غرستك نبض ..اعز الناس يطعن(بالصوت)

[الطائر المهاجر]

غرستك نبض مع نبضات قلبي= سقيتك حب وارويتك حناني
حميتك ما يجي وجهك سمايم= ولا يكدر مزاجك مودماني
رخصت الروح لاجلك ما رخصتك= احقق ما تريده من اماني
ابي في يوم ما تنسى لحبي= واشوفك صرت ضدي مع زماني
جزيتاني مع الهجران صدك = وجرحت القلب واثخنت الطعاني
وش اللي غيّرك ياروح روحي= هم العذال او بعض الحصاني
طوال العمر ما شي بالأمانه= معك صادق بقلبي واللساني
طوال العمر ما اقصر بحاجه= ولو عانيت من اجلك هواني
حسايف كيف صرت اليوم ضدي= وانا ما اخطيت في حقك ثواني
حسايف عمري اللي ضاع اتبع= سراب وطار عجّه في العناني
حسايف كيف ما فكرت لحظه= اعز الناس يطعن في المحاني
حرقت القلب لاسامحك ربي= وخنت العهد وخسرت الرهاني
رح الله لايردك في طريقك = ولا تفكر تجي لي يوم ثاني
لك الله يازمن هذي طبوعك= مع الوافين مالك من وماني

[همس الورد]

حرقت القلـب لاسامحـك ربـي
وخنت العهد وخسرت الرهانـي


صح لسانك ابو عبد الله

و صح بدنك

بوووووح رائع من شاعر اروووووووع

تحيتي و تقديري

[نفحات حساسة]

لك الله يازمن هذي طبوعك=مع الوافين مالك من ومانى
صح الله السسسسسسسسانك ملالالاين قويه
لاهنت يالطائر
لى عوده بأذنه تعالى..

[عبدالله مذكر العقيلي]

لله درك يالعود

هذى القصيد اللي يصحي من النوم

صح لسانك

مبدع كعادتك

[منيع]

ابـي فـي يــوم مــا تنـسـى لحـبـي

واشوفك صرت ضدي مـع زمانـي

ماشاء الله عليك

مدرسه شعريه

بارك الله فيكم

تحياتي لكم

[مبروك بن ماضي]

شاعر العثمانيات الكبير/ الطاير المهاجر
صح لسانك وعلا شانك
قصيده عانقت السحاب بروعتها . .
ولازلت تحلق بنا في آفاق ابداعاتك الرائعه
دمت بهذا الحضور وهذه الشاعريه.
تقبل فائق التقدير والاحترام

[نفحات حساسة]

يعطيك العافيه بالصوت احلى واحلى
تسلم يالطائر..

[سناعيس]

الطائر المهاجر
صح لسانك وبيض الله وجهك
على هذه العتابية الرائعه
لاهنت

تحياتي

[ام العمده]

صح لسانك واعتلا شانك

لاهان راسك

ابدعت

دمت بخير

[نجم الإبداع]

الله الله

صح لسانك يابو عبدالله

مصافحه رائعه من شاعر مبدع

لاهنت

تقبل مروري

وتقديري