تو يذكر زمااااني !!!

[محمد عبدالله البدراني]

المشاركة الأصلية كتبت بواسطة شجون القصيد

.

..

...

هيه ياقاف شعري .. افتدي من فداني = وخبّر اللي جفاني .. عن سهوم الوداع
يومها ليت يدري .. بالعذاب احتواني = ومن هموم المحاني .. حالتي في صراع
بين قلبي وفكري .. والاسى والاماني = وبين حرف ومعاني .. اشتكي لليراع
ياجروحي وعذري .. يوم وقتي رماني = طيبتي مع حناني .. ماحسبت النزاع
كان ناوي بغدري .. يوم صده كواني = يعتذر لي و اناني .. مانوا باجتماع
قول ياقلب بدري .. تو يذكر زماني = ياما بالصد اعاني .. يوم قفى الشراع
احسبه جف صبري .. يوم قلبه نساني = احسب انه جناني .. وباقي العمر ضاع
اثر عقلي بخبري .. يشتري من شراني = ومن بصده نواني .. يهجره يوم باع
باتغيّر وجذري .. بشتري قلب ثاني = مهما خلي جفاني .. مايجيه التياع
وكان ذكراه تطري .. او بطيفه لفاني = او تعنى وجاني .. مايلاقي سماع
بقفل اليوم صدري .. عن هوا كل جاني = وارتقي للعناني .. عادتي بارتفاع

شاعرتنا القديرة شجون القصيد سلمها الله

مليون صح السانك
وعلا شانك


اربع وقفات وفن من فنون الادب والشعر ومايسمى بلزوم مالا يلزم
اشباع للقافية وللذائقه وامتاع تام

كثافة شعريه وتدفق شعري ومقدرة على تطويع القوافي وصياغتها




لله درررررررك
ولافض فوك ياشجون



تحيتي وتقديري

[ياسر عبدالرحمن الخالدي]

الله يا شجون القصيد

صح لسانك مدد

[سناعيس]

صح لسانك شاعرتنا شجون القصيد
ولله درك على هذه الجزلة والرائعه
لاهنتي

تحياتي

[أم ريما]

صح لسانك

قصيده جميله جدا



تحياتي لك

[الـزلـزال]

شجون القصيد
بوح مميز ومتقن وجميل
من شاعرة متميزة ورائعه في كل ماتقدمه
مبدعه دومآ وممتعه شاعرتنا في كل بوحك
أسعدني مروري على حروفك الراقيه
دمتي بخير ودام حرفك
صح لسانك ملايين ملايين
ولك فائق تحياتي وتقديري

[عبدالعزيز ابراهيم المنصور]

شجون شاعرة رائعة
نص رائع وكلمات رائعة
سلمتي ودمت ِ بخير

[عبدالإله]

ابداع شعري

و معاني تستحق الاشاده

صح لسانك

و لاعدمناك

[زهرة اللوتس]

شجون صح لسانك
لي عوده تليق بها

[الخنساء]

اثر عقلي بخبري .. يشتري من شراني

ومن بصده نواني .. يهجره يوم بـاع

صح لسانك مليون ولايكفوووووون

لاهنتى قصيدة جزلة

[حوريه]

صح قلبك يا شجون00

رائعه كروعة حضورك

دائما مبدعه ومتألقه

دمت ودام عزك

.....