|*¨®¨*|خنجر غدر|*¨®¨*|

يوسف بن صالح · 13-04-2008, 08:39 AM

قليلة الابيات .. تفضلوا بقبولها كما هي

ما للعذر في بعض الاحيان داعـي=دام اعتـذارك قابلـوه اللئيمـيـن
تتعب معه وتضيع كـل المساعـي=لئيـم حطيتـه بحسبـة كريميـن
متمرد(ن) تحت التبـن كالأفاعـي=حالي لسان ويلدغك بيـن كتفيـن
خنجر غدر في بشت رجلٍ شجاعي=يا لعنبوها خوة(ن) مـن ضعيفيـن
خوة على غير النقـا مـا تباعـي=حتى ولا تشرا على حسبـة الديـن
قلته ولا لي في رخيص الطباعـي=دام أبلشتني دنيتي في المريضيـن
هذا وانا اللي ما لبسـت القناعـي=ميزة وضوحي تعرف الزين والشين
راضي بحظي واحمـد الله واعـي=وحكمة زماني " ما أرد المقفيـن "

وسلامتكم

محبكم / يوسف بن صالح

ســُلاف · 13-04-2008, 09:09 AM

خنجر غدر في بشت رجلٍ شجاعي
يا لعنبوها خوة(ن) مـن ضعيفيـن
ابيات قاسية ولكن تستحقها تلك العينات
هذا وانا اللي ما لبسـت القناعـي
ميزة وضوحي تعرف الزين والشين
والنعم فيك
الله يبعد عنا من لبسوا الاقنعة
يوسف
طول بالك
و
صح لسانك
و
ريح الله بالك

عذب القوافي · 13-04-2008, 09:11 AM

الشاعر الجزل يوسف بن صالح

صح لسانك على هالوافيه

أبيات في الصميم من شاعر ٍمتمكن

وآمل قبول هذه المجارات المتواضعه

يوسف خدمت القاف نعم المساعي=ياشاعرجبت المشاعربراهين
ياصاحبي سقت البيوت إتباعي=والهبت جرح ٍ خامد ٍ عدة سنين
دنيا ً نعيشه والبلاء في صراعي=دام الكرم ومقيمينه لئيمين
الكبش صارينحسب بالضباعي=والناس فيها من غثاها ملايين
ناس ٍ تحسب الطيب هذا إختراعي=عبرالبحرومردينه من الصين
الطيب قسمن راعيه بالرفاعي=والا الردى واهله تراهم وضيعين

أخيك / عبدالكريم.