لو ادري إني يوم ادورك اغنية

[الطائر المهاجر]

اغنية الفنان فهد

بصوتي

لو ادري إني يوم ادورك ابلقاك = لا لفّ كل الكون حتّى الاقيك
ولو ادري إنّك ما تبيني ونا اهواك = حرام ما يطري على البال طاريك
لكنّي ادري ما تكنّه خفاياك = وادري بروحك مثل روحي تناديك
وشي حياتي دون ذكرك وطرياك = مهما تباعدنا فلانيب ناسيك
يا اجمل بنات الكون يوم الله اعطاك= كل الحور والملح في لمح عينيك
فالبدر نوره ماخذه من محيّاك = والشمس تحرق نفسها ما تجاريك
والورد الأحمر يخجلنه شفاياك = في بسمتك في ضحكتك في تغنيك
سيد العذاري كلما جيت ابسلاك = قلبي يعاندني ولاهوب ساليك
ياغايبٍ عنّي ولا ادري عن خطاك = مسكنك في قلبٍ يعزّك ويغليك
لا تطول الغيبه على من تحرّاك = ياخذك وقتك بالتسلي ويلهيك
وانا انتظر طيفك ولاظن يخفاك= نيران شوقي لاتعدت حراويك

[الطائر المهاجر]

في مراجعتي للديوان
هذي ما لقيت عليها ردود

[منيع]

رائعة من رائع
شكرا لك
تحياتي

[الطائر المهاجر]

شكرا منيع
على كريم المتابعه
لاهنت
اطيب التحيه

[داعي الشوق]

لاتطـول الغيـبـه عـلـى مــن تـحـرّاك
يـاخـذك وقـتـك بالتـسـلـي ويلـهـيـك

صح لسانك ومعناك
وين رابط غنا الفنان فهد ودنا نسمعها على الوتر

[الطائر المهاجر]

شكرا داعي
على كريم المتابعه
لاهنت
الأغنيه فوق ارجع لها
اطيب التحيه

[الطامي]

صح السانك
ابداع مميز
لاهنت

[الطائر المهاجر]

شكرا الطامي
على كريم المتابعه
لاهنت
اطيب التحيه

[الطائر المهاجر]

شكرا لكل من مر هنا
لاهنتوا جميعا
لكم اطيب التحيه