كود الثواني تروح بحالي المدّه ..

[نسناس الهوى]

اسعد الله مساءكم .. شعراء الفطاحلة ..
اترقب في هذه الثواني .. تحميل موقع لإظهار نتيجه .. وللأسف الموقع وبالعاميه " مستقعد لنا "
وانا اترقب عداد التحميل اسفل الصفحه .. خرجت مني هذه الأبيات اردت ان اضعها لكم كـ ميدان
مؤازرة .. لي ولمن يعاني مثلي ..

ارجوك يا موقع التحميل خلصنا = ترى الصبر في خاطري زاد حدّه
ارقب مسار العدد عله بيرخصنا = علّ العدد يمشي على ضعف عدّه
كن العدد مزيون حوله تجمعنا = والزين يبعد واوجسه يهوى المصدّه
واللي يبيع ابلاش ببلاش له بعنا = واما العلم ياناس ماني على قدّه
هي بالثواني من بغا القاف يسمعنا = كود الثواني تروح بحالي المدّه

[ابو زياد]

نسناس وشبك وراك اليوم مفجعنا=يا خي جهازك قديم ولاعنن جده
كلما بغينا نحمل يهنق ثم يقطعنا=يهد حيلى عساه للفيروس و يهده

عدلت

[نسناس الهوى]

يابو زياد الريم عيّت تمتعنا = وارخت لنا الحاجب وكنا لها ندّه
والريم لا عاندت قامت تعاندنا = والصفحه اللي تغلى يبغا لها كدّه
ونا اتصالي سبيق يدنيّ المدنا = وهذا البلا بالضغط من جاله يردّه

[ابو أنس]

ان كان تنطر قياس وتطلب المعنى=ياخوي من ينطره الهم بيهده
قل لي واقول انك الفطحل تروعنا=توك صغير(ن) وقافك حيل مشتده

[نسناس الهوى]

هههههههههه ماش ذيب

جايز ليا مني بقيس النفس بأتعنا = ومن ياخذ التسعين بين الناس منعدّه
بأرضى ولو ستين في خاطري فنا = مالي غنا عنها و لو جتني مرتدّه

[ابو زياد]

خلاص شكلكم عرفتوا البعض الله يوفقكم

[نسناس الهوى]

وش دعوه يابو زياد مالنا غنا عنك

[ابو أنس]

مثلك يجيب اكثر بشهادة منا=منتاب مثل الذي يده على خده
عسى طموحك يقدمك ويفرحنا=واظن مثلك ترا الستين ماتسده

[نسناس الهوى]

يابو انس ماهي على الكيف تمدحنا = ولا هو من الكيف ياتي كل ما ودّه
الودّ ود اللذي في خاطره ما كفتنا = من ناتج ٍ في قياس النفس منعدّه

[الخنساء]

اخواني الشعراء
ابوزياد
ابو اانس
نسناس
صح لسانكم وصح قلوبكم
ابدعتوا
اجمل تحياتي لكم