ويح الحطيئه

[الـزلـزال]

فلاح بن منشار
قصيده رائعه ومتقنه في معانيها وتوجيهها
من شاعر متمكن ورائع في كل مايقدمه
شاهدنا فيها حلم طال ليله
عبر فيها شاعرها عما يجول في نفسه بطريقه رائعه
أبدعت نجمنا الرائع وأمتعت
وسرني تواجدي بين قوافيك
صح لسانك ملايين ملايين
ولك فائق تحياتي وتقديري

[زهرة اللوتس]

نجم الابداع
سلمت وصح لسانك
جزلة من جزل
لاهنت
وتحية طيبة

زهرة

[الخنساء]

صح لسانك مليون ولايكفون

قصيدة جزلة من شاعر جزل

سلمت ودام حرفك

[الملتاعه]

المشاركة الأصلية كتبت بواسطة نجم الإبداع

جاني الحطيئه قلت وش فيك يالهيس=في نومة البارح ونفسي فتنها
هندس وانا ساكت وشفت الهناديس=قبيح وجه وفكرته بي مكنها
قال انت شاعر قلت له لا ولا اريس=والكلمه المره لساني لكنها
قال انت في ميدان بين الاباليس =لازم تشين وروحك اليوم خنها
قلت انت وشبك قال عندي دبابيس=في كل عينٍ خاينه سلك منها
كحل العيون العور بيدك ولك قيس=بين البحور الهوج ماصفت عنها
قلت المهم اش فيك قال انت في نيس= يانمر كشر عن نيابك وصنها
قلت العلوم سهود يالشين بك بيس =وراك تشعل نار قلبن دفنها
لا يالحطيئه لو رمت بالهوى ميس=ماصاب غير ادموعها في وجنها
تبحث عن السكين بين اللغاميس=شفت المحاجي البايره في حصنها
تنثر شعرها للفروخ المفاقيس = فوق السطور العوج بثت شجنها
تصور الصوره وتغوي المخاريس=والرايه السوداء قيادة ضعنها
للشر قامت قومة اهل المطاريس=مترهله سيقانها في خمنها
تاكل عراد وبعض روس القعاميس=وتلبس عباة الكاهن الي دهنها
لا يالحطيئه لاتضوي المقابيس =خل الجياد الصافنه في صفنها
قال انت وشبك ماتشوف المهاويس=الي بدو للمخطيه من فننها
ركّز وناظر زيف باهل الكراريس=يذاكرون دروسهم في كمنها
يانجم ماسموك بالنجم من جيس =سموك نجم افلاك يانجم بنها
اعرفك صلب ومحترف بالمجاديس=والروح من دون العلاء مرخصنها
لاتغفر الزلات بين المراميس = والي يبي الميدان راح ابرهنها
ماقاوم اوباما ولاشيخ باريس= ماجاك غير العنز والي سجنها
عندك بديع الوصف واخبار بلبيس= والحكمه ماتعصى وعندك رسنها
قلت البلاء ياصاحبي بالمعاريس=وعيوني ابشرك هن ماعمنها
ابصر وماجاني سوى رمي تنديس=نفسي عزيزه غاليه في وطنها
على الشرف ماهيب ضمن المناجيس=سيره يغار الكل لاجا متنها
ماشي على نهج الرجال الفواريس=على الشريعه والتزم في سننها
الحصني الي حن خلف المتاريس=واسقى ثعال الي هواها غبنّها
ماياصل المطلوب لاجل التضاريس= غبّات ماكلن بعرفه زبنها
من زبل ثعله مايهان القرانيس =والخافيه بالناس ماحدن ضمنها
بقعاء تسقّي ابليس بالديس والديس=والمعرفه ماتت بداخل خزنها
انته كتبت الشعر للميس تخريس=مير العقول امقفله في مجنها
غريب مامثلك بكل القواميس =ترحم غريم! وروحك الي طعنها؟
اكتب ورود العرف بين القراطيس=وكل هرجه دارجه شف سمنها
احسب لمن يقراء وضو الفوانيس=والجوهره لو جات قدّر ثمنها
الشعر لك خادم وغيرك كوابيس=مايمشي الطرقه ولا قد عدنها
يحتار في عمره ليا زارت لميس =ويختلف قلبه لهزة بدنها
لعيونها يحلم بطيب المغاميس =ويبذل الغالين فدوة شننها
بالوقت علم العولمه فيه تحميس=غنّت ثعال وجات للناس تنها
سّوت عقود الشر خلف الكواليس = ماتدري ان المشكله في بطنّها
تشيخت شخت وناخت لبرديس=منها الصديد وقيح جا من عفنها
كتب كتاب الشر يوم الهواجيس=والشاهد ابليس الذي ممتهنها
