أ ح ب 6 6 6

[الـزلـزال]

سعيد الأكلبي
قصيده جزله ومتقنه
حكت لنا واقع ملموس
صوره لنا شاعرها بكل جزاله وتمكن
ابدعت في هذة الدره غالينا
صح لسانك ملايين ملايين
ولك فائق تحياتي وتقديري

[سناعيس]

وللناس فيما يعشقون مذاهب
صح لسانك يالاكلبي
وبيض الله وجهك
قصيدة تحكي الواقع
رائعه وجزله ومن شاعر جزل
لاهنت

تحياتي

[الطائر المهاجر]

دائما تبحث عن الهدف
فيأتي قافك الجزل في محله
في اسلوب يجمع الجد المزح
صح لسانك مدد بلا عدد
ولا هان راسك
مع أطيب تحياتي

صح لسانك وكلك
ولاهان راسك
تقبل تواضع مروري
مع أرق تحياتي

[عرق الماس]

المشاركة الأصلية كتبت بواسطة سعيد مقبل الأكلبي

هواة التميّز طيّروا قيمة اللوحات=وكلٍ خذا لوحاته وجا يبَدّلها
وانا لوحتي متميّزه كلّها ستات=و(احب) الحروف مسجّلاتٍ على اولها
على خردةٍ من شافها يكّره المكشات=ولا يستوي حظه مادامه مقابلها
لا رفرف ولا كبّوت فيها ولا اسطبات=انهكها الزمان الشين وانهكت كاهلها
وانا امشي عليها مامعي رخصةٍ واثبات=وفقدت استمارتها ولانيب ناقلها
لا شفت المرور يفتّش ادوّر اللفات=وعلى اقرب ملَفْ آجض واجيك ناتلها
واذا ما معي مخرج وحدتني الصبات=دريت انّها كتبَت علي وآتحملها
لا قرّبت للتفتيش لجّيت بالدعوات=وتهتز رجلي لين تطفي واشغّلها
واذا جيت عند العسكري تطلع الضحكات=اجاملْه بالضحكه وهو ما يجاملها
اسلّم عليه وكانني عارفه بالذات=وانا صيدتي لو يصْمُل شوي ما اسهلها
احيانٍ تفوت بخير وآقول شرٍ فات=واحياناً تجيك مطَبْلَه يوم اطبّلها
وصلت المعارض وابتدا السوم بالميّات=ميات الالوف اللي تنومس فعايلها
انا كنت اظن ان قيمة الموتر ريالات=وعيّنت فيها قيمةٍ مآتخيلها
قامت على مخباي تسابق الشيكات=وكلٍ يقول الله يخلّيك تقبلها
واذا قلت ماني بايع استفحلت الاصوات=ولجّت علي صاحينها مع مهبّلها
قلت المشكله اوراقها ناقصه حاجات=قالوا انت بعنا خرّدتك بس وازهلها
تخيّرت من بين العروض اكبر السومات=وطلّقتها تطليقةٍ مآتحللها
وانا واحمد الله بيعتي احسن البيعات=وعسى الله يديم النعمه اللي نحصّلها
ناسٍ ماتعيّن شي تشري به اللنبات=على شان يولع نورها في منازلها
وناسٍ تفرط المليون على الكماليات=ومن زود نعمة ربها تلعب وتلّها
وناسٍ فالسجون وتحتري صرفة الزكات=على شان يِقضى الدين وتروح لهلها
وناسٍ مع بنات الليل وتْرُش دولارات=على شان يابلفيت تنسى مشاكلها
وناسٍ تحّتزم بالعُسر واتّذل مالشرهات=لاجا ضيفها يلقى الشحم في مناقلها
وناسٍ عندها الاموال لكنها هيهات=على هبلها والضيف ما يقُرب حللها
طرّاه الرقم والحرف وحكاية اللوحات=وناسٍ عندها الاموال وعقولها بلها

27/7/1430هـ

حضرة الشاعر سعيد...

قصيدة جميلة و مثل ماقال الأخرون

انها مميزة وممتعة,,,

أسعدني مروري عليها,,

الله يباركلك بما عطاك,,ودمت بكل خير .

[ناصر عبيد الهواوي]

الاخ الشاعر ابو مقبل
لله درك ولافض فوك وتسلم هالقريحة التي صاغت هالنص الراقي الرائع
بجميع المقاييس صراحة موضوع شيق وواقع حقيقي
يشاهدة الجميع ونعيشه في شئون الحياة
احسنت يالغالي وبيض الله وجهك وابرك الساعات يوم انقلعت هالخردة وحلت مكانها البركة ان شاء الله

[عبدالرحمن بن زهير]

ابومقبل صح الله لسانك شااااااااااااااااااعر.......بك ل ماتحمله كلمت شاعر...تحياتي

[عبدالعزيز البليهد]

الله عليك ياسعد هذي دواء

لوحات مميزه وجوالات مميزه هوس غير طبيعي وغالبها فسقه

تسلم وصح لسانك ولاهنت

[ابن شاهين]

جزلة من جزل
صح لسانك
ولا هنت
ودي وتقديري

[احمد الجريفاني]

جدا ابدعت فيها يا الغالي 000سلم الاحساس