من العصيده لمقااام الدكتووور

[(ابو ريم)]

ياساتر .... ثلاث عمالقه ماينقدر عليكم . الله يعطيكم العافيه .

[الـزلـزال]

شجون القصيد
بوح متقن عبر عن الحدث بتميز
من شاعرة متميزه ومتقنه في ماعبرت عنه
أبدعتي أختنا الغاليه في تعبيرك
دمتي للشعر ودام لك
صح لسانك ملايين ملايين
ولك فائق تحياتي وتقديري

[الطامي]

ههههههههههههههههههههههه
رائعة جميعها
شجون ماقصرتي لاكن الربع ماهم سهلين يرمون دون حلوقهم الفشق
شكرا للجميع

[شجون القصيد]

ضاعت علي وصرت مثل الفراجير = تدور ماتسلك دروبن جديده
مادري مع الدكتور والا المناشير = والا هكر بالشات صاغ المكيده
اظن هاللي صار منه التدابير = بيده مفاتيح القرار وعميده
يطمس على هذا وهذا بتغيير = ويغير اسمه كن ماشي بيده
وحنا مثل ماقيل نمشي على السير = ونصدق اللي قال لو مايعيده
ياشيخنا عثمان من غير تشفير = اللي مسويها فويرس عضيده
وحق الذي نزل هتون المعاصير = هذيك ليله بالسعاده وحيده

[الطائر المهاجر]

الله هو اللي عالم بالتدابير= فلا تتهمي شخص بري بمكيده
وكلمة مناشيرٍ تبي بعض تفسير=ماهوب شرط العايله بتحديده
ممكن هكر ممكن خفر او مخاتير= وممكن يكون اللي نشوفه فقيده
الأمر راح وما يبي له تساطير= وكلنا ضحكنا في دقايق سعيده

[عبدالله مذكر العقيلي]

العلم وشهو يالوجيه المسافير = بالله قولولي عن اللي تريده
حنا الرجال اهل الوفاء والمناعير = نقطع حبال الشر لوهي جويده
ومانقبل الزله وكثر المخاسير = لطيبين اهل العلوم الفريده
عند الفطاحل والفطاحل بهم خير = وقفاتهم فيها الصفات الحميده
بقيادت الطاير ولافيه تقصير = خيره كثير وجعل ربي يزيده
ومعه النشاما والبنات الغنادير = واللي يخالف رايهم مانريده

صحت السنتكم

مشاركه على الطاير




عبدالله الحمدان

[شجون القصيد]

ههههههههههههههههههه

الله يسعدك دكتووور

صح لسااانك

ومافيك حيله

فعلا كنا سعداء ونتمنى تتكرر ويجي نفس الهكر

دمه خفيف الله يسعده ههههههههه

تحياااتي لمقامك

[شجون القصيد]

صح لسانك عبدالله

وانت مافيك حيله

حيااااك الله هنا

شاااعر رااائع وكلمات عذبه .. والسالفه عند الدكتوور

خالص الشكر والتقدير

[الطائر المهاجر]

بقسم الفكاهه لو تشوف السواطير = ضحكٍ ومزحٍ من نفوس حميده
فلاتشيل هم يابن مذكر ترى الطير= يصيد مر ومر صيده اكيده

[عبدالله مذكر العقيلي]

هههههههههههههههههههههههههههه

لاوالله محد يصيدك يالذيب

صح بدنك



تحيتي