الا يالله عفوك ما ابي جاهٍ ولا اموال

[الطائر المهاجر]

الا يالله عفوك ما ابي جاهٍ ولا اموال= يكفي صحةٍ فيها لو السكّر مخاويني
رفيقي لا عرفت اللي يبي منّي بلا اشكال= انفذ كل ما يامر فلا ودي يعاديني
يقول ابعد عن السكّر ولو حدك عليه الجال= ولو يغريك بانواع الحلا والتمر والتيني
وانا وياه نتطارح سنينٍ ماضيات طوال= واذا منه غلبني بانت آثاره على عيني
وسنوني منه تتراقل مثل ما يرقل الفنجال= بيد عودٍ تعدى بالعمر ميه وعشريني
اعوّد واضبط الحميه واعالج ناتجه ف الحال= فانا من يعرف لنفسه ولابي طب يفتيني
مادام الطب صار اليوم مهنة من غدا دجال= عيونه في جيوب الناس لو يملك ملاييني
فلا من دين يردع بعضهم من زمرة الأنذال= من اللي جاء بقشر العلم من بعض البلاديني
ولا منهو نتاج لجامعاتٍ اغرقت بالمال = وهي اردى من اردى ماعرف بالهند والصيني
تصدر بيضها الفاسد ويلقى مننا اقبال = واذا من مات واحدنا فلا يحتاج تخميني
اجل مكتوب ومقدر ولو هو ناتج الإهمال = فلا تقييم او تحقيق يكشف هالمدانيني
تساوى الطب ويا الدجل في وقتٍ غدا الرجال= اذا منه مرض يلجا لمن نصبه بتلويني
يجرب فيه لين انه يمصه مصة الجوال= اذا من جات فاتورته شاف النصب بالعيني
ويذهب عند دجالٍ يقول اقرا من الأنفال= وهو نصاب ما يحفظ من القرآن سطريني
يحط الناس في صاله وينفث نفثةٍ بإجمال= ومن صابته قال انه مصاب بنظرة العيني
او انه فيه جنيٍ دخل من اسفل السروال= يبي من يخنقه حتى يعاهد يطلع بزيني
او انه فيه سحر وعمل من خدامة البنقال= ويوحي له بإيهامٍ يزيد الصاع صاعيني
بكلام عام يرسخ في الذهن لو هو كلام خبال= واذا منه لقى اللي وصفّه يعطيه الفيني
بقايا شعر وإلا خرقةٍ من سالف الأسمال= وينسى اللي رماها لين دفنت من بعد حيني
وهذا الخوف خلى البعض يحارب بعض لو يحتال= يحط اوراق فيها شخمطة حرفٍ وحرفيني
واسماء من قراباته ولد او بنت وإلا خال= واذا من شافها قال البشر بالسحر ناويني
ومادام الدين صار اليوم عادة من ضميره مال= فلا من وازعٍ يحميه من غزو الشياطيني
ولو كلٍ صدق بالدين ماعانى بأية حال = لأنه مؤمنٍ باللي كتب بين الحجاجيني
وانه مبتلى حتى بصبره يضرب الأمثال= مثل ايوب او يعقوب او كل النبييني
ترى المسلم بلا إيمان من قلبه يجيه هبال= وتجيه امراض ما ينفع بها علاج المداوييني
فخلك دوم من ربك قريب بطيّب الأفعال = بنيه خالصه ترتاح يقينٍ دون تخميني

[منصور العبدالله]

!!!!!!!!!!!!!!!!!!!!!!!!!!!!!!! حجز


هههههههههههههههههههههههههههه

قريت العنوان وحجزت الكرسى الاول

قلت ابرجع واقرا توبه مثل توبه العونى

لقيتك شاب على الطب ومن تطبب شعبى ولا غيره


اقول بعد ما قريت امااعجبنى

صددددددددددددددددددددددددددددد قت يابو عبد الله للاسف

هذا الواقع بس اختمامها مسك


ترى المسلم بلا إيمان من قلبـه يجيـه هبـال
وتجيه امراض ما ينفع بها عـلاج المداويينـي
فخلك دوم مـن ربـك قريـب بطيّـب الأفعـال
بنيـه خالصـه ترتـاح يقيـنٍ دون تخميـنـي



صح لسانك ياحكيم الفطاحل

[أم ريما]

وانا ويـاه نتطـارح سنيـنٍ ماضيـات طـوال

واذا منه غلبنـي بانـت آثـاره علـى عينـي

وسنوني منه تتراقل مثـل مـا يرقـل الفنجـال

بيـد عـودٍ تعـدى بالعمـر ميـه وعشرينـي

اعوّد واضبط الحميـه واعالـج ناتـج الإهمـال

فانا من يعرف لنفسـه ولابـي مـن يداوينـي

مادام الطب صار اليوم مهنة مـن غـدا دجـال

عيونه في جيوب النـاس لـو كنـزه ملايينـي

قل آميــــــــــــن

الله يطول عمرك ويديم عليك الصحه والعافيه يااااااارب

الله يخليك لنا يا أبونا

وصح لسانك

قصيده جميله ومميزه مثل تميزك في حياتك واشعارك ومحافظتك على صحتك

الله يحفظك تقبل تحياتي ..

[هترل]

صح لسانك عد ما في السماء من نجوم

ابيات جميله محنكه .. من شاعر متميز ومبدع دائما

تقبل مروري

[نجم الإبداع]

صح لسانك

مصافحه قيمه

لاهنت

تقبل مروري

وتقديري

[مسلم عواد العميري]

الله يديم عليك الصحه والعافيه
صح لسانك وفكرك
نص رائع وجزل
لاعدمنا تواجدك ياغالي
تحياتي

[سناعيس]

صح لسانك يابو عبدالله
وسلامة عمرك
السكر اهون امراض العصر بالذات اذا كان صاحبه على قدر من الوعي
وبالفعل راح يكون هو طبيب نفسه
قصيدة رائعه وجزله كالعاده
وشكلها طالعه من قلب هههههه
لاهنت يالغالي

تحياتي

[حرف وشعر]

الفاظل ابوعبدالله لله درك من فحل

انا اشهد انها قصيده وافيه من شاعر

مخضرم طوفت بنا من خلالها بخلجات

نفسيه مكنونه وعشنا معك هذه الخلجات

واحسننا بها فعلا

ادام الله عليك صحة البدن وعافاك من كل داء

تقبل حبي وتقديري لشخصك الكريم

[عبير الورد]

صح لسااااااانك ياابو عبدالله
وسلم منطوقك الجزل
ربي يعطيك العافية

[داعي الشوق]

صح لساااااااااااااااانك مليووون يا بو عبدالله

قصيدة جدا رائعة

على الوتر الحساس

تطرقت لمشكلة اصبحت حديث المجتمع و الفضائيات

لله درررك

وصح لساانك

ولاهنت

**************