لا صرت في وقتٍ كثير المذاهب

[الطائر المهاجر]

لا صرت في وقتٍ كثير المذاهب = وكلٍ يقول انه على الحق ف الدين
والبعض يشعل فتنته للمكاسب = اما لشخصه او لبعض الموالين
فخلك بحالك دوم نفسك تحاسب = ولا يجرفك سيلٍ وراه المعادين
مايضعف الإسلام ياكود كاتب = ولاّ رجل دينٍ يدوّر نياشين
فرق تسد منهاج من كان راكب= على حصان الدين يكسب ملايين
ولاّ من اللي طامعٍ ف المناصب = او جاهلٍ والعقل مصدي من سنين
دين التسامح ديننا ف المواجب= ودين الأخوه في جميع الميادين
تاريخنا حاضر ولا هوب غايب = يوم اننا وحده حكمنا إلى الصين
واليوم صرنا اشتات بيدين حاطب= القتل فينا جايزٍ بالقوانين
اسلام يعني ارهاب في حكم راهب= وحاخام طامع في بلاد العريبين
وحنا نتناحر بين شيعي وناصب= وهذا متصوف او اباضي بتعيين
من دون وحده كيف نقدر نواكب= هجمات شرسه من نفوس الحقودين
من اللي لهم ثارات ولهم مآرب = عن موطن الإسلام ماهم بغافين
ارض بها الثروات في كل جانب= والشعب جاهل بالعدا ماعرف مين
مرٍ نقول الغرب للشر جالب = ومرٍ نقول الفرس بالعرب طمعين
وحنا البلا منا غرقنا بقارب= عميان ما ندري عن الشط لا وين
تقاضبوا بالحلق والكل عاتب = وبعصيهم كلٍ تناوش للادنين
والبحر عاصف ما نجا به مراكب= الاّ من اللي وحد الجهد ويعين
وان استمر الحال فالكل ذاهب= والكاسب اللي فرق الناس صفين
الدين واحد لو تزيد المذاهب = والله يحاسب من حرف منهج الدين
كلش ولا التعميم لاقوال كاذب= حدد هدفك ولا تضم البريين
وحكم لعقلك واترك الجهل جانب = فمن لاحكمه العقل يخسر بعد حين

[الخنساء]

صح لسانك مليوووووووون

قصيدة جزلة من شاعر متمكن

سلمت ودام حرفك

[حوريه]

الــديــن واحــــد لــــو تــزيــد الـمـذاهــب
والله يحاسب من حرف منهـج الديـن

صح لسانك وجاد بنانك
قصيده جزله من جزل
تحيتي لك ومودتي

0
0

[الـزلـزال]

الطائر المهاجر

نص حكيم ومميز وجزل
من شاعر متميز ورائع في كل مايقدمه لنا
أبدعت وأمتعت طائرنا
حلق بفنون شعرك ولنا الأستمتاع بها
صح لسانك ملايين ملايين
ولك فائق تحياتي وتقديري

[حرف وشعر]

نص جميل ومتقن

[منيع]

اجدت واصبت وعين العقل ماكتبت
شكرا لك
تحياتي

[صنداح الزلامى]

الطائر المهاجر

نص حكيم ومميز وجزل
من شاعر متميز ورائع في كل مايقدمه لنا
أبدعت وأمتعت طائرنا
حلق بفنون شعرك ولنا الأستمتاع بها
صح لسانك ملايين ملايين
ولك فائق تحياتي وتقديري

[فارس القوافي]

الله الله يابو عبدالله

صح لسانك

كما عهدناك حكيم وجزل ولا تأتي إلا بالدرر

يعطيك العافية

دمت بخير

[الطامي]

الدين واحـد لـو تزيـد المذاهـب
والله يحاسب من حرف منهج الدين
كلش ولا التعميـم لاقـوال كـاذب
حـدد هدفـك ولا تضـم البرييـن
،،،،،،،،،،،،،،،
الطائر
صح السانك ملايين
ابدعت في الوصف لافض فوك دكتور
شكرا لك

[الآكيد]

القابض على دينه كالقابض على الجمره


صح اسانك يادكتور