(هزي غصن قلبي)

[سناعيس]

متواضعه أرجوا ان يكتب لها القبول والاستحسان

هزي غصن قلبي وشوفي وش يطيح؟=تطيح لـك ذكـراك ودمـوع جفـت
ويطيح جرحك لي وباقي التباريـح=ويبقى صدى الأيـام وسنيـن قفـت
كان الوله لك ياهوى يسبق الريح=والحين عيني لك ولا يوم رفت
الوقت جار وللكدر دوم تلويح = والشمع مل وشعلته منك طفت
خليتني يازين ضمن المجاريح=لين الجروح الداميه بي تشفت
ان كان تذكر في زمانك تمازيح=حط العزاء واقبل عزاها توفت
ياما تحدتنا الليال المراويح=وياما بنا عسرات الايام لفت
وياما الليالي طوحتنا مشافيح =وفيها المشاعر من لقانا تدفت
وياما عيوني ترتجي منك تلميح =لين العيون اللي ترجاك كفت
ماني من اللي يطردون المماليح=ولجموعهم ما شوف لوكان صفت
ولاعاد لي قدره ولا احب تمليح=نفسي وانا اللي صنتها لين عفت
ترى جروحي ماتبي منك تفتيح=انا احمد الله يومها منك خفت
تبي الحقيقه كلها بكل تصريح؟=الشمس غابت شفتها يوم هفت

وسلامتكم

[همس الورد]

الاخ و الشاعر سليمان السكيبي

صح لسانك اخي الكريم

و صح بدنك

تسلم قصيدة في غاية الروعة

تحيتي

[ام العمده]

سناعيس صح لسانك واعتلا شانك لاهان راسك ابدعت يالشاعر رائعه من روائعك تحياتي وتقديري

[رفيعة الشان]

الله
عوضني الله في الحضور المتقدم في قصيدتك السابقة
بحضووري المتقدم في هذه الرااائعه
الله الله
تصاوير رائعه واسلووب شيّق
سلمت يمينك وصح الله لساانك
ابدعت

ولاااهنت

[صعبة المنال]

الله الله ع الوصف
روووووعة يا سناعيس
انت كريم ونحن نستاهل

صح لساااااااااااااااانك

مليوووووووون ولا تكفى

صعووووووووووب

[عبدالله الشويمان]

صح السانك يا ابو محمد

كعادتك جزل ..

استمتعت بقراءة هذا النص الرائع.

دمت بخير وصحه وسلامه ولا هنت

[الصريح العتيبي]

مشرفنا العزيز/سناعيس

لون مختلف ومغاير وش السالفه؟؟؟؟

تنكــــر للماضي! مسح الذكريات من وراء القلب والا من دونه!

صح صح صح لسااااااانك

ولاهنت على هذه الشامخه

دمت بهذا الابدااااع والتالق

[الطامي]

سناعيس
صح السانك ومالومك
الشعراء وما تسوي كله حلو وزين

[سعيد مقبل الأكلبي]

صح لسانك ياسليمان
ولاعجمت يالكفو

[مجدي صالح المبارك]

الشاعر القدير ( سليمان السكيبي ) الله واكبر عليك لمست الجرح وجعلته يأن تحت وطأة ابياتك العميقة في المعنى والمبنى , صح لسانك وجاد بيانك على هذه القصيدة الرائعة التي مزقت ردون القلب , لك مني فائق التقدير ودمت بكل خير .