المنتدى للبيع من يفرق السوم

[منيع]

• المنتدى للبيع من يفرق السوم=لامانبيعه لويزيدون الاثمان(منيع)
  
• لامانبيعه وقصرو عنكم اللوم=مادام به ناسٍ لهم باالملا شان(منيع)
  
• هنا ترى قرومٍ من خيرة القوم=وعلى راسهم المؤسس كحيلان(منيع)
  
• يامادح ربعه على غير معلوم=حرج عليهم لو يباعوا بتمان(الطائرالمهاجر)
• واولهم الطامي ولو كان قيدوم= ومنيع بعده ثم داعي وعثمان(الطائرالمهاجر)
• فالمنتدى من نوم في نوم في نوم=ولا له علاج غير يدفن بالاكفان(الطائر المهاجر)
• ياصاحبي ماانت على الشين ملزوم=وراك بدلت الحقيقه ببهتان(منيع)
  
• هذا خطا منكم الى صرت زيزوم=نسيت ماضينا وطبلت لفلان(منيع)
  
• ان كان بعض الناس حدوك للشوم=بعض الحكي يحتاج دقه وكتمان(منيع)
  
• من قال كنا لازم بعقله سقوم=الناس بالحاضر قياس وميزان(الطائرالمهاجر)
• والمنتدى شيب ولا يحتمل صوم=وانتم عويد انتهيتوا بالابدان(الطائرالمهاجر)
• والمنتدى اصبح بماضيه موهوم= اشلى لكم بيعوه تقبيل دكان(الطائر المهاجر)
• طبع الوفي فيني ولاني بمهزوم=اشيل حملي لويجي فوقه اطنان(منيع)
  
• المنتدى مثل الخوي دوم محشوم=نرعاه ونقدره على مرالازمان(منيع)
• كلش يموت والموت مقدر ومحتوم=حتى النوادي تنتهي مثل الاكوان(الطائر المهاجر)
  
• لوكنت يادكتوربالحيل مكلوم=الوضع مايخفاك من غيربرهان( منيع)
  
• مانيب مكلوم ولا نيب مظلوم= الحمدلله خاطري دوم طربان(الطائر المهاجر)
  
• هذا العشم فيكم ولاتبدي الزوم=خابرك لاشتدت عليكم بليهان( منيع)

[الطامي]

الله الله عليكم مأجملها من مخاطبة وتعبير عما تكنه الضمائر الأخويه الطيبه
صح اتلسانتكم جميع
وماعلينا يادكتور كفانا من حضر دفاع بو حمد عن الجميع
شكرا لك بو حمد
ولاهنتو جميع

[نجم الإبداع]

صحت السنتكم

محاوره حلوه زمعقوله

تحياتي

[منيع]

المشاركة الأصلية كتبت بواسطة الطامي

الله الله عليكم مأجملها من مخاطبة وتعبير عما تكنه الضمائر الأخويه الطيبه
صح اتلسانتكم جميع
وماعلينا يادكتور كفانا من حضر دفاع بو حمد عن الجميع
شكرا لك بو حمد
ولاهنتو جميع

ياهلا وغلا بالطامي
شرفت وماعليكم زود
تحياتي

[منيع]

المشاركة الأصلية كتبت بواسطة نجم الإبداع

صحت السنتكم

محاوره حلوه زمعقوله

تحياتي

حياك الله اخي بومحمد
شكرا لحضورك
تحياتي لكم

[جهاد الشعلان]

ياسلام عليكم

ابدعتوا


تقبل مروري

[منيع]

المشاركة الأصلية كتبت بواسطة جهاد الشعلان

ياسلام عليكم

ابدعتوا


تقبل مروري

ياهلا بك
سعدت بحضورك
تحياتي لكم