ياعينها لو 0000000

[نمرالعوين العتيبي]

الفطااحله الاعزاء الاخوه والاخوات الله يسعد قلوبكم
واتشرف بتوااجدي بيينكم ويااليت تمررووون هالبسيطه ولكم الشكر

ياعيينها لو سلهمت جابت العيد=بالرمش تفتن من نظرها وتسبيه
فيها سحر يفتك بجيش ملا البيد= يعجز يقاومها من السيف بيديه
يرفع لها الرايه ويرفع لها الايد=ويسلم ألها الامر ويقول لبيه
تحتل حصن القلب من غير تهديد=وتنشر طلايع جيشها في مفاليه
ولاينفعك ياعين شجب وتنديد=لاكن حبل الوصل بالشوف مديه
ياخصرها متميز أبها عن الغيد=ممشوقٍ اهيف والحلا ساكن فيه
جبينها له لمعة البرق ويزيد=يومٍ لمحته من ورى الشال تخفيه
وشلال اسود مثل ليل غشى الجيد=عطره شمطري يوم تجلس تثنيه
وفي ثغرها لون الجمر كنه يقيد=يشعل شموع الشوق والقلب تضويه
من حنجرتهاصوت نغمه وتغريد=يجذب رهيف السمع لوحى تغنيه
واجهتها صدفه مثل ذاير الصيد=في خايعٍ وبل الحيا دوم يسقيه
شيهانة لاحلقت جابة العيد=ويلي جهلت الحر مسموح تشويه

[الأموره]

العتيبي ،،

صح لسانك ملايين يخوي

نص جميل ،،

سلمت و سلم فكرك

الف شكر لك

دمت برعاية الخالق

[الطامي]

نمر العتيبي
صح السانك وعلا شانك
جزلة من جزل
لاهنت اخي

[مبروك بن ماضي]

الاخ الفاضل الشاعر / نمر العتيبي
لله درك من شاعر متمكن
لطالما أستمتعنا بجمال حرفك وروعة أسلوبك
دامت شاعريتك بهذا الابداع وهذة الجزاله
سجل اعجابي وتفضل بقبول تحياتي
أخوك / بن مـــــــــاضي

[يوسف بن صالح]

نمر العتيبي

صح لسانك ولاهنت

قصيدة مليئة بالصورة الجميلة

"ياللي جهلت الحر مسموح تشويه"


لاعدمناك ..

[ابراهيم عبدالحميد]

نمرالعتيبي

كلمات و معانى قمه فى الرقى و الإبداع
سلمت يداك و دمت لنا

[ســُلاف]

نمر حياك الله وصح لسانك

[سناعيس]

صح لسانك يانمر
وبيض الله وجهك
والله يكون بعونك
على هالقلب الخضر
لاهنت

تحياتي

[عذب القوافي]

صح الله لسانك يانمر

وافيه من وافي

تقديري ,,,,,

[علي محمد العتيبي]

شيهانة لاحلقت جابة العيد
ويلي جهلت الحر مسموح تشويه


ياسلام


ياسلام عليك يانمر


ابداع وامتاع



وحبك وسبك



لله درك من رائع



صح لسانك مليوون




اعجابي واحترامي