المملكة الخاصة بعبدالكريم العياش

[عبدالكريم العياش]

لمّت اطراف الحكايه ورحلت
وماعطتني فرصةٍ اشرح لها

والروابي دون غيثه أمحلت
مشكله تتعب وانا ارحم حالها

[عبدالكريم العياش]

http://www.youtube.com/watch?v=WJbEF...eature=related
صباحك جوري معطر صباحك نور
صباحك طفل باسم يسكن عيونك


صحت لك حنجرة عصفور يابلّور
يغنّي في طرب نشوان للحونك

[عبدالكريم العياش]

ياولف شوقي لاترده بقسوه
ارفق على من صفّقته المقادير

نسيتني يادرب الاشواق نسوه
ليتك تجيني دون ماتجيب تبرير


نسجت لك ياولف الاشواق كسوه
ياغلطة النسيان ابي منك تفسير


كانك خذيت من القطوعين اسوه
مامن ورى الدنيا ولااهلها خير

[عبدالكريم العياش]

هدّني طول انتظاري والسهر
ونام طيفك في عيوني مطمئن


وكان صبحك بان ياوجه الطهر
اعرف اني رحت أتقلّب وائن

[عبدالكريم العياش]

مرباعنا وسط فيضة دوم مفتوحه
ترعى قطيع المشاعر عشبها الطاهر


ترعى بوضح النقى روحي زهر روحه
ونظام قطع الاشاره يرصده ساهر

[عطر الياسمين]

حرف وعزف.. دوم مميز

متابعين لك

تحياتي

[عبدالكريم العياش]

المشاركة الأصلية كتبت بواسطة عطر الياسمين

حرف وعزف.. دوم مميز

متابعين لك

تحياتي

تسعدني متابعتك
عسى ربي يسعدك
ويوفقك

[عبدالكريم العياش]

الثقه ياكبرها بيني وبينك
ماتزعزعها هواجيس وضنون

بس قوة غيرة اللي حاسدينك
وصلتهم بالقهر حد الجنون

اثم حاك بنفس ناسن قاصدينك
وثورتك صارت لهم مدّ(ن) وعون

لاتخليني مع الثوره ادينك
وانت تعرف غيرتي ظلماء عيون

تضحك الايام في صفحة جبينك
واثق الخطوه وتعرف من تكون

تملك خيوط الملاعب في يمينك
وتعرف انّك انت عندي ماتهون

ماضربت حساب لو جارت سنينك
وصاحبك في معركة ريب المنون

خايف الطغيان يهدمك ويهينك
طالبك ترجع مثل اول حنون

[عبدالكريم العياش]

استريـح ان كـان بالـك مستـريـح
وان تعبت اتعـب واعانـي اكتئـاب

كنترولي انت اذا تبغـى الصحيـح
وماسواك بنظـرة عيونـي سـراب

انت مثل الغيث بالفصل الشحيح
ممتلي بك حب واشواق وعذاب

ماني اللي طاير(ن)مـع كـل ريـح
لاتـغـرّك بـعـض نــزوات الـشـبـاب
اعترافات
صادقه
و
صريحه
م
ب
ا
ش
ر
ه

[عبدالكريم العياش]

ويــن اروح ووجـهّـك بـكـل الوجـيـه
كل وجه اشوف وجّهك فوق وجهه

صـرت انهـج نفـس نهج(ن)تنهجيـه
كيف لا وانتي معي في اي وجِهـه

والمكان اللي تجيـه احلـم واجيـه
كلّـك تلّبستنـي فـكـر(ن) ومهـجـه

والـذي ترجيـه انــا صــرت ارتجـيـه
وكلّي تحوّلت لـك طبـع(ن) ولهجـه
بوح
مسائي
م
ب
ا
ش
ر