ياصاحبي لاصار مانت بكفو لامنّك حضرت

[سعيد مقبل الأكلبي]

ياصاحبي لاصار مانت بكفو لامنّك حضرت=ماعاد ابي لك فزّعةٍ عندي ولابي لك حضور
لاصار ماجا للروابع في مجال الطيب كرت=فلاخير في نفْسٍ تفاهق في مهمات الامور
انا على درب الوفا واهل الوفا والطيب سرت=ولاينومسني خوي الدرب لاصار مْعَثور
ماهمّني لاقالوا انك شنت فاصحابك وبُرت=مالي ومال الخوة اللي من دبورٍ في دبور
ولاتحْسب اني لاخِسرت مقابلك اني خِسرت=لابالله الا فكّنا ربي من قصار الشْبور
لاصار منت بمحْزمٍ لي لابغيت اثور ثُرت=مانيب ابي لي محْزمٍ لاقمت في جنبي يثور
رح غير مأسوفٍ عليك وياكُثر صبرٍ صبرت=على مثل شرواك ممن خِوّته خوّة عبور
والا انت ياللي في دروب المرّجلة سِرْت وعبَرت=ليتك تويق تشوف مقدار الغلا لك في الصدور
ياللي ليا منّي نخيتك ساعة الفزعة طمرت=ماتحْسب حسابك مع الطمرة ثرى والا صخور
طمرة حصانٍ دونها يالكفو والله ماقصرت=الا وفيت وجمّل الله حالك وماجا قصور
في ساعةٍ كان العُذر يمنعك منّي ما اعتذرت=ياطيب طيبك يوم شِلت الحِمل يالشهم الصبور
خوّتك هذي عندي تجارة لو انّي ماتِجرت=شيك ورصيدٍ في حسابي لابغيته مايبور
خوّة رْجالٍ ماتغيّر لاكِبرْت ولاصِغرت=ماهي بِتغّذَى من حليب المصلحة حده يفور
خوّة زحولٍ تسند البنيان لامنّك عمْرت=تِرّفع على خُوّتهم بنايات وتعَمَّر قصور
اما كذا ياصاحبي وقفتك لامنّك حضرت=والا فلابي فزّعِتك عندي ولابي لك حضور

[داعي الشوق]

صح لساآآآآآآآنك يالشاعر الرائع
سعيد الاكلبي

معاني جميلة

كما تعودنا منك الجمال دائما

صح لسانك مدد بلا عدد

مع تقديري لك

[نجم الإبداع]

الله الله


صح لسانك ياسعيد

هنا القصيد الذي نبحث عنه

شاعر متمكن من ادواته انت

وافي يابو مقبل

لاهنت


تقبل مروري

وتقديري

[سناعيس]

الله الله ياسعيد الاكلبي
صح لسانك ولله درك
على هذه الرائعة والجزله
جزل جزل لاهنت

تحياتي

[عذب القوافي]

صح لسانك

نص وافي من وافي

ولاهنت أخي سعيد

تقديري ,,,,,

الاكلبي

صح السااانك
قصيده رائعه

سلمت

[محمد عبدالله البدراني]

سعيد مقبل الاكلبي

سلمه الله


الله عليك


الله الله الله


مليون مليوووووووووون مليوووووووون صح السانك ولايكفون


وعلا شانك



قصيده قمه كمثل حضورك دوما


لاعدمناك ياسعيد


قلت واجزلت


لي عوده اخرى



تحيتي وتقديري

[ترانيم المطر]

صح لساآآآآآآآنك يالشاعر الرائع
سعيد الاكلبي

معاني جميلة

كما تعودنا منك الجمال دائما

صح لسانك مدد بلا عدد

مع تقديري لك

[يوسف الشقران]

شاعرنا الرائع

سعيد الاكلبي


قصيده روعه وحضور متميز


سجل اعجابي وبقوه



تحيتي

[همس الورد]

أخي الكريم صح لسانك

قصيدة رائعة من شاعر رائع

تحيتي و تقديري