من هجوس تغني الذوق عن بعض الهجوس

[بدر بن عيد]

للمبدع :مساعد الرشيدي

من هجوس تغني الذوق عن بعض الهجوس=يعلم الله كنها اللول يوم نصبها
كنها سراية البرق لي قامت تهوس=من يقول الله عليها نقول أبشر بها
القصايد ما نساوم عليها بالفلوس=تفتخر فينا القصايد قبل نفخر بها
من خلقنا الله وحنا عزيزين النفوس=ما نوطي شمخ الروس غير لربها
ماردينا والليالي لها وجه عبوس=خل يوم إن الليالي سميح دربها
لي جهزنا بالمثايل ندوس الراي دوس=والدسايس بارد العين ما يجهر بها
ما نشدنا عن دنوع على الجرة يحوس=يحسب إنه صار حاجة وهو من جنبها
قدرنا عند النشامى مجرب ومحسوس=الرجال اللي على الدين ما نبخل بها
التجارب علمتنا وصمينا الدروس=نعرف النفس المريضة ونعرف طبها
ينطفي سم الحيايا وهو تحت الضروس=يا الله إنك تختصرها على من شبها
البنآدم لاتعافى على كفه يبوس=وش يبي بأعراض الأجواد يوم يسبها
لايحسب إن المراجل تجي درباي روس=ينتبه من جمرة النار لا يلعب بها

[ساهر الليل]

عجيب يابدر

صح لسانك على الشامخه

رائعه بكلما تحتوي من مفردات

ومعاني لايجيدها الا انت

تحياتي لك

[الطامي]

صح السان الشاعر
ولاهان من نقل
شكرا لك

[الآكيد]

نقل موفق صح لسان شاعرها