مآجت على مآ أشتهي ..؟ (مصافحه اولى)

[عبدالله الحديب]

السلام عليكم ورحمة الله وبركاته


قصيده متواضعه
اضعها بين يديكم
عسى ان تنال على رضاكم

ماجت على مآأشتهي! كيف ماجات؟=وانا اللذي ضيعت عمري لرضاهـا
زهرت شبابي والفرح والمسـرات=وأحلام من صغري وانا اتبع وراها
خابت وخابت مابقى غير حسرات=دنيا رديـه ماوفـت مـن وفاهـا
الطيب كذبه والكذب صـار عـادات=والغدر شيمه والطمع مـن وراهـا
والحب نـادر والخيانـه مهـارات=العب على الحبلين تكسب رضاهـا
الله يالدنيـا عليـك انـت بالـذات=اسمن على مسما وش ارجي معاها
عفت الحياه وعفت كـل العبـارات=ضاقت علي وساعها يـا قساهـا
مير انت من شفتك تخطي ببسمـات=كنك تباشيـر الفـرج فـي بهاهـا
بدلت واقع عيشتـن كآنـت اهـات=لورود ريحـت عطرهـا يادفاهـا
يالغالي الغالي وغلاك انت بالـذات=عـدا البشـر وتمركـز بمنتهاهـا
يافرحتـي يـا بسمتـي يابدايـات=اقصد نهايات الحـزن فـي رثاهـا
توي عرفت ان العمـر فـيه لـذات=وصلك وقربـك شوفتـك ياحلاهـا
يامنتهى الاحساس واحلى حكايـات=يامنتهى الروعـات وآخـر مداهـا
خلك بقربي شتتـي ليـل ظلمـات=ياغايتن للـروح و اقصـا مناهـا
ماجت على مآأشتهي؟ كيف ماجات=اجيبها دامـك معـي وبـرضاهـا

دمتم بود

[الطائر المهاجر]

هلا ومرحبا بك اخي الفاضل/عبدالله
في محلك وبين اخوانك وربعك
مصافحة جزلة من راس جزل
صح لسانك وفكرك
ولاهان راسك
شكراً لإنضمامك للفطاحله
وحبذا لو تطلع على تعليمات النشر المثبتة في هذا القسم
وفي قسم الإستقبال حيث يشترط الإسم الثلاثي
وروابط نشر قصائدك السابقة في الإنترنت
شكرا لك
تحياتي الطيبة

[همس الورد]

صح لسااااانك

و صح بدنك

بووووووح رائع

يسلمووووووووووا

[الطامي]

عبدالله
صح السانك وبنانك
جزلة من جزل لاهنت

[عبدالعزيز العقيدي]

الشاعر عبدالله الجديب
هلا وغلا
تسلم على هذه الفاتنة التي دلت على أن من يقف وراها
شاعر يطوع الحرف على ما يشتهي ويريد
تحياتي لك عدد الرسائل اللي في البريد

[مبروك بن ماضي]

اخوي المبدع :
الشاعر / عبدالله الجديب
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري

أخوك / بن ماضي

[منيع]

ابيات رائعه
بارك الله فيكم
تحياتي وتقديري

[الـزلـزال]

يافـرحـتـي يـــا بـسـمـتـي يـابـدايــات=اقـصـد نهـايـات الـحــزن فـــي رثـاهــا
تــوي عـرفـت ان العـمـر فـيــه لـــذات=وصـلــك وقـربــك شـوفـتـك يـاحـلاهــا

عبدالله الحديب
مصافحة رائعه ومميزه
من شاعر تميز فيما قدمه لنا
أبدعت شاعرنا وأمتعت
رعاك الله
وطاب لي المقام بين حروفك الرائعه
صح لسانك ملايين ملايين
ومرحبآ بك في بيتك الثاني
منتديات الفطاحلة
تقبل فائق تحياتي وتقديري

[داعي الشوق]

صح لسانك يالشاعر عبدالله

و حياك الله يالغالي

سعداء بحضورك و بمصافحتك الطيبة

وياهلا بك و مرحبا

،،،،،،،،،،،،

[نجم الإبداع]

ارحب ياعبدالله

وصح لسانك على المصافحه الراقيه

شاعر مبدع

لاهنت

تقبل مروري

وتقديري