المملكة الخاصة بعبدالكريم العياش

[عبدالكريم العياش]

ياليل احسن نبتعد عن بعضنا = ملّيت منك وانت ملّيت ياليل
ياليل انواع الشقى تعترضنا = ولالقينا لمشكلتنا تحا ليل
ياليل انا وياك بيّن مرضنا = ارضي وارضك مايجي يمهن سيل
ياليل انت توافق ايلا اعترضنا = في عكسنا من دون ما تجيب تعليل

من اعماق بوحي الصادق

[زهرة اللوتس]

حرف جميل...
رغم انه يخفي بين جنباته الكثير من الوجع
دمتــ بخير

زهرة

[نفحات حساسة]

صح السانك.. ولاهنت اخووي

والحمدالله على سلامتك..

لا عدمنا تواجدك..

لى عوده...

[عبدالكريم العياش]

لاتغرّك دمعة الرجل العطوف = ولايغرّك طيبة القلب اللطيف
كان جد الجد انا رجل معسوف = للشدايد بي جبل عالي منيف
ولي مساري ذيب ماداخله خوف = وكان شح الوقت بي للناس ريف
ماهوى قلبي سوى الناس الضعوف = وما عشقت من البشر الا النظيف

[نفحات حساسة]

الله الله

صح السانك والله..ولاهنت

تواجد افتقدنااه..يعطيك العافيه..

ولاعدمنا طلتك..وسلمت يمينك

تحيتي لك..

[عبدالكريم العياش]

الاخت زهره
الاخت نفحات
اهلا وسهلا بمروركما العذب شاكرا لكما هذا الاطراء الجميل
دمتما بخير

[عبدالكريم العياش]

ياحسرة اللي زمانه واقف(ن) ضدّه = واقرب قريب(ن)جحد طيبه ومجهوده
الحظ لامن تردّى لعنبوا جده = كل الاماني تصير احلام مفقوده
ياكثر منهم تخّلوا ساعة الشده = وعواقب الصبر يامشكاي محموده
واللي نسى طيبتك ادعس على خده = الجد لا جد كل(ن) يعرف حدوده
دام الاماني بوجه الله ممتده = نقنع بماقدّره والجود من جوده

[زهرة اللوتس]

المشاركة الأصلية كتبت بواسطة عبدالكريم العياش

ياحسرة اللي زمانه واقف(ن) ضدّه = واقرب قريب(ن)جحد طيبه ومجهوده
الحظ لامن تردّى لعنبوا جده = كل الاماني تصير احلام مفقوده
ياكثر منهم تخّلوا ساعة الشده = وعواقب الصبر يامشكاي محموده
واللي نسى طيبتك ادعس على خده = الجد لا جد كل(ن) يعرف حدوده
دام الاماني بوجه الله ممتده = نقنع بماقدّره والجود من جوده

صح لسانك ونبضك
لاهنت
متابعه

[عبدالكريم العياش]

الاخت الكاتبه المبدعه / زهرة اللوتس
صح بدنك اختي حياك الله على الرحب والسعه
مرورك من هنا يسعدني
تقبلي احترامي وتحياتي

[نفحات حساسة]

ونعم بالله

صح السانك .. / كريم

ولاهنت يالجزل..نص رائع وحكيم

سلمت لنا..تحيتي لك