المملكة الخاصة بعبدالكريم العياش

[روح الشعر]

الدروب امامك مفتوحه


واصل ياعبدالكريم


اشكرك

تقبل هدوء مروري

[بنت النور]

وفقك الله يابو احمد ووفق احمد واخوانه

[كظيم]

مملكـه رائعــه
بدائتهـا ولم انتهي ولكن
بهـا من البوح والقصص الجميلــه
اخذت البعض منهـا
ولي عوده مجدده اخي الكريم
كن بخير
ودي وتقديري

[عبدالكريم العياش]

روح الشعر

همسات دافئه

كظيم

تشرفت بمروركم
واسعدني حضوركم
لكم ودي واحترامي

[عبدالكريم العياش]

قلب العنى عيّت تعلّمه الايام
عيّا من الايام لاياخذ دروس


تضحك عليه ابرد مشاعر من العام
ويرجع يقول الحظ طايح ومنحوس

بووووح
فوري

[عبدالكريم العياش]

رباعيات
الحنين
للمطر

لقيت في وادي الوفاء قعدت العام
حتى سماد النار لازال باقي

.
وهمس الحديث وباقي اثار الاقدام
واوتاد ثبتنا عليها الرواقي
.
وين النفوس الراضيه ذيك الايام
تهفو لها نفسي بزود اشتياقي
.
كانت سوالف بين امال واحلام
ولانفترق الا ليوم التلاقي

[عبدالكريم العياش]

يامشغلا حالي ومستحوذني
خلاص حلّلني وانت مسامح

ماني معاتبكم ولاتؤخذني
كبوة حصان(ن)كان حيله جامح

للصبر ياليل الموادع خذني
لدرب اتجاه مخصصن للرايح

ويارب من شيطان نفسي عذني
عن كل درب(ن) به غوايه نازح


فوووووووووووووووري
ومبااااااااااااااااااااااااااا ااااشر

[عبدالكريم العياش]

عقب خمسين عام(ن) كيف ابنساها
لاتلومون عيني يوم تبكيها

كل شي(ن) يرجّعني لذكراها
كل عمري قضيته بين اياديها

وش تساوي الحياه اللي بيلاها
عفت من بعدها الدنيا ومن فيها

اعذروني انا امي غير شرواها
الله اللي خلقها اعتنى فيها

[عبدالكريم العياش]

رباعيات
موجعه

استفبقي شوفي الدنيا استفاقت = وطارت طيورالفلا في رزقها
انتظرتك لين بي دنياي ضاقت = ونبضة الخفّاق زادت طرقها
كان عيني مع عيونك ماتلاقت = شمس عمري تنتحر في شرقها
كان متّي موتتي وياك راقت = دونك الايام أعرف وش فرقها

مبااااااااشر

[عبدالكريم العياش]

اكتشفت
ان لاشيء يزيل الهم
سوى الطاعه
ولاشيء يجلي الغموض
سوى الحقيقه
ولاشيء ينجيك من المئازق
سوى الصدق
ولاشيء يسعد من حولك
سوى الابتسامه
ولاشيء يدوم لك
سوى جيبتك
ولاصديق لك
اكثر من اخيك
و