قصائد كوميديه للطائر المهاجر

[الطائر المهاجر]

ترى عندنا الخطابة ام علي
للي وده يخطب له !!

[الطائر المهاجر]

هذي قصة حقيقة ..
كان شيبان الحاره يجتمعون كل ليلة عند واحد يتسامرون ،
واحد منهم عيّار ، ويحب يسوي مقالب في ربعه ، فذاك اليوم
شاف عند بنته قارورة زيت راس وعليها صورة هكالبنت اللي تهبل
وشعرها يمكن طوله متر ، طبعا دعاية للزيت ، الرجال ما صدق
وخذ الصورة من القارورة ، وراح لذاك المصور ، قال له ابيك
تطلع صورة من هالدعاية ولكن تكون كأنها صورة بنت حقيقية ،
وبالفعل عمل له المصور طلبه ، وفي موعد الجلسة مع الشيبان
وبعد ما بدو يسولفون ويتسامرون ، طلع الصورة ، وبدا يقصد:

واهنيك ياسعد بالظبي منسوع الجديله= خذتها من ديرةٍ فيها المها يجلب بلاشيي
ليتني وياك رحنا وخذت لي بنتٍ جميله = تسعد الشايب بتال العمر لو ما به عراش
راح عمري ياسعد صابر على الشمطا الهبيله= لا جمال ولا لسانٍ حلو يغري للفراشي
دايم مخانق وهي تقرص مثل عقرب رميله = ا تشفق موعد السمره بعد طوال الهواشي

طبعا الصورة وهالأبيات اللي قالها هيضت شايب ثاني
فننتظر ماذا سيحصل ..

[كريمة محمد]

	هههههههههههههه والله كلمات فى منتهى الروعة تسلم اناملك مشرفنا الكبير تلميذتك الصغيرة/كريمة

[كريمة محمد]

تسلم اناملك مشرفنا
سبحان الملك
والله كلمات معبرة
تلميذتك /كريمه

صراحة كلمات صعبة ما فهمت منها شي
مشكور اخي الكريم

ههههههههههههههههههههههه
حلوة كثثيررر يسلموا

المشرف العام مع التحيه المره الاولي التي ادخل فيها مواقع الشعراء يبدوا اني سوف اتعلم الشعر وانافس الفطاحلة وشكرا لك علي رحابت صدرك

حلــــــــــــــــــــوة القصة

[ملك الاحساس]

هههههههههههههه صح لسانك اخوي

[الطائر المهاجر]

كيبورديه

شريت لي مشلح وفصلت ثوبين = ومعهن شماغ وارد الشيخ عجلان
وسهرت طول الليل اكتب من الزين= ابيات شعر امدح بعير لفلان
واحمسه كوده يجيب النياشين = يفوز لو يضلع وهو حيل جربان
من شان عين اللي رصيده ملايين= لا من تغر فالكرش بالمال مليان
واخذت تكسي ما سمح دون عشرين= وآصل والآقي الناس حضر وبدوان
شعار واجد والخلايق ضلاعين = كل يبي يدخل من الوضع طفشان
وادفش معاهم لين قربت مترين= قال الحرس ..لا وين لاتكون غلطان
قلت اسمي الشاعر ولا فيه تخمين= وعندي قصيده ما تعادل بالاثمان
قالوا تودر وامسك الدور يومين = وقصيدتك تحتاج ضبطٍ وميزان
وارجع بدربي حافي الرجل مسكين= ضاعت نعولي والبخت مابعد لان
واشوف لي حلاق احمر علابين = كنه خواجه دام اصوله بلبنان
واشكي عليه الحال والفقر والدين= لعل يفزع لو خذا النص كسبان
جلسني في الكرسي حلاقه وتزيين= بالشيب يصبغ ثم بيّض للاسنان
حتى غديت بلمعتي كالمذيعين = ثمن خذاني لصاحبه "بيه" عدنان
واختار لي بنطال لو زاد شبرين = وقميص يلمع فيه اشكال والوان
وشفته يكلم ..بس ماقال لي مين= واثره خذا موعد مع الشيخ كرشان
ورتب لسياره على يوم الاثنين = وجانا الدريول منخره تقل شكمان
سواق معه الروز كشخه بلونين = ومن قبل ما نمشي همس لي بالآذان
وفهمني الخطه بدقه وتمعين= فإنا رجال أعمال عالين بالشان
ومن يوم قبلنا وذا الخلق بلشين= فتح الطريق وفتح باب وبيبان
ولمن وصلنا الشيخ قربنا الاثنين= ودرب الطمع جره ولاهوب فطنان
وقمنا نوريه الصور والعناوين= وعماير ما مثلها شاف في "كان"
عربن على وحده بخمس وثلاثين= والثانيه بخمسين في البيع شفقان
وقلنا في امان الله ومن بعد يومين= نجيب لك في البيع علم وبرهان
وارجع لداري كاسب الصاع صاعين= واحرق قصيدٍ كان في مدح بعران
دامه حرامي سرقته ما بها شين = ولا اذوق الجوع والكرش شبعان