـه عقـار= ليش أنا ما أدركت مثلـه وأصيـر واحد معطي ماهـو فيـك غـار= لاتجي لأحـوال خلـق الله نظيـر ولاتقول الوقت لايحنـي صطـار= ضربة خلـت دماغـي يستديـر غيرك الدنيـا تلوحـه بالحجـار= لين صار الدم مـن خـده خريـر ضامـت الدنيـا مدللـة البـكـار= نازلين القفـر لـو جاهـم نذيـر وانكشف برق مثل لـون الشعـار= يذكر الغزاي به عشـب وغديـر جلعوا لـه مالهـم غيـره مـزار= في جهـام كنـه الصيـد المذيـر وإن مشورك بالسلف والنشر سار= زمـة الحيـران زاهيهـا النشيـر حاسبـيـن للجـهـاد وللمـغـار= والبنـادق ماتخـبـى بالجفـيـر كان شاط الهوش شيطات العشـار= جتـك أواليـد تعـزوا بالفطيـر موتة عن قولـة الخفـرات نـار= العـذارى ماتعشـق اللـي ينيـر وينهـم هالحيـن مامنهـم سمـار= ماتشوف إلهـم ورود ولاصديـر مالـت الدنيـا عليهـم بانكسـار= عقب مايضهد دبشهـم كـل بيـر عقب شرب الدر من سور الحوار= هاجروا بالمدن يشرون العصيـر والدبور إليا طبـخ قـدره وفـار= ذوب اللي فيه من حامي السعيـر لـذة الدنيـا مثـل لعـب القمـار= لو جمعت المال شف تالي المصير لوجمعت من الذهب حمل القطـار= عند نزع الروح ما أنتب له دبيـر صار بين الوارثيـن بـلا مشـار= انعزل حق الكبير مـن الصغيـر وانت حقك خامـةٍ عشريـن وار= حقتـك هـذي ولا فيهـا خشيـر فصلوا منهـا حزامـك والـوزار= وأقرشوا بك يم مثـواك الأخيـر وانسدحت من الفضا في وسط غار= يطـردك منكـر وقدامـك نكيـر واهني اللي مشى طلـق الشكـار= سالم من ظلم عمرو ومن عميـر لـوه بالدنيـا بحـالات خـطـار= يرتجي بالآخـرة فرحـة نظيـر مـن رحمـه الله وقبلـن العـذار= رحمة الله تغفر الذنـب الخطيـر والأثيم من الصراط أقرش وعـار= إن سلم من ويل طـاح بزمهريـر يـا إلهـي كـان مالـي إقتـدار= ألتجي في رحمتك وأنت المجيـر الشباب أقفى وأنـا بآخـر نهـار=وأرتجي فزعتك يانعـم النصيـر |
|||
|
|
|
24-09-2007, 04:55 AM
|
رقم المشاركة : 13 | |||
|
سر ياقلم
سر ياقلم واشرح على بيض الأوراق=من ماتصور لي معانٍ لهن ذوق
من هاجسٍ بين المعاليق دقاق=يبدي له أنواع من أفراح وغلوق خل القلم لملون الحبر دفاق=يمضي نهاره بين الاصباع مخنوق يدرس مشاكل خاطرٍ كل ما ضاق=كن النحر من ونة الجوف مفتوق انا لشرهات التماثيل عشاق=لوني على قفر التماثيل مسبوق الفكر يومه انه لشره المثل تاق= تراي وصيته عن الهزل والبوق معطيه وصفٍ يتبعه قطر تفاق =عن منهج القاضي ترى الطرق مطروق لاخير في جيلٍ يلفّـق تلفّـاق =الجيل عنوان اهله فيه ملزوق والناس كل له تعابير واشواق =والهم على الطامع مشاريه وحقوق وليا اشتبهنا مصدر الحق فراق =الحق للأول بلا شك وارهوق الله على والعمر ما دام برفاق=ما دام عن دورات الايام مرفوق شوف الغدير بحاجر الروض لهاق=والبيت توه باطراف النقع مطقوق أنا هوى بالي طويلات الاعناق =دلال رسلانٍ لهن وسط وعنوق جيب الهشيم وشفت للنار سوراق =شفت السنا عن مسحب الجمر مفروق اليا فاحت اللقمة ترى الهيل لحّاق=يازين كف الهيل بالنجر مصفوق أشر بدق الهيل يامال الاعناق =خلّ الشفاوي يسمع الهيل مدقوق ليا من راعي الكيف من مرقده