ياصاحبي لاصار مانت بكفو لامنّك حضرت

[الـزلـزال]

خوّة زحـولٍ تسنـد البنيـان لامنّـك عمْـرت=تِرّفع علـى خُوّتهـم بنايـات وتعَمَّـر قصـور
اما كـذا ياصاحبـي وقفتـك لامنّـك حضـرت=والا فلابي فزّعِتك عندي ولابـي لـك حضـور

سعيد الأكلبي



قصيدة رائعة ومميزة وجزله


من شاعر متميز ورائع في كل مايقدمة


شاهدنا في هذة القصيدة

نوعين من الأخوة


صورها لنا شاعرنا بكل جزالة وأقتدار


رائع أنت شاعرنا ويسرنا متابعة نصوصك الرائعة


صح لسانك ملايين ملايين

ولك فائق تحياتي

[الطائر المهاجر]

خـوّة رْجـالٍ ماتغيّـر لاكِبـرْت ولاصِـغـرت
ماهي بِتغّذَى من حليب المصلحـة حـده يفـور
خوّة زحـولٍ تسنـد البنيـان لامنّـك عمْـرت
تِرّفع علـى خُوّتهـم بنايـات وتعَمَّـر قصـور

طارت مع عصر النفط وعصر التسلق
وانهيار المبادئ والقيم

صح لسانك واعتلا شانك
دائما وابدا لاتأتي إلا بما يعكس
تردي الأوضاع في عصر انحسار الرجوله
لاهان راسك
تحياتي الطيبة

[سعيد مقبل الأكلبي]

المشاركة الأصلية كتبت بواسطة داعي الشوق

صح لساآآآآآآآنك يالشاعر الرائع
سعيد الاكلبي

معاني جميلة

كما تعودنا منك الجمال دائما

صح لسانك مدد بلا عدد

مع تقديري لك

صح بدنك ياداعي الشوق
ولاهان راسك ياطويل العمر

[صعبة المنال]

صح لساااااااانك

وعلا شاااااانك


صعووووب

[سعيد مقبل الأكلبي]

المشاركة الأصلية كتبت بواسطة فلاح بن منشار

الله الله


صح لسانك ياسعيد

هنا القصيد الذي نبحث عنه

شاعر متمكن من ادواته انت

وافي يابو مقبل

لاهنت


تقبل مروري

وتقديري

صح بدنك يافلاح
والله يجمل حالك على مرورك ياطويل العمر

[ابومياس]

خـوّة

رْجـالٍ ماتغيّـر لاكِبـرْت ولاصِـغـرت

ماهي بِتغّذَى من حليب المصلحة حـده يفـور

الاكلبي صدقت صدقت

بيت عن قصيدة

صح لسانك وبيض الله وجهك

دمت بخير

[الخنساء]

المشاركة الأصلية كتبت بواسطة سعيد مقبل الأكلبي

ياصاحبي لاصار مانت بكفو لامنّك حضرت=ماعاد ابي لك فزّعةٍ عندي ولابي لك حضور
لاصار ماجا للروابع في مجال الطيب كرت=فلاخير في نفْسٍ تفاهق في مهمات الامور
انا على درب الوفا واهل الوفا والطيب سرت=ولاينومسني خوي الدرب لاصار مْعَثور
ماهمّني لاقالوا انك شنت فاصحابك وبُرت=مالي ومال الخوة اللي من دبورٍ في دبور
ولاتحْسب اني لاخِسرت مقابلك اني خِسرت=لابالله الا فكّنا ربي من قصار الشْبور
لاصار منت بمحْزمٍ لي لابغيت اثور ثُرت=مانيب ابي لي محْزمٍ لاقمت في جنبي يثور
رح غير مأسوفٍ عليك وياكُثر صبرٍ صبرت=على مثل شرواك ممن خِوّته خوّة عبور
والا انت ياللي في دروب المرّجلة سِرْت وعبَرت=ليتك تويق تشوف مقدار الغلا لك في الصدور
ياللي ليا منّي نخيتك ساعة الفزعة طمرت=ماتحْسب حسابك مع الطمرة ثرى والا صخور
طمرة حصانٍ دونها يالكفو والله ماقصرت=الا وفيت وجمّل الله حالك وماجا قصور
في ساعةٍ كان العُذر يمنعك منّي ما اعتذرت=ياطيب طيبك يوم شِلت الحِمل يالشهم الصبور
خوّتك هذي عندي تجارة لو انّي ماتِجرت=شيك ورصيدٍ في حسابي لابغيته مايبور
خوّة رْجالٍ ماتغيّر لاكِبرْت ولاصِغرت=ماهي بِتغّذَى من حليب المصلحة حده يفور
خوّة زحولٍ تسند البنيان لامنّك عمْرت=تِرّفع على خُوّتهم بنايات وتعَمَّر قصور
اما كذا ياصاحبي وقفتك لامنّك حضرت=والا فلابي فزّعِتك عندي ولابي لك حضور

صح لسانك ولاهنت
قصيدة رائعة ترجمت روعة المعانى
سلمت ودمت بخير

[الطامي]

ماهمّني لاقالوا انك شنـت فاصحابـك وبُـرت=مالي ومال الخوة اللي مـن دبـورٍ فـي دبـور
ولاتحْسب اني لاخِسرت مقابلك انـي خِسـرت=لابالله الا فكّنـا ربـي مـن قصـار الشْـبـور
لاصار منت بمحْزمٍ لـي لابغيـت اثـور ثُـرت=مانيب ابي لي محْزمٍ لاقمت فـي جنبـي يثـور
سعيد الأكلبي
صح السانك
والله يعين على الزمن بما فيه
شكرا لك لافض فوك اخي
لاهنت

[سعيد مقبل الأكلبي]

المشاركة الأصلية كتبت بواسطة سناعيس

الله الله ياسعيد الاكلبي
صح لسانك ولله درك
على هذه الرائعة والجزله
جزل جزل لاهنت

تحياتي

صح بدنك ياسليمان
والله يجمل حالك

[مجدي صالح المبارك]

الشاعر الكريم ( سعيد الأكلبي ) صح لسانك وجاد بيانك ابيات جزلة حوت معاني عميقة , لك مني فائق التقدير ودمت بكل خير .