احيو الفرح بالغدر وهراس تلبيس=والرطنه اعرفها ومن هو رطنها
لمّت خمام ومن خناه امتلى الكيس=من خلطة الشيطان سوت جبنّها
قامت تصيح وصوتها شرّد العيس=من قدرها الخاني ونفثة وثنها
تنفث عقدها عقدتن ريحها خيس=بعرة بعير وسمنها في سعنّها
ماتعجب الا اهل النفوس المفاليس=الي على العثرات روحه طمنها
عاجلتها واثر الخوارم مناطيس = كلن نطس فطسه لها وارتهنها
حسيلة التهمان بين الجواميس = ممحوق من جاها ولامس ردنها
مسلوبة الوجدان تحت التحاليس= حليبها مبذول للي زبنها
تمشي الطريق الملتوي والمفاطيس=يوم ان شيطان الرذيله قرنها
تحسبني اعمى قلب وخويطري حيس=وانا على روعاتي الي برنها
يوم اونست جمر الغضى قامت تهيس=والقاف بين اهل القوافي فدنها
تعثرت خطواتها بالمراميس = ومات الهوى ماله كفن في حضنها
قامت تلوّي خشيمها بالمعاطيس =يوم الزمن في زاويتها ركنها
لو هدرست ماينفعن الهداريس=خابت وخاب ابليسها الي شحنها
العنزه الي تعجب الذيب والتيس=ماهيب عنزتنا ولا ابي لبنها
ماهيب ليلى العامريه وهوقيس=عجوز شمطاء والهوى ممتحنها
متقلعات اسنونها بالترابيس = نفسسٍ خبيثه كل حيٍ لعنها
ام الكراعين الطوال المحاويس=ماهي قبيليه ولا من شذنها
نوريه ارتاعت وطاعت خنيفيس=ودياسها مايتعدى جرنها
خليتها تفرح لطبل ومراويس =والناس لاعت يوم شافت جمنها
واليوم عقب هياطها والمهاريس=سقت الزعاف وروحها في كفنها
مايلمس الشط المهيب الخنافيس =ظلمه على ظلمه يموت بدكنها
عندي علاج اهل النفوس المناحيس=كسر الخشوم وكي يبري درنها
هذا الصحيح الي عليه اكواديس = على الرحى نطحن حبوب ونزنها
محيط ماياصله كل الغواطيس = من لمْسْ شطه خبنته ماخبنها
والي يقد الصخر ليله قواريس=ينحت ومايلقى لروحه كننها
وانا معي تاج الحطيئه وبلقيس=آمر على روس المقاريد وانّها
والي يقابلني عى الطيب تنفيس=يسعد وماكلن علومي فطنها
اجامل الجاهل وللعاقل انيس = واهل القلوب الحاقده في هونّها
قال الحطيئه عقب هذا المفاريس=ماينطقون وجمرتك في حرنها
خلك على روس الرجوم المباليس=ولا تخلي رايتك لاهل بنها
لازلت في حلمي واحسبني عويس=دورت للترعه وتاهت مدنها
اعوذ بالله منك ياداعي ابليس =الي بهن وسوس وجين ورمنها
سرحت بالتفكير وش هي المداعيس=ماحترت في لون الورود وّوسنها
واثر الحطيئه حول كرس المكاريس=جاب الكريشه عقب ماهو سحنها
شفته موجهها بكل المقاييس =وانا علاشان الحطيئه وكنها
صحيت من نومي وعفت الكرافيس=لكن لعيون الحطيئه قمنها
اما يوقع لي وينهي المغاريس=والا يسقي شجْرْته من مزنها
استغفر الله واعتذر للمجاليس=ويح الحطيئه غرني من حسنها

ابداع وخالقي ابداع وجزاله تجمعت في هذه الباسقه


لله درك يابن منشار ودر منطقوقك

امتعتنا ياقدير

[نفحات حساسة]

الله عليك

نجم مبدع..صح السانك

ولاهنت..

وسلم فكرك ويمينك

تحياتى لك وتقديرى.

[عبدالإله]

قمة الجزالة و المعنى

حاضره هنا

صح لسانك ملاييين

تحيتي لك

@@@@@@@@@

[داعي الشوق]

نص اكثر من رائع
صح لسانك ملايين
لا عدمناك

[زهرة اللوتس]

عوده مجدده للجمال
لاهنت

[سعيد الصاعدي]

الاخ الفاضل / نجم الابداع
صح لسانك لاهنت
نص شعري راقي جداااااا
من شاعر متمكن
تسلم ويسلم فكك يالغالي
تحياتي
أخــــوك
س / ص

[همس الورد]

صح لسااااانك مليوووووون

و صح بدنك

بووووح رائع

يسلموووووووووووا