محاورة القافية الصعبة

[منيع]

مايحل المشكله خالي الوفاض=والتصيح بالخلا الخالي نقوض
والعمل والسعوده ماهي بلحاظ=اتركوها وقت ويكفينا ركوض

[الطائر المهاجر]

البلى من اللي تستر من قضاض = الفيز يحصل عليها ابلا ريوض
يقنعه قرشين والعامل رياض = يرسل المليار لبلاده فروض

[منيع]

اتركونا من سواليف المخاض=دام فيها حل وقف لاتخوض
والسهوم الطايشه مثل الشواظ=احذروها لاتهوش ولاتنوض

نحمد الله خيرنا زايد وفاض=والفيز زايد طلبها والعروض
مير يم ايران اشوف البرق ناض=والهنود ضعاف والبارق ينوض

[الطائر المهاجر]

الفيز صعبه على من لااستعاض = وصار له جلد يوقي للعضوض
والبروق اللي تخايل بانتقاض = سرهم واحد وعلمه بالوعوظ

[منيع]

ياعجوز الفطحله واطي رماض =الفيز ثم الفيز كلك رفوض
خايف انك واحد منهم وغاض=يوم سفرت العماله لك لحوظ

[الطائر المهاجر]

الله اعلم من عجوزٍ بالمخاض = تنتظر آخر شهر وقت القبوض
من عماله سايبه منها القباض= وانت في الديره مثل داب لموض

[منيع]

انت توصف حالتك بهرج فضاض=جبتها بالصح مافيها غموض
كم هندي بس خضنك خضاض=والفيز مجنونتك مامن جحوض

دام القصيبي حي ممنوع المخاض = يمكن يقولون العذارى لاتحيض
ياخيبة اللي في معاليه استعاض = يارب تغنينا عن العود المريض

هذا مقدر والمقدر لا اعتراض = والدين ذاكر وقتنا من دون خوض
يالله انا طالبك جنات ٍ عراض = يامن نصلي لجل عفوه بالفروض