واق=ادعه على الفنجال والحي مرزوق يوم الهدوس بسكرة النوم غراق=يامحلا صوت الفناجيل مسيوق بيتٍ يزورونه شريفين الأخلاق=بيتٍ شريف وراعي البيت ماثوق ياحلو مجلسهم تحت عفر الاوراق =في خايع نبته شمل كل خنتوق وليامشي دواج في بعض الاصفاق =جاب الزبيدي من نشانيش رقروق مدهال من يعبالهن صلف الاطلاق =واللي تشايل ديدها تقل جالوق صفرا إلى حنت عطيفه تفهّاق=جاها حويرها من الحبس مطلوق وناسة الخاطر يزيلن الأغلاق=ودنياك ما داوم طربها لفاروق صيور زفرات الهبايب بالأدواق=لابد من يومٍ يصير الهوا دوق من حسب الدنيا على جبر ودقاق=ماطاب عيشه لويحوّق الذهب حوق ماضاع حرفّي على السفن حدّاق =ولادام من عد الذهب وزن وعروق والبخل مايغني رديين الأوفاق=كثيرهم ثوبه على المتن مشقوق لو تشنقه ما ادرك ثمن موس حلاق =إن كان ما حدٍ خلصه مات مشنوق والجود مايضعف زكيين الاعماق =اللي عن الزابن دفع منهم السوق مكرمين الضيف بكبار الاشناق =جل الغنم وإلا عداوٍ من النوق وصحونهم ماتنقدر كود بحلاق=من كثر مافيها من الذبح معلوق وقصيرهم في مبركٍ دمث ورقاق=كنه عن العيلات في راس شاهوق يفداهم اللي لا شرف السلم هتاق=اللي ولد جاره من ابناه ملفوق وصلوا على المختار مالاح شعاق=ما انزاح ليل وبزت الشمس بشروق |
|||
|
|
|
24-09-2007, 04:57 AM
|
رقم المشاركة : 14 | |||
|
وله في ردود على محمد السديري
قريت الكتاب وشفت باول صفايحه =تعابير من له فرصة الرد تايحه تعابير من ساد المعاني بعرفه =واخذ من القيل المصفى ملايحه حفظهن بصندوق الضماير لوقتهن =درسهن وفاضت بالنوادر قرايحه من واهج ما يحتمل حرة الجسد =يذوب صمصام الحجز من قدايحه هذا الهوى لابارك الله بالهوى =تكاليف نقصه ما تلادي ربايحه الحب ثلث الناس بشكر عواطفه =وثلثينهم يشك الضرر من كبايحه إلى ان قال فيها:
وأنا يا محمد كل ما اتعب واجتهد =يا الله اعبر من كلامك فصايحه وأنا أطلب لك التوفيق يا لصاحب الوفى =يا من يندامني بواضح صرايحه وانا حاسبك من يد الاصحاب منصى =اليا أونست من شوب السمايم لفايحه هذا ولك مني سلام وتحيه =اعاد ما خط القلم في طلايحه وكان السديري قد بعث له بهذه القصيدة :
عفا الله عن عين من الوجد نايحه =على من شرح لي بالرسايل صحايحه ان شططوا عذال قلبي عن الهوى =لهم قلت يا غربان بالبين نايحه اليا عذل قلبي عن الحب عاذل =عصيت عذالي ولا أقبل نصايحه أرى الحب جنات تعاقب نهورها =على قلبي الدامي لبلواها شايحه كم كاعب بيضا عفيفه عشقتها =ادله بها قلبي والايام رايحه إلى ان قال فيها:
يا مرشد البذال ليتك تشوفني =اكفكف لدمع به الاسرار بايحه يقول مرشد البذالي كان بيني وبين السديري مراسلات شعرية وكانت وسائل الاتصال آن ذاك قليلة فالمراسلة عن طريق البريد او الأشخاص وكنت اتمنى مقابلة السديري والجلوس معه وهذا تقريبا عام 1962م وفي يوم من الأيام سمعت خبرا بأن السديري مريض ثم قيل لي بانه في المستشفى وحالته خطرة ثم قيل بانه توفي ولم يصلني تأكيد لذلك فبعثت إليه بالقصيدة التالية لأتأكد من الخبر نورد الشاهدمن القصيدة ومن ثم رد الأمير محمد السديري ومن ثم نواصل الموقف يقول مرشد البذالياكفكف دموع جرح الخد كفها =وبل رايح الشرقي حقوق روايحه تتابع دموع العين من فوق وجنتي =اليا نشفت هاذي اليا ذيك سايحه
