تشوف الرجل يعجبك بكلامه

[محمد عبدالله البدراني]

المشاركة الأصلية كتبت بواسطة الطائر المهاجر

تشوف الرجل يعجبك بكلامه= يبيع الهرج ما يخشى ملامه
والى منك تتبعته لقيته = لطيعي فيه من طبع الفدامه
ولو هو منتمي لاطيب حموله= فلا هو مثل خاله او عمامه
خسيسٍ معدنه لامن سبرته = ولو غطاه تعرف وش طمامه
اذا منه هرج هاجمك قاصد= يظنه مثل عنتر في التحامه
وهو طاووس لو ينفش لريشه= فهو في داخله مثل النعامه
واذا منك كتمته لف هرجه =وبدا ينصحك عن جهل وغشامه
يهايط والمهايط مايردك= على علباه تكويه بصرامه
صحيح اني حليمٍ واتحمّل = ولكن للحلم حد وعلامه
وحلمٍ مع نذل لا من تطاول = عليك يْعود خسران و ندامه
اقدر كل رجلٍ من فعوله = واحطه فوق راسي والعمامه
ولو شفت المضره قلت يمكن= فهمني بالخطا واقبل ملامه
احاول فيه واشرح له كلامي= ولو عانيت من صعب افتهامه
واذا مخطي اشيل الحق وافي= واذا اخطا لقيته باتسامه
مشاكل كل حرٍ مع رفيقه = صعوبة فهم مغزاه بكلامه
واما النذل لاتعطيه فرصه= يصيد بماء عكر يشفي انتقامه
فلا تليّن ابد للنذل جانب= ترى حلمك يعلّي من مقامه
على راسه بمشعابك تداوي= وهم خلاه عايش في ظلامه
وتركه خير اذا ما صرت قادر= فعرفه عار يجلب للملامه

العزيز الغالي الطائر المهاجر سلمه الله


الله الله عليك الف الف الف مليون صح السانك

ابو عبدالله صخرت ابيات المعاني حتى اتت لك طائعه

وصخرت الاذان للأستماع بهذا الون الصخري الرائع

موسيقى تصخر المتلقي وعذوبة كلم وجزالة لفظ وحكمة متدفقه

اتت من نهر لاينضب من الحكم المستقاه من التجارب وشدة المراس

ديباجة عذبه ولغة وهاجه وحكمة بالغه

لله درك لله درك لله درك لله درك

ابو عبدالله ماعسى ان اقول ووالله لو لم اخشى ان يقال اني اجاملك

لكتبت وكتبت حول هذه الابيات التي تستحق ان تدرس وتُدرس

يجب ان نحفظها عن ظهر قلب لما بها من الحكم والنصائح التي لم تصدر جزافاً بل من رجل اشبعته الممارسه وشعب الحياه شدة المراس وقوة الباس ولين الجانب
التواضع بغير ضعف والقوة بوقتها ... هكذا توحي لنا ابياتك ومن عرفك عن كثب يرى انك كفؤ لما قلت ...


الف الف الف مليون صح السانك ولايكفون

اقف اجلالا واكبارا
ونرفع القبعه > الشماغ< احتراماً

ويشار بالابهام لمن صاغ تلك الاحرف

وتكتب بماء الذهب



هذه تحياتي
مع اسمى ايات الشكر والامتنان فائق الاحترام واطيب المنى رعاك الاله

[هاجس نجد]

]شاعرنا الغالي الطائر المهاجر

صح السانك وبيض الله وجهك

على القصيدة الطيبة ومعانيها الراقية

لاهنت يابوعبدالله ولاهان مغليك

تقبل تحياتي وتقديري

أخــــــوك

هاجس }{ نجـــــــد

[داعي الشوق]

احاول فيه واشرح لـه كلامـي
ولو عانيت من صعب افتهـــــــامـه

...................

صح لسانك بالطائر المهاجر

ولي عودة ..

[عايض المقاطي]

درر ..!!1








صح لسانك ماتكفي أمام هالبسوق




ولكن بما أن الصمت حكمه





سأقابل الحكمه بحكمه







تحياتي




يا أبا عبدالله


,,


المقاطي

[ابو أنس]

ابو عبدالله...............
ان قلت انك تتنفس شعرا وابداعا فلم أجانب الحقيقه
ولك مع كثرة وغزارة انتاجك ذوق وملح طعام

في هذه المره قد تكون مستثارا
ولكن نتائجها لنا طرح غني وثمرة يانعه
لك كل الشكر

[سعيد الصاعدي]

الاخ الفاضل/ الطائر المهاجر
صح لسانك وعلى شانك
وبيض الله وجهك
تقبل تحياتي

فلا تليّـن ابـد للنـذل جانـب
ترى حلمك يعلّي مـن مقامـه
"

"

"

صح السانك هلالية حمكم

تحيتي,,

[الطائر المهاجر]

المشاركة الأصلية كتبت بواسطة خالدعبدالعزيزالسبيعي

ياعيني عليك يابوعبدالله جزل وشاعر علم وفكر نّير
ولله درك على هالقصيده الأكثر من رائعه
وافتخر بأني اول من رد على هالقصيده
وليس للمرور بل للتزود من نبعكم الصافي

شكرا أخي عبدالعزيز
على كريم الحضور والتفاعل الراقي
لاهنت
تحياتي الطيبة

	شاعرنا القدير / الطــــائر المهـــــاجر

الله الله

صح لسانك

وبيض الله وجهك