شر البلية.. بقلم محمد السلمان

[محمد بن عبدالله السلمان]

يامن يسايرني على طيب
الهقوات
بروحن تسامرني وهي دايم سخيه
تسهر معي الليل ونتذكر مافات
وساعات نقضيها من العمر جزيه
وترسم معاي حلم ن مابه معاناة
من زمان كان ايامه ورديه
ومعها يروح الزمن عبر المسافات
ويخليني اهوجس مع روحي هنيه
وأون ونة وارفع لها الاصوات
عسى ربي يجيب لصوت النجيه
وعساه يرزقني من طيب الملذات
وأنسى زمان ماكان به وصيه
هذه حياتي عشتها بكل الاوقات
احسب حساب اليوم فيها بميه
وجزا الصبر يزيد بكل المهمات
تعجز ترد الطيب بكلمه وهديه
ولو تعطيه عمرك بقصايد وابيات
ماتوفي بالشكر من اعطاك عطيه
ربي يارحمن ياهادم بيت الملذات
خلني انا بصبري وبروحي الوفيه
مادام الدنيا كلها صعوبه ومشقات
والشر يسابق الخير بأوصاف وهميه
الشر جذاب وبه حيل ومطبات
فيها الضماير تموت وتجيها المنيه
ولاتقرب بيوت مابها صلاه وطاعات
وخلك بعيد عن الذنوب العصيه
وأنشدالله يجيرك من كل آفات
ترا دروب الشيطان ماهي غبيه
تأخذ وتعطيك من كل طاقات
وآخرتها ترميك في شر البليه

( شر البلية)
بقلم: محمد السلمان
6/1/2024 يوم الجمعه الساعة 1 فجرا

[الطائر المهاجر]

احسنت وصح لسانك
مبدع
لاهنت
تحياتي

[داعي الشوق]

وخلك بعيد عن الذنوب العصيه
وأنشدالله يجيرك من كل آفات

.. صدقت..
رائع يابوعبدالله
صح لساانك