كريم يابرقٍ برق تالي الليل

[نشمي المويعزي]

أعزائي رواد هذا المنتدى العريق أسعد الله قلوبكم الطاهره اعتذر عن الغياب لضروفي الشخصيه وأنا مهما غبت عنكم يبقى القلب معكم إليكم هذه الابيات المتواضعه أرجو أن تنال على شيء من استحسانكم :

كريم يابرقٍ برق تالي الليل=يفز قلبي كل ماشفت نوضه
برقٍ ليا منه برق بالمخاييل=كن المخايل بز والبرق موضه
يلمع على صدور السحاب المقابيل=ويكشف على بعد المسافه عروضه
كنه بشير يبشر الارض بالسيل=ويبشر اللي معلفه جنب حوضه
لا قام ربانه يهل الهماليل=والعشب فقّع وابتدى في نهوضه
وجرد الفيافي بعد ماكانت تهيل=تشكلت لين اصبحت شكل روضه
إنزاحت همومي وأخذت المعاميل=مع واحدٍ ماكل هرجٍ يخوضه
رجال يحسب من خيار الرياجيل=عرفه يساوي ماكنز بابعوضه
اطلع واسلي خاطري بالتعاليل=لو كانت الاحزان في امحفوظه

تويتر / nashmi_almoyazi@twitter.com

[الطائر المهاجر]

جزله من راس جزل
صح لسانك واعتلى شأنك
ولاهنت
تحيتي واحترامي

[داعي الشوق]

صح لساانك يا نشمي

و الحمد لله ع السلامه

ولاهنت يالشاعر

و صح لسانك مدد

[عبدالإله]

قصيدة راقت لي كلها ابداع

صح السانك ورفع الله قدرك

[عبدالرحمن الصباح]

ياسلام على الابداع صح السانك جزله من شاعر جزل

[الراقي]

صح السانك وفكرك

ودام ابداعك

تحيتي ومودتي لك

[البازعي]

قصيدة رآئعه ومميزه
صح فكرك واحساسك
ولاهان راسك
تحياتي

[الطامي]

نشمي
صح السانك وعودا حميدا
واطلالة طيبه
شكرا لك

[منيع]

ياسلام
كل الروعة والابداع
تحياتي لكم

[وليدالبسطي]

هلا والله

صح لسانك وعتلا شانك

لاهنت على الابداع

تحياتي