يا وين ابلقاء شاعر مقدامي؟

خلوهاااااااااااااااااااااا


اثرك تعرف الصفحه المحجوبه؟

------------------ يومك تداعبها وجرحك دامي

الفارس اللي كلمته مغلوبه

------------------ ما عنده الا مشلح و اعلامي
.
.
.

[الطائر المهاجر]

الاذن تسمع والشفه معصوبه = والعين تدمع حسرةٍ وآلامي
المشكله كلٍ يمغّط ثوبه = لو هو قصيرٍ عايشٍ باوهامي

خلوهاااا


يا صاحبي كل عرف عذروبه

-------------------- واسمع قرار مفسر الاحلامي

دامك تعاين في سما بعقوبه

---------------------- لا تذرف الدمعه على صدامي
.
.
.

[الطائر المهاجر]

اوراق تحرق والخطط محسوبه = ولاحدٍ يفكر وش يجي قدامي
مثله كثير ولو علن للتوبه = فالذيب عينه للبهم لو نامي

[الخنساء]

صباح السناتكم وصحت قلوبكم
الشاعر مشرفنا
والشاعر عبدالله
لاهنت رؤوسكم
تحياتي وتقديري

لا تحسد الضامي على مشروبه

------------------ لين يتحارى فزعة الاعمامي

سقنا البهم من نجد لين الخوبه

------------------ والسوق لا راكد ولا هو حامي

المشرف العام

تشرفت بالقائك

واستفدت الكثير من ابداعاتك

اختامها عندك و تقبل مني وافر الشكر

اخوك الصغير

[الطائر المهاجر]

نرجي من الله يبعد العقوبه = ويحمي الحمى من طمعة الاقوامي
ويعز من ناصر هل المكتوبه = ويدمر اسرائيل و"انكل سامي"

مشكور اخوي عبدالله
على هالطاروق الخفافي الجميل
وما احتواه من معاني جزله
تحياتي الطيبة لك ولكل من تابعنا

[نسناس الهوى]

الله الله
فاتنا لقاء الكبار
استفاد من تابعكم .. صحت السنتكم ولاتهونون