لاتامن الوقت يقلب فيه اقرب قريب

[نفحة الطيب]

المشاركة الأصلية كتبت بواسطة الطائر المهاجر

لاتامن الوقت يقلب فيه اقرب قريب=ويصير ضدك لأنك ف الجهل ما تطيعه
يقول قالوا ويلعب فيه هرجٍ غريب= ويجيك هايج وينسى انك حماه وربيعه
من بعد ما كنت درعه انتبز كالحريب= ولو كان عاقل تفكّر بالمكر والخديعه
ثورٍ يغبر على قرنه بعال الخنيب = يحسبك ترتاع لامن هاج واقبل جميعه
للثور قفٍّ اذا من هاج برا الزريب = ما يرهب الطير دامه ف الجبال الرفيعه
واللي يطاوع غشيمٍ يلحقه بالمعيب = في وقت جيلٍ تحزم بالردى والهزيعه
الكل همه بنفسه في مداه القريب = ولا له بغيره وحتى والده لو يبيعه
جيلٍ من "النت" يدرس كل امرٍ مريب = حتى تخرج واصبح بارعٍ باللكيعه
من طاوعه ما نجى ما بين نار ولهيب=يحسبه عاقل وهو من دهوره ف الوقيعه
عقلك ليا من عطيت الغير مالك نصيب= محدٍ يناظر لحالك لو تحسّ الوجيعه

صح لسانك واعتلى شانك
نص يجبرني على العوده بدل المرة مراااات
حفظك الرحمن من كل سوء

[حوريه]

والـلـي يـطـاوع غشـيـمٍ يلـحـقـه بالمـعـيـب

فـي وقـت جـيـلٍ تـحـزم بـالـردى والهزيـعـه

رائعه صح لسانك

[روح الشعر]

والـلـي يـطـاوع غشـيـمٍ يلـحـقـه بالمـعـيـب
فـي وقـت جـيـلٍ تـحـزم بـالـردى والهزيـعـه

لا هنت ولا هان قافك

جزله من جزل

ودي واحترامي

[داعي الشوق]

صح لسانك و اعتلا شانك يا مبدع

ولاهنت يالشاعر

تقبل تحياتي

[روح الشعر]

للـثـور قــفٍّ اذا مـــن هـــاج بـــرا الـزريــب
ما يرهب الطير دامـه ف الجبـال الرفيعـه

صح لسانك واعتلا شانك

جزله من جزل دوما

ودي واحترامي

[الطامي]

الطائر
صح السانك
رائعة جدا
لاهنت

[الطائر المهاجر]

شكرا لكل من مر هنا
لاهنتوا
اطيب التحيه