اليــــوم في قلبي من الوجد لهّاف= اخطِّف أخبــــار الطــــــراقي تخاطيف سمعت علم حط بالقلب رجــــــاف= ومسيت من علم الخطر خارب الكيف ياسعـــــــود لعله خبر كل مذهاف= ما كـــــــان ينسب من رجالٍ عواريف النوم والمطعـوم والضحك ينعاف= لين افهم المعنـــــى بكل التــــواصيف ياليتني لســــــراء الأخبار كشاف= إلين اسنـــــع وش خبر مكرم الضيف إما لقيته مثل حــــــرٍ إبمشـــراف= ولا صفقت الكـــف بالكــــف تصـريف الى قوله:
لي صاحبن يحسد عواريض الأصراف= سمعت علم عنه مكروه ومخيف ياسعـــــــــود شفي كان ردت للاشفاف= علم ينظف مخزن الشك تنظيف يقول مرشد البذالي وبعد شهر وصلني الرد من السديري اليكم بعض ابيات الرد:
يقول من هـو نــــــاويٍ يتبـــع القـاف = طارٍ عليه يصرف الشعـر تصريـف ما عن في قلبه هوى سمر الاغـداف = نجل العيـون مخضبـــات الاطاريـف قلته ونامـن بيـن وديـان الاشـــــراف = بالمرتفــــع بيـن الجبـال المقانـيـف جسمي بها كنه علـى جـــــال ميهـاف = وهاجوس قلبي ناحـرٍ يمـة السيـف تسابـقٍ قلـبــــي هـــــواجـيـس ارداف = والليل طال وحنَّ قلبي علـى الكيـف الـــــــى قــــولــــه:
ياحسين شب النار واسرف بها اسراف = حتـــى يصير الجمـــــر فيهـامشانيـف ومن حب خولان الخضر هاته اجـــزاف = واحمس ونسفها على الجمر تنسيـف الـــــــى قــــولــــه:
اثر العلوم إضعاف وعلومها إضعـاف = وقواههـم للشيـن دايـم غـواريـف انا بفضـل منـزل آيــــــات الأحقــــــاف = لاجٍ بظله عـن هيـوب العواصيـف يقول مرشد البذالي فرحت فرحا شديدا بالرد وتكذيب الخبر وبعد سنوات وعندما سكن السديري مزارعه (الحقيات) نويت الذهاب اليه لما في نفسي من حب وشوق له فذهبت من الكويت ومعي صديق لي عازمي فوصلنا مزارعه رحمة الله عليه وإذا هو في بيت الشعر امامه الدلال والنار فلما نزلنا من السيارة قام فلما سلم عليه العازمي قال يا أبا زيد هذا صديقك مرشد البذالي قال فأخذ كل واحد منا يقبل الثاني ويبكي وكل يقول للآخر احمد الله على أن رأيتك قبل الموت يقول مرشد مكثنا عنده عشرة ايام وكل ليلة يمتلىء الديوان من الشعراء والرواة حتى منتصف الليل ليلة يقلط خمس او ست ذبائح وليلة حاشي وليلة طيور لا أعرف انواعها وبعد عشرة أيام وبإلحاح طلبنا السماح بالسفر وعندما تناولنا القهوة والريوق كما قال مرشد وهممنا بالتوجه للسيارة وإذا به يحضر بدقية جديدة ويعطيها للعازمي ويخرج لي صرة من النقود فأقسمت بالله العظيم لا آخذ ريالا واحدا وقلت له انني اعتبر من أكبر تجار الكويت وعلي الحرام أنني لم آت إلا لمحبتك فبعد ما اقنعته فإذا به يرمي بها على خوي العازمي ويقول هذي من نصيبك يافلان ثم ودعناه |
|||
|
|
|
24-09-2007, 05:01 AM
|
رقم المشاركة : 15 | |||
|
ياناس
ياناس ما اسمع هرجكم وش تقولون=القلب إله شي عن الهرج ملهيه
