سلامن يعم الكل من قلب والساني

[الطائر المهاجر]

اعزك واعز اللي يعزك مية مليون= ولانيب من ينكر خوي وخلاني
ولكن ترى الكيبورد اعمى بليا عيون= فكم ضيع اصحاب وربع وصدقاني

[نجم الإبداع]

مقامك عزيز ولا قصدنا انكم تنسون=ولا دار في بالي من الود نقصاني
ولكن عقب الي جرى ضاق فيني الكون=ولا علم لي بالي تغير وعناني

[الطائر المهاجر]

انا ويش اسوي دام ما تعرف الطبلون=ترويس وتصدم ما تنبه لجدراني
فجهازك به اسرار وتخفي بها المكنون= ففك الطلاسم تعرف اللغز باتقاني

[نجم الإبداع]

آسف يابو عبدالله على الانقطاع الاظطراري
والله اني من عقب المغرب الى نص الليل وانا رايح جاي على المستشفى
حيث ان الصغير(احمد ) الله يحفظه
كان يلعب مع اخوانه بالعاب فلينيه فما ادري كيف دخل في خشمه وصله
واستقرت فوق حنكه مما اظطر المستشفى لاستدعاء الاستشاري
ولا جاء الله يهديه الا الساعه عشره
ماطول عليك قال لازم من تخديره واستخراجها بالمنضار
ووالله مانتهينا الا الساعه الواحده ليلا
هذي علومنا وسلامتك

واستلم لاهنت

انا ماظبطت مرايتي واحسبه جالون =واثاريه برميل الدعايات من شاني
الا لامتى نسكت ونصبر على قارون= وهو كل يوم يزيد الاسعار ونعاني