كشكول الأموره

[الأموره]

المشاركة الأصلية كتبت بواسطة ابو جاسر فارس

جميلة ورائعه
وشاخبيطك تهبل
وظريفه وبذوق

الاجمل و الاروع مرورك اخي ابوجاسر ،،

اسعدني مرورك و حضورك ،،

شكرا لك اخي الكريم ،،

نورت الصفحه ،،

[الأموره]

هجروني المسلمين
نسوني و تركوني وراء ظهورهم
محوني من ذاكرتهم
لا يذكرونني الا في رمضان
و البعض حتى في رمضان لا يذكرني
لماذا اخبروني؟؟
لما الجفاء و البعد ؟؟؟
اما آن الاوان لتفيقوا من سباتكم؟؟
افيقوا ايها المسلمين افيييييقوا
افيقوا كي لا ياتي يوم و تندمون على ما فاتكم
افيقوا من هذه الغفوة افيقوا
حاربوا الشيطان الذي منعكم من الوصول الي
حاربوه اغلبوه
فسوف ياتي يوم و يبرئ ذمته منكم سيقول "اني برئ منكم اني اخاف الله رب العالمين"
اين عزمكم ضده؟؟ اين اخبروني؟؟
افيقوا ان ياتيكم الموت بغتة
الا تحبون ان يقال لكم "اقرأـ و ارتقي"
الا تحبون ان اكون شفيعا لكم ؟؟
بلا و الله انكم لحابون ذلك
فاقروني لعلي اكون شفيع لكم


الامورة

13 - 11 -2006

[الأموره]

حبه الفلورايد ،،

اذكر في الابتدائي يوزعون لنا حبه من الفلوايد

لونها وردي و في منها برتقالي

نمصها عشان الاسنان ،،

و كانوا يجبرونا نمصها ،،

اول ايام كنا محترمين و من يعطون ناكلها

و طعمها الله لا يوريكم ،،

بعد ما ملينا من هالاخلاق العاليه و الطاعه العمياء

قررنا نتمرد على هالحبه ،،

صرنا نجيبها نحطها بطرف الطاوله في الزاويه

و نطيرها باصبعنا ،،

او نحطها في الدرج و الادراج صار فيها كميات هائله من هالحبوب ،،

و مرات الابله ما تروح من راسك الا اذا حطيتها بثمك

صرنا نحطها تحت لسانا و من تعطينا ظهرها ههههههههه

نرميها كالعاده ،،

من جد كنا اطفال و ما نقدر شيء ،،

[الأموره]

