شوفو عروس البحر وانذار ثاني

[نجم الإبداع]

من ياعروس البحر باعك ومول=ومنهو كتب لك ياعروس الاغاني
عشاقك اختارو عليك التسول= واخذو رصيدك واسرقو كل غاني
مشكور ابو متعب تعزوى ومول=اغدق ولكن مانجزوه الجواني
وجدي وجوده يوم شاف وتهول=مما يرى باهل الثقه من شواني
تقاسمو الكعكه وكلن يحول = رصيدك المنهوب بين المواني
فاتت سنه من عقب الانذار الاول=ماصار شي وجالك انذار ثاني
العلم واضح رغم من ياتقول = ضاعت حقوقك والامانه تعاني
لكن مهمى الحال والهم طول=لابد ماتفرج هموم المعاني
والي ضحك وارتاح مما تنول=يغص باللقمه ودل اللساني
من عقب ماهو صلب واول مخول= قام ايتثنى كنه الخيزراني
للظلم حد ولو تمادى وتجول =وللحق نصر وللمظالم بواني

[كظيم]

لقد اسمعت لو ناديت حيا ولكن لا حياة لمن تنادى


واخذو رصيدك واسرقو كل غاني
لقد صوّرت لنا واقع المأسـاة بكل صدق

فاتت سنه من عقب الانذار الاول .. ماصار شي وجالك انـذار ثانـي
الله المستعان .. ربما ينتهي بنا المطاف ولا نرى شيئـا ً

نجم الابـداع
صح لسانك وفكرك
ابيات صوّرت لنا واقع المأسـاة والاسباب
ابدعت لله درك
تقبل مروري المتواضع لاهنت
ودي وتقديري

[منيع]

نعم عروس البحر تغرق مرة ثانية كان الله في عونهم
اجدت التصوير ياابومحمد
شكرا لك ولشعورك الوطني الصادق
تحياتي

[عبدالعزيز العمار]

صح لسانك يابومحمد

والعروس صارت عجوز من كثر الغرق

الله يرحم الي مات والله يجبر عزا كل حي

ومانقول الا حسبنا الله ونعم الوكيل

تحياتي وتقديري

[بيدي رسنها]

للظلم حد ولو تمادى وتجول .. وللحق نصر وللمظالم بواني ..
صح لسانك شاعرنا القدير .. وسلم عمرك وحرفك .. لله درك ابيات حكة الواقع عن ماساة جده .. وصورت لنا اسباب ماحصل من نهب وسرق .. مأساه تضرر منها الكثير من اهالي جده الله يكون بعونهم وينصرهم على كل ظالم .. ويحفظ بلادنا من كل شر ... لاهنت شاعرنا على هالنص الاكثر من رائع .. دايما مبدع شاعرنا نجم الابداع .. تحياتي لك ..

[ماجد المهدي]

صدقت يابو منشار

وصح لسانك والله ما غير الامور تزداد سوء

ما غير حرايق وخراب ديار وغرق

الله يكون بالعون وياخذ بحق المظاليم

ويعجز اللسان امام ما ترى العين ان يعبر قواك الله يابو منشار

تحياتي ومودتي لك

ماجد المهدي

[حي الضمير]

صح لساااااااااااانك
قصيده رائعه وابدعت بتصوير الواقع المؤلم
وكان الله بعون اهالي جده وحفظهم الباري
سلمت يمناك

[محمد بن عمار]

صح لسانك وجاد بيانك يابو المنااااااشير ولاهنت

[المحيط الهادي]

صح لسانك قصيده جزله ومعبره معنا ومضمون

[نجم الإبداع]

المشاركة الأصلية كتبت بواسطة عبدالله الوقيدي

لقد اسمعت لو ناديت حيا ولكن لا حياة لمن تنادى


واخذو رصيدك واسرقو كل غاني
لقد صوّرت لنا واقع المأسـاة بكل صدق

فاتت سنه من عقب الانذار الاول .. ماصار شي وجالك انـذار ثانـي
الله المستعان .. ربما ينتهي بنا المطاف ولا نرى شيئـا ً

نجم الابـداع
صح لسانك وفكرك
ابيات صوّرت لنا واقع المأسـاة والاسباب
ابدعت لله درك
تقبل مروري المتواضع لاهنت
ودي وتقديري

صح بدنك ياعبدالله

وشكرا لمرورك وتعليقك الجميل

لاعدمتك