كلما حركت بالديره حصاة

[الطائر المهاجر]

كلما حركت بالديره حصاة= من رداة الحظ القى اجنبي
ماكلين خيرها حتى الفتات= ولا رحل واحد يسب ويشجبي
بعضهم طابور خامس للعداة = يحول امواله لهم والمختبي
ماسكين الأمر في بعض الجهات= والقطاع الخاص احسن ملعبي
في رواتب عاليه واعلا هبات = والمواطن من البطاله يندبي
ولو لقى له شغل برويتب سعات= ضايقوه وصار مجبر يهربي
فاقت الاعداد كل الحاسبات= من ملايين الشباب المتعبي
البطاله لغم ياللي في سبات = ومن تجاهل به اظن انه غبي
واجب علاجه قبل وقت الفوات= لا انفجر لابد امره مرعبي
ناظر اللي حولنا بارض الفرات=وغيرها في كل ركنٍ يعربي

[منيع]

احسنت واجدت واصبت
لابد من تدارك هذه الظاهرة والقضاء عليها
شكرا لك
تحياتي

[عبدالله الشويمان]

صح لسانك واعتلا شأنك يابو عبدالله

قصيدة رائعة

لا هنت لا هنت

[داعي الشوق]

صح لسانك وفكرك
ابيات جميله وباحساس وطني من شاعر مبدع

جزل ياعود ومتجدد في ابداعك

دمت ولاهنت وصح لسانك مدد

[بنت النور]

صح لسانك عددبلامدد
لاهنت
ابيات في قمة الروعه
وباحساس وطني من شاعر مبدع
تقديري لسموك

[الطامي]

صح السانك
ولاهنت

[ابو أنس]

لافض فوك
ظاهرة لمسناها في أولادنا بشكل جلي حيث يمسك الوافد بمفاصل العمل ويعمل على طرد المواطن

كما عهدناك أبا عبدالله ضمير الوطن يتكلم شعرا
تحيتي وودي

[جهاد الشعلان]

قصيدة جميلة من ضميرٍ حي كعادتك

صح لسانك

تقبل مروري

تحياتي،،

[الطائر المهاجر]

شكرا منيع
على كريم المتابعه
لاهنت
تحياتي

[هترل]

صح لسانك ودام هتانك
جزل يالعود لاهنت