يعني انه صار لي في الشعر كم من معجبه

وها ربيع القلب صاير ينطرى بين البنـات

قلتي ها طيـب وكلمـة تشرقـه وتغربـه

بعد ما خليته برجع له وانا بنـت الـذوات

قلتي هذا طفل بسمـة منـي بـس تعذبـه

نظرة من عيني يذوب وينتهي كل شيفات

بس دقيقة وهذا وقتـج بالثوانـي بحسبـه

بس دقيقه تعرفي كم شغله عنـج خافيـات

من تركتيني لحينـي دون لا ذنـب اذنبـه

ما تغير شي فيني كل طباعـي فـي ثبـات

بس تغير شي واحـد انـج انتـي كاذبـه

لا لا حاشا لجذبج عدى في وصف ا لصفات

انتـي مغـرورة وخداعـه انتـي عقربـه

انتـي اردى شـي شفتـه فـي روح و ذات

وصدقيني هالي قلته بـدم جرحـي اكتبـه

والي شفته معج ما هو هين بكل الجهـات

كنتي لي نار وانا كنـت بجحيمـج احطبـه

ضعت انا وياج من عقبج ترى كلي شتـات

كنتي او تدمع عيونج كونـي هـذا اقلبـه

لو اشوف دموع عينج مدري فيه مزايفـات

كم شربت العلقم بكفج وكـم لـي اشربـه

عمري قتلج ما ابي دوم دومي فيسكـات

ادري كل الناس تنظرني وهـي مستغربـه

كيف هذا الشاعر الريال عينـه مـاتبـات

ادري كلكم في ذهول كيـف بنـت تعذبـه

والله لو تدرو البنت هذي والله بكتني عبرات

بس لعلمج من هجرتي منتي عني غايبـه

كل اخبارج تجيني وكـل افعـال وسـوات

بفضحج قدام نفسج وكل شي تدريـن بـه

لجل نعرف منهو احسن ولاتطنين هشمـات

قولي صح شخبار خالد لي عيونج تعجبـه؟

والا احمد الي فوافي واعـدج بالباركنـات

والا راعي الرنج الي قلتيله ابغـي اجربـه

والي ما يبقى رصيدج مستحق واصبح مئات

لعنبوج انتي لبطاقه توهبي جسمـج هبـه

انتي ارخص مالبطاقه وكنتي اغلا الغاليات

والقهر انـي اشوفـج دوم الـي متحجبـه

لعنبوج الحين روبي ما تسـوي هالسـوات

اعتقد كل شي واضح وشي واحـد اطلبـه

لا تظني ترجعيلي وانتي من يبغي الشتـات

هذا قلبي والكرة الحين تجري فـي ملعبـه

وابعدي عن معجباتي مالج ومال المعجبات

صرتي عندي بيت شعر بكيف كيفي اشطبه

والله يلعني اذا عطيتج فـي مـرة التفـات.






...لربيع القلب

[الأموره]

نغضب و نحزن و نبكي ،،

لثواني او لايام او حتى سنين

لنعود و نبتسم من جديد ،،

لنرى ان هذه الدنيا لا تسوى ضيقنا

و غضبنا و حزننا ،،

لنرى اننا نحن من نصنع السعاده لانفسنا

و نحن من نختار ان نحبس انفسنا في حزن لا وجود له

،،

لست ادري هل هو اجحاد لنعمه السعاده

ام اننا لا نشعر بقيمه ما نملكه

ذلك الذي يجعلنا سعداء

الى ان ياتي يوم و نفقد كل شيء

و حينها نشعر بقيمه ما لم نكن نعشر به ،،

من نعم و سعاده كادت تغمرنا ،،

و امور بسيطه ترسم البسمه على الوجه و تمحي الحزن ،،،

نحن من نحدد لانفسنا و نبي لها عالما خاص سعيدا او حزينا ،،


الامورة ،،

[الأموره]

الاختلاف في راي لا يفسد في الود قضيه ،،

في المنتديات نتوقع كل شيء اختلاف الاراء و الافكار و الثقافات و هذا المكان فتح لتبادل الاراء بصورة لائقه ،،
تنم عن وعي الفرد و مجتمعه ،،

و لكن البعض ربما ليس متقنا لهذا الشي فتلقاه يغضب اذا احد ما خالف رايه و يبدا بالكتابه و هو لا يدري ماذا يكتب؟
لا يفكر هل هذا الكلام منطقي جارحاو غيره ،،
فقط يكيفي ان يفرغ شحنه بداخله ،،

ينسون اسلوب النقد البناء ليحولونه لاسلوب النقد ا لجارح ،،

لو كان الامر هكذا لسكتنا جميعنا و لم نبدي بالاراء حول نقطه معينه ،، فلدينا اقسام خاصه للنقاشات
و لكن بكل احترام لكي يتقبله المتلقي...
و خاصه اذا كان نقد فهناك اساليب غنيه عن التعريف تستخدم للنقد و لا تحتاج للتعليم بل هي بالفطرة...
و ستجد قبول النقد اذا تكلمت بود و لكن
ان فعلت العكس لن يقبلوا انتقادك ...

