مساجلة اسماء المدن والقرى بالسعودية

[عذب القوافي]

	ضرية نجم مع مسكه تنّور بالسماء لليل=يازين فياضها جنه شهادة شاهد ٍ شايف تنومس من يمر إبها تقدم للضيوف الحيل=إجيها دوم تحديدا ً إلى من رحت للطايف تقديري للجميع ,,,,,

[ابو أنس]

لطايف شعرك المحكم لها في خاطري ميزان=حلاته مثلما در البكار ان صب في بريّق
وانا احب الوطن كله وله في خاطري عنوان=ولكن الغلا كله يجيش ان قلت يا حريّق

الحريّق ـ بتشديد الياء وكسرها بلدة تابعة لإقليم الوشم (محافظة شقراء) وهي بلدي ولها في النفس مايكنه كل واحد لبلده

[عذب القوافي]

	حريّق عز في ناسه ياعله تنسقي بالسيل=تربّع كلها خضراء تجيها ليال وسميه وإنا من دار لها ميزه وربعي للحمول تشيل =ديار ٍ تنعرف بالكون تسمى بالبكيريه

تقديري ,,,,,,

[عبدالله راشد الثويني]

البكيريه ونعم الدار حيٌ اللي سكنها = مايتوه اللي وصلها يانديمي سعد عينه
مير انا شفٌي بدار(ن) ليتني ماغيب عنها = من سألني قلت مابه شك روحي بالمدينه

[ناصر عبيد الهواوي]

المدينة دار هجرة للرسول محمد=خير من ياطا على كبد القدم بالسكة
جالها الهادي مهاجر شاكرٍ ويحمد=يوم ضاقت به من الكفار داره مكة

[زهرة اللوتس]

سلمتم وصحت السنتكم
مبدعين
واصلوووو
متابعين
تحياتي للجميع

زهرة

[عذب القوافي]

	مكه يانور الأرض ياقبلة الكون=يامنبع الإسلام وأرض الرسالات ودعتها بالصبح أمشي على الهون=دربي شمالي متّجه للقريات تقديري للجميع ,,,,,,

[ابو أنس]

القريات ان تجمّع مع مرور الوقت صارت=صارت فجوج ومداين والمداين من سببها
منول(ن)كلن يسافر يم بلدان(ن)تبارت=واصبحت تدعى مناطق شكلها احلىو(ابها)

[نجم الإبداع]

ابها عروس المصايف والكرم فيها=درة عسير الجميله فلها اغراني
من السعوديه الغراء فيافيها =وانا من ارض الشيم والجود زهراني

[ابو أنس]

زهران ديرة فلاح الله يسقيها=من رايحات السحايب وبل وداني
من جوها نتعش الانفس تطريها=واحلى المكاشيت في غابات رغداني