جانا المطر ديم همر

[الذيب الذيب]

السلام عليكم ورحمة الله وبركاته ...............
تحيةٍ معطرة بريح المطر والزهور ومشاركة وهي عبارة عن مجاراة لقصيدة اعجبتني لشاعر خالد الجبر اللتي يقول فيها

جانا الوسم يختال والديرة غدت مثل العروس = بكرة تبي تلبس من ازهار الربيع اثيابها

ارجوا ان تعحبكم...

في منظرٍ كله عجب شفناه يوم إنا عسوس = حول الغدير زين الزهوريفوح ريح اطيابها
جانا المطر ديمٍ همر هتان ويسر النفوس = عم الجبل عم السهل وفياضها وهضابها
ريح الخزامى والنفل عطر جميلات اللبوس = عشبٍ خضر برضه نبت تزهابه و يزهابها
والشمس غطتها الغيوم اللي بها برقٍ يهوس = والماء جرا مع واديه حتى الطعوس يرقابها
نسنس نسيمٍ باردٍ زال المتاعب والهجوس = عقب الحزن حل الفرح بديارنا وشعابها
بالبر يازين الجلوس الصبح مابين الطعوس = والشمس لا غابت شعلنا نارنا ندفابها
واللي على جال الجمر يجلي كدر يبعد عبوس = دلّة وبرادٍغلا يسعد بها شرّابها
قمت اتفكر بالزمن واخذ منه بعض الدروس = حنّا بنعمة ظاهرة والشكر يفتح بابها
يامتعبٍ نفسك تبي تجمع كثيرات الفلوس = تطرد سرابٍ خادعٍ من يطرده يشقابها
ترا الحسد هو السبب في هالمشاكل والتعوس = والكذب ياهل العرف شر كم من بلاوي جابها

[بنت العز]

صح لسانك وعلا شانك
سلمت ولاهنت
يعطيك العافيه
تحياتي

[الطائر المهاجر]

حجز ولي عوده بعد القراءة المتأنيه

[الطائر المهاجر]

صح لسانك وفكرك
جزلة وطيبه من راس طيب

لاهنت
تحياتي

[نفحات حساسة]

صح السانك..ولاهنت

نص رائع اخوى.. الذيب
يعطيك العافيه..ولاهنت..
تحياتى لك وتقديرى.

[عذب القوافي]

صح لسانك أخي / الذيب

نص وافي وعوايدك

نص وافي

تقديري ,,,,,,,

[منيع]

ابيات ولااروع
الله يجيب الخير
بارك الله فيكم
تحياتي لكم

[مبروك بن ماضي]

مجاراه متميزه ..
لشاعر متميز ..

القدير / الذيب الذيب
سلمت يمينك يالذيب..
ودمت رائعاً متألقاً .

تحياتي وتقديري ،

[إبتهال الجنوب]

بسم الله الرحمن الرحيم

حقيقي أحسنت التصوير

حتى أن الصور أخذتني لأجواء رأئعة الجمال

وختام القصيدة موفق وهادف و جميل

فشكرا كثيرا لك

تحيتي و تقديري

[الطامي]

الذيب
صح السانك طيبة جدا
لاهنت اخي