المرجلة ماهي على فتل الأشناب

[ابو أنس]

ابو فايز...............
نص موجه ومليئ بكل المعاني الجميلة والثقيلة
عسى ان يكون وصل لصاحبه وآتا أكله

دمت بود
ولك كل الشكر

[الـزلـزال]

الصريح العتيبي

شابت رموش العود والعود ماشـاب=وعصـاي والله مـا نجـرد لحاهـا
اقولهـا بالصـدق مانـي بنـصـاب=وكـلا يزيـن حجتـه وش وراهـا
ومن فر فمها يعرف الضرس والناب=أمــا قنـاهـا دوم ولا حـداهــا

صح لسانك بلايين يابن سرحي


دائمآ مبدع والأبداع ياخذ من أبداعك


تقبل فائق تحياتي

[الصريح العتيبي]

المشاركة الأصلية كتبت بواسطة زيد راجح

ولن كنت تحسب فيه ابو زيد حسـاب
لمس النجـوم اللـي بعينـك تراهـا

الصريح العتيبي
الله الله الله
صح لسانك واعتلى شانك
لاهنت على هذه الرائعه
تحياتي الطيبه

صح بدنك
وشكراّ لمرورك ولطيف عباراتك
دمت بخير حال

[سعيد الصاعدي]

الاخ الفاضل / الصريح العتيبي
ماشاء الله عليك يابن سرحي
رائعه تستحق القمة
تحياتي
أخــــــــــوك
س / ص

[حوريه]

ويسعد مساك يالصريح العتيبي

ابدعت في هذه الجزله

يعطيك العافيه ولا هنتـــ....

دمت وداااااام الشعر.........

[الصريح العتيبي]

المشاركة الأصلية كتبت بواسطة عبدالعزيز بن عمار

الصريح العتيبي:

صح لسانك وقلبك وكلك ..

قصيدة رائعه كما هي عادتك..

تقبل تحياتي..

صح بدنك
وشكراّ لمرورك
ولطيف عباراتك

دمت بخير

الشاعر الصريح العتيبي

صح لسانك مليون

جزله من شاعر جزل

الله لايهينك
تقول :

والمشكلة فيهـا يضيعـون الاعـراب
وقلوب سودا كيـف نجلـى صداهـا
وش جاب مرسول الرياجيل وش جاب
نــوى يداويـهـا وزودعـمـاهـا

وانا اشهد ....

تقبل إعجابي وتحياتي

[ام العمده]

صح لسانك يالصريـــــــح

ابدعت تالقت

دمت شامخاّ

دمت بخير

[صوت الإحساس]

والله تستحق العوده اليوم ودووم


حضور من نوووووور


لله درك وصح لسااانك


صااااااااادق الود

[هاجس نجد]

المشاركة الأصلية كتبت بواسطة الصريح العتيبي

بديت بسم مسببا كل الأسباب = والخلق من فيضة وجوده عطاها
وسلام تسليما على كل الأحباب = ويسعد مساك ويسعد الله مساها
والضن ياصنهات في الربع ماخاب = لكن قلي وش سبايب دهاها
والمشكلة فيها يضيعون الاعراب =وقلوب سودا كيف نجلى صداها
وش جاب مرسول الرياجيل وش جاب= نوى يداويها وزودعماها
مانته بقايد للسرايا والاسراب = والارض قلي منهو اللي طحاها
خالي وعمك عندهم تلقى الاطباب= والحق صابون القلوب وشفاها
جيتك بمعدالين توفي في الارقاب= وشاورت ناس ربنا ماهداها
ويشهد حميد وفوقها يشهد عقاب =لويتها والله لليك لواها
شابت رموش العود والعود ماشاب=وعصاي والله ما نجرد لحاها
اقولها بالصدق ماني بنصاب= وكلا يزين حجته وش وراها
ومن فر فمها يعرف الضرس والناب =أما قناها دوم ولا حداها
والحق ياصنهات ما عنه مجناب= عود لعمانك ودور رضاها
والله يقبل توبة العبد لن تاب= والنار تحرق من يلاضي سناها .
ولن كنت تحسب فيه ابو زيد حساب= لمس النجوم اللي بعينك تراها
غابت وجات ولابقي غير مضراب= يقصم ظهر من باعها اشترها
لاكن مصخي في القرايب والاصحاب=واقول ثانيها مع اول سراها
والوافية ماجابها كل كتاب=وترى الحبوب الطيبة من ذراها
والمرجلة ماهي على فتل الاشناب= تطلع وتنزل سمها في شواها
والجد واحد ياعريبين الانساب=خل السباع اللي تعاوي جراها
وان طعتني ضفوا عليها بلا سلاب= ولااقبروها نعنبوا من قناها
ويالربع هدوا ووقفوا حرب الاعصاب =ومن لا احتمل ربعه حباله طواها .

أخوي العزيز الشاعر / عايض بن سرحي العتيبي

صح لسانك وعلاشأنك

لاهنت ولا هان مغليك

عزالله إنك ما قصرت كفيت ووفيت

قصيدة تستحق النسخ

من أولها لآخرها جزلة

ولكن الدنيا هذي ما تخلى من المشاكل ووجع الرأس

الله يعيننا ويعينكم وجميع المسلمين

تقبل تحياتي وتقديري

أخـــوك

سعــد العبيــد