زوّد الشّاي سكّر

[ماجد الزيد]

إلا بسكّر زوّد الشاي سكّر=ماني بشايب لو ترى الراس شايب
من كثر ماهو بسود الايام فكر=ظنتني اعشقها وحطت نوايب
قلت النوايب بيض قالت تشكر=هاذي نجومن قبلت راس تايب
قلبك لفض دنيا الهوان وتسكر=مقفول في صوان مع صلب ذايب
قلت اكسره ؟ قالت : تعجز وتعكر=قفله قبر طقوا عليه النصايب
قلت السبب . قالت : تذكر تذكر=كثر الطعون وكل ابوهن عطايب
قلت الله ابرى القلب قالت تهكر=واتلا الخناجر طعنته عن كتايب
قلت انتخي ربعي فقامت تهكر=ثلثين قلبك راح سبة قرايب
ناسي هذاك لكل طيبه تنكر=في نفس ذكرى فزعتك يا عجايب
وذاك الذي لا جاك زاير تحكر=وليا مشى حيه وتلسن لهايب
قلت الصديق . وقالت الموت بكر=اللي رحل واللي حياته طلايب
الدين طيب , قالت الدين وكر=وباوكاره من السود سود المصايب
قلت اللحى , قالت : رجل او مذكر=ثالثة ارباع اللحى في زلايب
قلت السلوم , وقالت : السلم مكر=محصور بمفطح مشبّ وحطايب
وتاريخ جداني فقامت تذكر=تبكي من الحره على كل غايب
قلت وانا قالت كنينك تسكر=ومن مات قلبه عاش بين النصايب

شكرا لإمتاعنا بإبداعك
لاهنت
تحياتي

[ماجد الراشد الهيري]

صح لسانك اخوي ماجد
ابداع شاعر متمكن

[عبير الورد]

صح لساااااانك ملايين
سلمت وسلم منطوقك الجزل
الله يعطيك العافية

[فارس القوافي]

هلا بك ياماجد

صح لسانك


فكره ومعنى وقاف رايع


لاهنت


دمت بخير

[حوريه]

قصيده رائعه وجميله
من شاعررائع ومتمكن
صح لسانك يا ماجد
ودام عزك

[منصور العبدالله]

قلت النوايب بيض قالـت تشكـر
هاذي نجومن قبلـت راس تايـب
قلبك لفض دنيا الهـوان وتسكـر
مقفول في صوان مع صلب ذايـب
قلت اكسره ؟ قالت : تعجز وتعكر
قفله قبر طقـوا عليـه النصايـب



صح لسانك ياذيب الشعر

ممتع لاخر درجات الجزاله والابداع

[الـزلـزال]

ماجد الزيد

نص مميز ومتقن وجزل

من شاعر متمكن وجزل في كل مايقدمة

أبدعت وأمتعت وغير مستغرب عليك ماقدمتة من تميز وجزاله

دمت ودام حرفك الجزل المميز

صح لسانك ملايين ملايين

ولك فائق تحياتي وتقديري

[عبدالعزيز العمار]

صح لسانك ياماجد وجاد بيانك

جزل ورائع في طرحك

تحياتي وتقديري

[داعي الشوق]

ماجد الزيد ،،؟؟

ماني مصدق !

يا خوي وينك ؟

و الحمدلله على السلامه

والله مشتاقين لك يالغالي

و عساك بخير ،

و صح لساااااااانك يا مبدع

و انت تعرف رايي في قصيدك ما يحتاج ،

و ياهلا بك من جديد

ويعلم الله اني فرحت بشوفك ،

ولاهنت يالشاعر

****************