خاصه اذا كنت ترى انك انت هو ن على بينه و هم على غلط فلن لن تسمع لهم من الاساس
فقط تريد ان تفرض رايك ،،

البعض يعتبر ان كلامه بهذه الطريقه يكسبه ود الاخرين و احترامهم ،،،

لست ارى نوعا اي نوعا من الاخوة او الاؤلفه في بعض ردود الاعضاء فهي كالسم ،،،

متناسين امور كثيره ،،

عالعموم نحن في منتدى اولا لكي نستمتع ،،

فهل سنستمع اذا كان بيننا امثال هؤلاء ؟

الامورة

[الأموره]

طفولتنا اختلفت عن طفولتهم ،،

الحين اللي اصغر مننا بخمس سنين طفولتهم غير ،،،

فما بالكم كيف امهاتنا و اباءانا

المهم خلنا الحين بنتكلم عن طفولتنا و عن طفوله اللي اصغر مننا و الفرق

الفرق بكل شيء اللعب ، الرسوم ، الحلاوه ،،

اختلاف في كل شيء 180 درجه

يعني رسومنا المتحركه كان لها اهداف

مثلا رسوم سالي ،،



كانت تورينا كيف انها صبرت بعد ما توفى ابوها

و اشتغلت خادمه بعد ما كانت من اغنى بنات المدرسه

لكنها صبرت و استعلمت معاملتهم السيئه لين جا صاحب ابوها و خذها

صحيح كلها حزن و تغم الواحد لكن في منها فايده ،،

عندك الانسه صفاء اللي اسمها لحن الحياه ،،



و هذي في منها فيلم اجنبي كمان جابت حال العيال بعد ما توفت امهم و انهم ما يبون مربيه او زوجة اب

تحل مكانها ،،

و جت صفاء من ملجا و اشتغلت عندهم مربيه و كانوا ما يحبونها لين ما خلتهم يبحونها و بالاخر تزوجت ابوهم

و ورنا ان بالطيب كل شيء يجي ،،،

في عندكم جودي ابود ،، >> يا صاحب الظل الطويل



هذي كما تورينا كيف ان في رجل كفلها و هنا بينوا كفاله اليتيم حتى لو ان اصلها مو عربي لكن في شيء ايجابي كان يوصل لنا

و في الفتى النبيل عن الام ،، و كان عندنا فتاه المراعي ،، و رسوم كثير تحسون فيها القيمه

و لوجيما لرسوم الحين شيء يفجع

كل اكشن و حروب و انا مدري من الشجاع و الوحش الخارق

غاسلين مخوه الاطفال ،، و هالصراعات الللي تطلع

اليوم تطلع الرسوم ثاني يوم تطلع العبه بكره الفريج كله عنده من هاللعبه بعد شوي يطلعون علكه كلاس

لهارسوم و شوي يجي كورنفليكس يعني مخلصين فلوس الاهل ،،

و المشكله ما منها فايده و ربي انها تدمرهم تسمع اطفال الواحد يقولك سادمر العالم

وش هو سادمر العالم ؟

خلي بكره يكبر و معه هالفكره

و ما تلقاه الا قاعد بغوانتامو عاد بعدين خلي الاهل يفرحون فيهم ،

ربننا يعين،،

يتبع ،

[الأموره]

خافوا الله من معاملتكم للخدم

في برنامج خواطر شاب الجزء الاول اعتقد
عن هذا الموضوع و احضر صور لبعض الخادمات في العناية المركزة من الضرب يعني من جد صور تفجع

شيء مو طبيعي مدري كيف واحد او وحده يتمادون لهالدرجه و يضربون الخدم بهالطريقه يعني مهما سوت هالخادمه مو معقول نكسرها بالضرب الرسول صلى الله عليه و سلم خادمه عشر سنين ما قاله ليه سويت و ليه ما سويت كده ،، فتخيلوا عدا الضرب ،،
اذا هم الحين ما يقدرون يقولون شيء
سيأتي يوم ما و تندمون لأنهم سيكونون أعلى منكم
و يأخذون حقوقهم , هل تعلمون شيئا انه عندما ضرب زلزال تسونامي أن في احد الدول الخليجية قام معظم المرضى الرجال من غيبوبتهم و هل تعلمون ما السبب؟
أن نصفهم يضربون الخادمات و الخادمات قمن بصنع السحر لهم ,انظروا ماذا فعلوا بانفسهم جروا الخادمات الى صنع الأسحار ،،

