هلا بالحب من بعد التغلي(بالصوت)

[عذب القوافي]

صح لسانك

ابوعبدالله

نص فاخر

والجزالة من عوايدك

تتقديري,,,,,,,

[حوريه]

الطائر المهاااجر

صح لسانك ياذووق

نص رااقي من شاعر غالي

لاهنتــ...... ولا هان مغليك

[عدنان كريزم]

غريبٌ انت يا الطائر ...


قصائدك تجلب الاندهاش السريع ..


وتغصب القارئ على المتابعه لاخر حرف بالقصيده


فصح لسانك

[الخنساء]

المشاركة الأصلية كتبت بواسطة الطائر المهاجر

هـلا بالحب من بعد التغلي = هـلا بك والمهلي ما يولي
هـلا بالبدر في ليله تجلي = وش اللي ذكّرك يا من نساني
تقـولين الزمن واقول وللي = قوى قلبك على الفرقى وانا اللي
احب بصدق مـالي بالتسلي= واعيش العمر باسبابك اعاني
تبيـن الحب والا ما تبينـه = حرقتي القلب وش لك تحرقينه
ترى حالي مع الفرقى حزينه = وفعـلك ما يجيزه مودماني
بعد ما انتي على روحي امينه = سرقتي فرحة النفس السجينه
وجرحتي القلب عل الله يعينه = تجي منّـك والا من زمـاني
طوال الليـل والهاجوس عندي = افكّـر ليش قررتي التحـدّي
هجرتيني وصرتي اليـوم ضدي= بعد ما كنت حلمك والامـاني
وش اللي غيرك واخترتي صدي= هم العذال عن حسد وحقدي
او انـك كنت تتسلـي بجـدي= وانا الجـاهل بلعبات الغواني
انا حبيت صادق من ضميري= بنيت احلام واثق من مصيري
مثل ظميـان في عز الهجيري= يطارد في سراب ولا استكاني
ضواه الليل يمشي كالضريري = ظـلام دامس ودرب خطيري
يجر الصوت كالطفل الغريري= فقد امه ولا يـدري المكاني
تعالي واشرح لي ليش هجري= ظلمتيني كفاية طـال اسري
اعاني بصمت ما تدرين امري = نسيتني وذلّـي والهـواني
نظرت لفوق والنجمات تسري= نظرت لتحت والنسمات بحري
نطرتك عل بالاحـوال تدري= وحارت نظرتي محدٍ هداني
ربيـع العمـر ولاّ كيف اجيبه = وتجيني في النهاية يالحبيبه
تقـولي اقبـل اعـذاري بطيبه = ما دام الحب يسكن في كياني
ماني راضي ولو روحي عطيبه = ماني راجع لحب فيه عيبه
ابنسى الجرح وانسى انك طبيبه= بامـان الله شوفي حب ثاني

صح لسانك مشرفنا

قصيدة جميلة لاهنت

سلمت ودمت بخير

[حي الضمير]

صح لساااانك وقلبك ياشاعر العثمانيات

[شعيل الزلامي]

صح لسانك يابوعبدالله
قلت فابدعت حقيقه
صح لسانك مليون

[حرف وشعر]

الطائر المهاجر الله الله علي هذا البوح الراقي

نص وافي وراقي بالفعل

دمت ودام أبداعك أستاذي الحبيب

كنت هنا00

الطائر المهاجر
دكتورنا العزيز
يسعدني المرور من هنا حيث الشعر
محيي للشعر ولأهله من قبله
ويشرفني مصافحتك عبر هذا المرور
دمت للشعر شاعرا متألقا
ودام لك الشعرشعرا ألقا

ولك مني كل الودددددددددددددد

صح لسانك أبو عبدالله وعاش راسك على الطيب يا معدن الطيب

استمتعت بهذه الرائعة .. ولي سؤال

بالنسبة للقوافي كيف تتغير من بيت لآخر ؟

وماهو هذا الطرق اللي كتبت عليه ؟

ويعلم الله أنني كتبت هذه الأسئلة رغبة في الاستفادة

من فنك وعلمك وأدبك .... وفقك الله

[الطائر المهاجر]

شكرا لأخي صوت الإحساس
على كريم الحضور والتفاعل
لاهنت
تحياتي