يا أبو سعد عطني من التتن غليون=طسه وعمر لي سبيلك وعطنيه كوده اليا أونسته بالاضلاع مكنون=يندار فكر القلب للي يحاكيه ياالعين أهل زين الوصايف يطوون=تمقلي من شوفته واشبحي فيه تمقلي ياالعين من صافي اللون=دامه قريب وطنة الحس يوحيه بالعون ماطارن عليهم يقيمون=الكل منهم قام زمله يدينه واللي يشير بقامه اليوم ملعون=يا عنك مايلقي فؤاد يلاهيه الله لحد كن أول القوم يرمون=عافوا محل خمس اشهر وهم فيه احد على المظهار يضحك ومنون=واحد يحوف البيت والدمع غاشيه اليا طاب له يومين قاموا يحمدون=نهار ثالث قاطعين الرجا فيه أنا سبب مازاد في قلبي الكون=أوحيت لي ورع سميه يناديه يا ورع بالله قصر الحسن بالهون=ذكرت لك قلب اجداد مكاويه بيحت من خافي الحشا كل مكنون=اعزى لقلب بيح الحب خافيه |
|||
|
|
|
24-09-2007, 05:02 AM
|
رقم المشاركة : 16 | |||
|
ينصح ابنه عبيد
يا عبيد انا أوصيك مني بثنتين =ثنتين هن سو البشر وحسناته
أوصيك لا تبحث سدود المغيبين =لا تجهر اللي غارق بغفلاته ترى النميمه تمحق الرزق والدين =والمنزل العالي تهدم أطبقاته لا تحسبن أهل الظليمه ابخيتين =كل يوافق ما عمل في وفاته وانذرك عن حق الضعيف المسيكين =اللي على حقه تهل اعبراته ترى الضعيف اليا غدا الليل ليلين =يدعى وعند الله توافق ادعادته |
|||
|
|
|
24-09-2007, 05:07 AM
|
رقم المشاركة : 17 | |||
|
قال الذي يلعب بيوتٍ فصيحه =من ضيقته يلعب حسينات الامثال
يالقلب انا ابهدي عليك النصيحه =هرج القفا بالك تحطه على البال ما اشوف به كود العنا والقميحه =من بين غادين الجدا قال ما قال ناسٍ يحسبون النميمه مديحه =وهي توصف من خبثات الاعمال زلة صديقك لاتجي لك نحيحه =لو كان عايل قل حشا اليوم ما عال عزه عن الهكمه وزين سميحه =خله على وجه البعيدين رجال ماكل نفسٍ من عناها مريحه =لابد ما يبدي لكم بعض الاحوال ليا بدت بعض العلوم الصحيحه =كل ذكر مجناه من حيث يحتال احدٍ تنجا حقته من نطيحه =واحدٍ يورى للشريعه وما قال رجلٍ بلا ربع سوات الذبيحه =تطاه شمطان اللحى وطيت نعال الشر تحدثه الوجيه الوكيحه =سبة هبيلٍ تبتلش فيه عقال |
|||
|
|
|
24-09-2007, 05:15 AM
|
رقم المشاركة : 18 | |||
|
قالوا حكوا بك قلت وش هم يقولون=وش قيـل فينـا يالوجيـه الفليحـه
شوفوا مردُ الهرج وش هم يطرون=حتى نعرف مزوره مـن صحيحـه كان الكلام من المعادي على هـون=بعض المسبـه بالمجالـس مديحـه تجيـه عربـانٍ مـن الله يخافـون=عن الظليمـه ينصحونـه نصيحـه لو كل خلق الله على الحق يمشـون=كان القلوب من الخطـا مستريحـه كم واحدٍ بعروض الأجواد مفتـون=وهو سلومـه يفضحنـه فضحيـه وكم واحدٍ يطعن وهو فيه مطعـون=يذم ريح النـاس والشيـن ريحـه بعض كلام الناس تهمات وضنـون=قـولٍ تنميـه الوجيـه الوقيـحـه الظلم لو فازوا هلـه مـا يدومـون=راع الظليمـه لاتباطـى مطيحـه والناس هذا الناس من عصر ذالنون=كلن على دربـه ركابـه مشيحـه مقرود يامن بـدل اللـون باللـون=بعض الكلام يحرفه عن صحيحـه والصدق هو والكذب ماهو بمقرون=كان إنها تـدرس بلهجـه فصيحـه مايمدح الرجـال بالشكـل واللـون=إبحث معه لينك تعـرف القريحـه تراك تعرف عنه وأنتـم تهرجـون=يبين