سبحان الله استعجب من بعض البشر تلفى عنده قطه و يا حبه لها و كيف يعاملها و يطلعها معه و يدلعها تقول بني ادم و بالمقابل الانسان اللي هو انسان يسيء معاملته

شيء ثاني ،،
كثرة الطلبات التي تطلب منها يعني الواحد ما يقدر يقوم يجيب له كوب مويه لازم الخادمة هي من تحضر ليش؟
و بعض الناس يؤخر مرتباتهم و البعض الآخر لا يعطيهن إجازة و لو ليوم
يعني ما في رحمه طول اليوم تقوم تشتغتل و فوقها سب و ضرب ،،،

كله كوم ولا الاهل اللي يربون عيالهم على ان الخدم هذولا مثل العبيد عندهم ،، يعني ما في شيء يقهرني كثر البنت اللي الخادمه تشيل لها اغراضها مو قادره تشيل شنطه المدرسه و لا كيسه صغيره جيابتها حمالي ،،

في حديث يقول ابى ذر قال : اني ساببت رجلا فعيرته بامه
فقال لي النبي :
يا ابا ذر اعيرته بامه ؟ انك امرؤ فيك جاهليه اخوانكم خولكم ، جعلهم الله تحت ايديكم فمن كان اخوه تحت يده فليطعمه مما ياكل و ليلبسه مما يلبس و لا تكلفوهم ما يغلبهم فان كلفتموهم فاعينوهم .


لكن الناس تمشي عكس الكلام ،،
مع ان كل شيء واضح و ما في يبي له شرح ،،

نسال الله الهدايه


الامورة

[الأموره]

بمناسبه الخدم

مره كنا بحصه دين و كنا نتكلم ان في خدم كبار و لازم نعاونهم في الشغل

طيب ليه اصلا عندنا خدم كبار مدامه ما يقدر ؟؟

الابله سالت هالسؤال

في مننا قلنا امكن عشانها من مده عندهم و عشرة عمر او انها محتاجه

وحده قامت قالت

امكن عشان في البيت في اولاد مراهقين فيجيبون وحده عجوز مو شابه ،،

الصف كله نقع ضحك حتى الابله و قالت المراهقين الحين ما تفرق معهم عجوز او شابه ،،

[الأموره]

ون ليتر اوف تيرز

هذا مسلسل من 15 حلقه او اقل مدري ياباني و ترجمته انجليزي

قصته حقيقيه ،،

عن بنت اسمها " ايا " لما كان عمرها 15 او 16 سنه

جاها مرض اعراضه تبدا خفيفه لين ما تصير قويه

كانت لما تركض او تمشي تطيح و صارت خطها مو زين

و شوي شوي نظرها مو زين اذا جت بتمسك شيء تشوفه في مكان ثاني

كله بالتدريج ،، المشي صارت مقعده

و الكلا م ما تتكلم و كتابتها بصعوبه ،،

اول شي حاولت تبقى في المدرسه لكن الاداره رفضت

و حولها مدرسه ثانيه ،، و كان الناس دايما يستغربون منها

و كيف تمشي او تتكلم لانه يصير صعب زي الاطفال لين ما توصل و تفقد كل شيء

المهم كانت تكتب مذكراتها كل يوم ،،

و بالمستشفى كمان كانت تكتب و تحاول و ابدا ما خلت الكتابه

و لما توفت امها شالت مذكراتها و حولتها لكتاب و لما نجح

سوته مسلسل ،، و مرضها استمر معها لين عمر 23 تقريبا و توفت ،،

من جد شخصيتها كانت عجيبه و كفاحها عشان تواصل الحياه ،،،