مسابقة / صـــــــــــورة وتعليـــق 2

[ماجد الزيد]

الذيب ذيب ولو ضرب بالرصاصه
له هيبته حتى وهو فاقـد الـروح
تلثـم الجانـي مخافـة قصاصـه
من شبل يثأر لا لقى الذيب مطروح
فالذيب ما يغدر ولو به خصاصـه
الغدر بالإنسان مـن جدنـا نـوح

لن أطاول المهاجر فقد عبّر عن ما في خاطري هنا بهذه الأبيات الرائعة

للمعلومية تم قتل هذا الذئب ظلما وعدوانا في صحراء الجوف تحديداً (بالقريّة) للفشخرة

أيقتل بظلم النّاس شيب السّراحين=برمي الرّصاص الفشخرة هالطواريخ
فلا عاد هو عاوي ٍ فوق مرقاب=ولا عاد هو موْنس ليالي المطانيخ
فيا ليت بأنّي يوم سرحان مغدور=دفين الثّرى وراميه يسقى زرانيخ
أبيت اللعن ياذيب ياشيبن اشهبن=فلك جرْو يكبر يفْنخ الغدر تفنيخ

[الطامي]

عدنا والعود احمد
الليل والخيل والظلماء تعرفني ((( بيفوووووووووووور ياذيب ))
الذيب والله ساكنٍ في حشا ذيب،، ماهو بذيبٍ راضيٍ بالمهونه
اااااااااااااااااااه يازمن

الذيب ذيبٍ يوم كانو الذياب اذياب=وكان البشر تخشاه يضوي عليهم
والذيب في وقته نديمٍ ولاعاب=يضرب به الأمثال كنه حديهم
واليوم صار الذيب بالحيل منصاب =اما بضرب اسلاح والا بيديهم
اقفى مع وقته وكلاح الانياب=وحل الثعل في موقفه من سويهم

قبل وفاة الذيب

وهو يلفظ أنفاسه الأخيره

جر له أربع عويات


عفــــوا ..!!


أربع أبيات... وقال فيها :

أقفى زمان مصاحبين السراحين=واقبل زمانك ياصحيب السلاحي
خَـفاك إبن خرصان طـَـلـق الحجاجين=خنت السلوم وخنت درب الفلاحي
غدرتني ياابن الرجال الميامين=وانته على ماقيل قرم(ن) وصاحي
مير أفتخر وارفع بها الراس والعين=عيشة شرف والا مماتي صلاحي

ملاحظه :


لمن أراد معرفة قصة إبن خرصان
والذيب فهي على هذا الرابط :


http://www.fatahilah.com/showthread....028#post350028

[ابومياس]

ماجد حمد الزيد

منصور الوذين

حمد البلاجي

صح لسان كل واحد فيكم

مبدعين لاهنتوا

[منصور السبيعي]

السلام عليكم

يالربع ماهو ذيب؛؛ هذا يقاله الشيب .. *بكسر حرف الشين* وهو اللي امه ظبعةٍ من ذيب.. وهو اكبر بكثير من حجم الذيب



حبيت أوضح الصورة والله اعلم

[الطائر المهاجر]

اما انا عيوني شجر وقالوا الربع ولا دققت
بس انتبه لا يكون ابا الحصين وانا قاعد امجد فيه

[منصور السبيعي]

المشاركة الأصلية كتبت بواسطة الطائر المهاجر

اما انا عيوني شجر وقالوا الربع ولا دققت
بس انتبه لا يكون ابا الحصين وانا قاعد امجد فيه

هههههههههههههههه


أنا والله كني اياك بس اني قد شفت الصورة قبل كذا

[ابومياس]

السلام عليكم

يالربع ماهو ذيب؛؛ هذا يقاله الشيب .. *بكسر حرف الشين* وهو اللي امه ظبعةٍ من ذيب.. وهو اكبر بكثير من حجم الذيب



حبيت أوضح الصورة والله اعلم

اهلا وسهلا بك اخي منصور

يارجال ذيب بس تراه سمين شوي

اكيد انه اكل غنم الرجال اللي ذبحه

لاتدقق دمت بخير

[سناعيس]

المشاركة الأصلية كتبت بواسطة منصور السبيعي

السلام عليكم

يالربع ماهو ذيب؛؛ هذا يقاله الشيب .. *بكسر حرف الشين* وهو اللي امه ظبعةٍ من ذيب.. وهو اكبر بكثير من حجم الذيب



حبيت أوضح الصورة والله اعلم

لا لا هو ذيب ياخوي منصور
بس ذيب مرفع على حصى وطلع ماكنه ذيب
أنت ماشفت وش يسوون القصمان بالعراوي والهايلوكس يرفعونها من قدام وينزلون السست لين تغير أشباهها وهذا اللي حصل لها الذيب
عاد تراني أمزح وأكيد انت أبخص يامنصور وعلى ماقال مشرفنا الشوف شجر وبعدين لو تجيبهن لي كلهن ما أدري أيهم الذيب الحقيقي <<<<<<<<<< من كثر ما أصيدهن هههههههههههههه

[عبدالله راشد الثويني]

السلام عليكم ...

اطربتونا بأبياتكم الرائعه كل الشكر ، الصراحه أخجل من المحاوله بعد قرائتي للابيات التي قرأتها من اخواني المبدعين

ولكـن لا بد من المحاوله

بلسـان الذيب ...

سلٌمت روحي لخالق الكـون سلٌمت = وفارقت دنيا الزيف دنيا العذاريب
وش عاد انا لو مت وش عاد لو مت = لو كان اسمي ذيب ماضن به عيب
يا قاتلي تسلم يمينك تكرمت = يومك رميتن من طوال المراقيب
يكفي مع اني ميت منك تعلمت = إن الشجاعه بوقتنا لازم تغيب

تحيتي