حرب المحاوره بين شعراء الفطاحلة

[الطائر المهاجر]

تعال اقرب ولا تخشى فلغزك بان لو يصغر= نحل اللغز واسراره ولكن دايما نستر
ولا تمسك حيادك عارفين الحيد والبندر = واذا ما سبح القيطون فاعرف انه سنافي

[ابو زياد]

المشاركة الأصلية كتبت بواسطة فلاح بن منشار

ورى بعض العرب خايف وهو من قبل بالسنتر= تطول الملعبه والشر عنا ياخوي يقصر
على وقع القوافي مالنا غايه سوى نحضر = والا من سبح القيطون فاعرف انه سنافي

اضنك تعرف ان الحرب قديم بيننا تذكر=سجال وانت تعرفها على الميدان كر وفر
وانا اباقدم طعوم عساها للخفي تظهر=والى من سبح القيطون فاعرف انه سنافي

[نجم الإبداع]

انا خابرك في الميدان مثل السبع تتبختر = وخابر صاحبك من قوة الهجمات يتقهقر
يحاول شب نار الفتنه ويراوغ ليا بعثر = والى من سبح القيطون فاعرف انه سنافي

[ابو أنس]

انا منّك قريب اعرف واعرف انك الأقشر=تفلسفها وتحرفها على كيفك وتتمنظر
وان حظي معك اسود (ظهور العظم في المهبر)=شف التوقيت خلاني كما القيطون ياسنافي

[الطائر المهاجر]

نبي تقرب زياده لين ما تجلس تحت مجهر = يورينا علوم تختفي من خلف الف جدار
اشوف إن اليمن ترسل معونه دونما تشكر = تحاول وردها يسقى وتروي يابس الاشجار
ولكن النبع حوّل ولا عبّر ظما الأنظار = واذا من سبح القيطون ضاع النهر ياسنافي

[ابو أنس]

اعرفك فاهم (ن) في النفس واعرفك بارع ودكتر=ولكن بك هواجيس(ن) وتقرا ظاهر الأسطر
ترى التحليل من جلسه يخلي القول يتعثر=ولا ني صاير القيطون ولو سبحت ياسنافي

[الطائر المهاجر]

انا بالشعر وإلا النفس تركناها ولا نذكر = اشوفه مثلما شافه سواي بكركم والفر
مخاييل تجاهلها ولو هي بالبرق تأسر = وانا القيطون لي شاهد اعرفه ظفر وسنافي

[نجم الإبداع]

على فحل الفحول ادرج وخله يرزقك ياغبر = وانا رزقي على ربي ولاهو ملك متكبر
تشرق او تغرب مامعك غير الخلا ياعور = صحايف لو فتحناها تهولك وانته سنافي

[ابو أنس]

عطاك الله حروف الشعر... بها تكتب بها تنثر=بها تذكر سواليف وخيالات(ن)ولا تصبر
تعبر حلمك اللي شفت في نومك له تفسر=وتطلب شاهدك قيطون وان سبح فهو سنافي

[نجم الإبداع]

انا ياصاحبي ماجيت من صنعاء ولا تدمر = انا من ديرةٍ معروفةٍ بين العرب وافخر
وصاحبنا يقل هات الاقامه وانت من مشقر = وش اقله وتاريخ العرب ماينكر سنافي