الرياح الموسميه

[عوض سحمان العتيبي]

فرحه وتجديد عهد وولاء وبيعه

اشمخي يادولة التوحيد ميلاد الصحابه=عانقي نجم المجره فوق حد الجاذبيه
تحت حكم اللي حكم بالسيف وموثق كتابـه=ابو متعب نسل من خـلا بلاده حنبليـه
اخطل اليمني ليامن الزمن كشـر بنابه = حاتمي الجود ساس المجد حلال القضيه
صيرمياً مايهاب الموت والله مايهابه = حاكمٍ زيزوم مافي وقتنا حكام زيه
دولته تفرح بشوفه بعد مااولها غيابه=والمواطن فرحته تزتاد في صبح وعشيه
كل شعب المملكه فرحان وافراحه تشابه= ابسلامــــة خادم البيتين محمود السجيه
للتباشر دور بصدور الشعب شيب وشبابه= ابتهالا في سلامة راعي الكف النديه
والشكر للواحد المعبود من نرجي ثوابه =كاشف الاضرار علام الخفاء رب البريه
يوم سلم سيدي عال القدر نبع المهابه =حاكم الدوله صليب الراي ساس اليعربيه
يالله انك تنصره في ساعـةٍ فيهـا الاجابـه= حاكماً قـاد المسيـره متبـع سيـرة نبيـه
اله منا طاعتن فوق الولا والاستجابه = مانخالف بيعة الاجداد لرجالاً ابيه
الزوابع ماتزيد اخلاصنا غير الصلابه = ماتزعزعنا العواصف والرياح الموسميه
والشعوب اللي حدث فيها تفرق وانقلابه =عكسها حنا ولانرضى حياة الفوضويه
ومن سعى بالخبث ماله غير يبشر بالكأبه = مايفرق صفنا راع الوشاء والعنجهيه
كلنا صقر العروبه كلنا فدوا ترابه = وكل شعب المملكه لجله يشيل البندقيه

[الطائر المهاجر]

الحمد الله على السلامه
ما تغيب إلا وترجع سالم
وش ذكرك فينا .....
صح لسانك وفكرك
والوطن يستاهل اكثر
لاهنت
تحياتي

[كظيم]

عوض العتيبي
صح لسانك وفكرك
ابيات تحكي الوطن والمواطن
ابدعت في صياغتهـا وحبكهــا
والله يحفظ ابو متعب
تقبل مروري المتواضع لاهنت
ودي وتقديري

[عبدالله الدخيل]

عوض سحمان العتيبي
شاعر


صح لسانك وبارك الله فيك اخي الكريم
والحمدلله عل السلامه سعيدين في عودتك

واقبل

ودي واحترامي

[منيع]

كل الروعة والابداع
تسلم اخي الكريم
تحياتي

[داعي الشوق]

صح لسااااااااااااانك يا بو سحمان

ولاهنت يالشاعر

ويا هلابك من جديد

وصح لسانك

[الخنساء]

صح لسانك مليوووووون

قصيدة جزلة من شاعر متمكن

سلمت ودام حرفك

[عبدالعزيز العمار]

صح لسانك ياعوض وجاد بيانك

قصيدة جزله وطيبه والوطن يستاهل الكثير

وياهلابك من جديد معنا والحمدلله على السلامه

تحياتي لك لهطولك الرائع والجميل

[صعبة المنال]

يا مطول الغيبات يا ابو سحمان

عاش من شافك والحمد لله ع السلامة

صح لسانك جزلة

صعووووب

[عبير الورد]

الله الله



صح لساااااانك ملايين

سلمت وسلم منطوقك الجزل

ربي يعطيك العافية