هبت رياح عكرت بعض الاجواء

[منيع]

الطائر المهاجر =
من ضيع الله ضاع في كل الانحاء=وانتم بنفاق وكذب في كل ماقف
منيع =
مايصنع الامجاد ترديد مومياء=اما تعيش بعزولاانت تالف
الطائر المهاجر =
يبي لكم قرن وقرن باضفاء=حرب وتشريد وجوع موالف
حتى تفيقوا بعدما تصيروا اشلاء= وتتوحدوا امه لها ظل وارف
منيع =
لاتظلم التاريخ كله باالاغماء=لابد ماتنهض احرارتخالف
الطائر المهاجر =
امتك لازالت من الجهل باغفاء=وتاريخكم مضروب كله سوالف
منيع=
متى على الله تختفي بعض الآراء=اللي بسببها كلنا صارعارف
الطائر المهاجر =
احجار شطرنج لها ادغام واخفاء=يديرها من جابها وقت سالف
منيع =
وامتى راحت تشاتيت وهواء=لامطرب يطرب ولاطوع عاكف
الطائر المهاجر =
شرق اوسط آخر يديروه الاعداء=من كل صهيوني ولو كان طارف
منيع =
عقاب فينا يحب دوم الاطراء=وهذا بلى بوك عن الطيب حالف
الطائر المهاجر =
واللي خطير وواضح خلف الاضواء=تقسيم مع تطبيع ماله مخالف
منيع =
من بؤك لباب سابع سماء=ماودنا يشمت بنا كل واصف
الطائر المهاجر =
كل السياسه كذب ومكر واغواء=لاتصدق اللي تسمعه من مواقف
منيع =
ولاني بمكلوف على طرح الأسماء=يالله عساها تنقشع دون عاصف
هبت رياح عكرت بعض الأجواء=وجوائنا دايم تجيب العواصف

[الطائر المهاجر]

شكرا على نقلها من الشات
لاهنت
تحياتي

[داعي الشوق]

صح لسانكم يا فطاحله

.. مبدعين

[الطامي]

صح السانتكم
ولاهنتو

[منيع]

المشاركة الأصلية كتبت بواسطة الطائر المهاجر

شكرا على نقلها من الشات
لاهنت
تحياتي

العفو يادكتور

وشكرا على إعادة تنسيق الابيات
تحياتي

[منيع]

المشاركة الأصلية كتبت بواسطة داعي الشوق

صح لسانكم يا فطاحله

.. مبدعين

شكرا لحضورك الراقي
تحياتي

[منيع]

المشاركة الأصلية كتبت بواسطة الطامي

صح السانتكم
ولاهنتو

شكرا لتواجدك الجميل
تحياتي لكم

[بنت النور]

صحت السلتكم يعطيكم العافيه
لاهنتو

[عبدالله السويلم]

صحة السنتكم

والله يستر ىيصلح الامور

تحياتي