لك من كـل جـودٍ نضيحـه المستريح اللي من الشـك مامـون=مع كل خلـق الله علومـه مليحـه كم واحدٍ حيٍ لـه النـاس يثنـون=وإلا توفـى قـالـوا الله يبيـحـه وكم واحد لو هو باالألحاد مدفـون=ذكراه عند الناس بيضـا صفيحـه وكم واحدٍ يجمع ملاييـن وخـزون=مـالٍ تنميـه اليديـن الشحيـحـه لا تشكره رملى ولا فـك مديـون=ولا حل مشكلة النطيـح ونطيحـه ولا له على جاره من الفضل ماعون=لو إن جيرانـه تشـوف الذبيحـه وكم واحدٍ جيران بيتـه يحمـدون=للجـار ريـف وللجماعـه منيحـه وكم واحدٍ منه العـوادي يخافـون=زبن المخيف اللي كثيـرن فحيحـه ربعه نهار الضيـق فيـه يتـذرون=لا جا نهـارٍ فيـه لجـه وصيحـه وبعض الرجال بهم شريفين وعفون=كلن علـى ماقـال يرجـع لكيحـه وبعض الرجال بضحكهم يستغلـون=يجيبها مـن نـوع زلقـه بطيحـه هذاك بين له من الهـرج مدفـون=خلـه إلا شافـك يزيـن سميحـه الهرج لـه نقـال والـرد للشـون=مزح الجزع يثر بكبـدك جريحـه هذا وأنا ماني من النـاس ملسـون=لاشك أرفض من تزايـد جميحـه قلته وكل النـاس غيـري يقولـون=راع الظليمـه لا تباطـى مطيحـه |
|||
|
|
|
24-09-2007, 05:21 AM
|
رقم المشاركة : 19 | |||
|
قال الذي وان جهـل معنـاه فسّـر=فسّـر معانـي كلمتـه باللبـاقـه
مانيـب فـي رد الجـواب اتعسـر=مالي مـع احـدٍ بالتعّسـر علاقـه أبني من أمثالي رصيـفٍ مجسّـر=من لا تحـذّر منـه بتـر بساقـه وأضمن كلامي كان مـولاي يّسـر=عن الهجـا بالنـاس ولا الطفاقـه جيل مثل طلع النخل حيـث بسّـر=اليا انتصـف بامـه تحـلا مذاقـه الله مـن قلـب غرامـه تحـسّـر=من فقـدة أيـامٍ عليهـن شفاقـه خطرٍ ضلوعه مـن نهيتـه تكسّـر=تكسر اغصـان الهشيـم الدقاقـه أشوف نـاس بالسوالـف تجسّـر=علـى تعاجيـب الفتـاة الدقـاقـه لو هو كبير السن والجسـم مسّـر=والوجه بان من المشيب احتراقـه يبـي مثـل فـرخٍ نقـوره ينسّـر=من جوف خرب صلف الاطلاق عاقه تالي الصبا مثل الحويض الموسّـر=وسره ضعيف ودرعت فيـه ناقـه العاقل اللي يفهـم الضـرّ والسّـر=ولا يرتكب عسر المراقـي عشاقـه لا شفت مالك مصلحـة لا تخسّـر=ان كـان مالـك بالخسـارة لياقـه |
|||
|
|
|
24-09-2007, 05:23 AM
|
رقم المشاركة : 20 | |||
|
يا رجل أبا أوصيك مني وصيه =واحرص على حفظانها بالحيل
من لا يحوش باول العمر طوله =تالي شبابه صعب التبديل من فات عمره ما مدح بافعاله =قعد بوسط الطيبين رزيل أول فعول الخير درب الطاعه =اليا خضعت لخالقك تسيل نورٍ بوجهك واندفاعٍ باجلك =ويمشي ارزاقك بلا تعطيل |
|||
|
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| ديوان ابن المهدي الفصيح | ماجد المهدي | دواوين شعراء وكتاب الفطاحلة | 17 | 25-01-2011 07:36 AM |
| : فهرس ديوان شمس القحطاني | أميرة الليل | دواوين شعراء وكتاب الفطاحلة | 15 | 16-12-2010 06:50 AM |
| فهرسة ديوان أبو رائد | الطائر المهاجر | دواوين شعراء وكتاب الفطاحلة | 5 | 30-11-2010 08:32 PM |
| ديوان ريم الملقبة بأميرة الليل | أميرة الليل | دواوين شعراء وكتاب الفطاحلة | 8 | 18-01-2008 08:51 PM |
رد: مختارات مرشد البذال
