حرب المحاوره بين شعراء الفطاحلة

[نجم الإبداع]

المشاركة الأصلية كتبت بواسطة المشرف العام

جهازك يافلاح احتر لأنك قاسي المعشر= ترى الكيبورد لمسات ولاهو بالرجل يدفر
وغيابك عارفينه يوم ما طاردت للأشقر= سبى عقلك وضيعت الطريق ولوّك سنافي

انا ياصاحبي كم قلت لك لاتطلق المعبر = ترى مايفهمك غيري ولو تاكل من الحبحر
اخاف ان المكينه لو تشد شويه اتخرخر = وتقعد تشتكي للخلق وانته عندنا سنافي

[الطائر المهاجر]

واشوفك يافلاح اقبلت تبي في غاربي تنشر = ولا ودي اشعللها معك خايف عليك تخسر
ولكن دامك البادي تحمل ما يجي واكبر = اذا من سبح القيطون فاعرف شغلي سنافي

[ابو زياد]

فلاح انا اعرفه موج ومن حاشه ترى ينضر=وترى صاحبك متلاطم ولا ضني بعد يعبر
ترفق واحمد المعبود الى نجاك واستكثر=من التوبه وبين له بانك طيب سنافي

[نجم الإبداع]

انا مالي سوى ياصاح غير اشكيه للمخفر = ابد يابو زياد اكتب بلاغي داخل المحضر
اهو الي يبتدي وانا مدافع ناب الا كشر= ولا منه تعدى باسمحه لاجل انته سنافي

[الذيب]

تو ماتزين المحاورة استمرو الله يقويكم:d

[الطائر المهاجر]

ترى ماعندنا شكوى ولكن دام ماتقدر= فلا تسمع كلام اللي يشعللها على المنبر
اعرفه ما يواجه ولو يواجه واثق يخسر = واذا من سبح القيطون فاعرف شغلي سنافي

[ابو زياد]

تبعت لقول ابو طله وساقك سوق للمجزر=ماغير مغمض عيونك عن الدنيا ولا تسبر
وراح وصرت بلحالك مغير تنوح تتعبر=ولكن صاحبي يسمح عشانك سمح و سنافي

[الطائر المهاجر]

اجل ما فيه غير الحر ابو انس وبه افخر = يجي ويصد هجات بديتوها فهو اخبر
ولكن خوفتي يقلب معاكم بعد ما يجبر= واذا من سبح القيطون فاعرف انه سنافي

[ابو زياد]

حتى هو شبع منها ولا اضنه يبي يجتر=ولا باقي بها غيري انا وانتا وابن منشر
ولو بالجد بالحالك 0تواجه كامل المعشر=شديد..ولكن اخبرني وش القيطون؟ ياسنافي

الاجترار اخذتها من عودة الشخص للشيء الذي تركه
وهو الوحيد المنسحب وللبقيه طريق العوده مفتوح

[نجم الإبداع]

اشوف الليل حامي والعرب حدّو بني الاصفر = تقول اني بذي قار اقبلو بالخيل والعسكر
طبول الحرب دقت واسمع الميراج والمورتر = واذا من سبح القيطون فاعرف انه سنافي