المنازل !

[محمد السّالم]

يمرّ المنازل خالية خاطره مكسور = وكبده على ماشاف بالحزن ممرورة
بيوت السّعف والطين والمسجد المهجور = مٌُجرد شواهد ماضيٍ أنتها دوره
هنا وجار أبوه اللّي عليه الحطب مسجور = وصفر الدلال اللّي على الجمر منحورة
هنا فيّة أمه مع عفيفات تلك الدّور = جوار النقا مع كل حرّة ومستورة
هنا عرشة الدكان ومشغّل الماطور = يشيخ العطش ماسمعوا الحي ماطوره
هنا " صندقة رشدان " والكهربة والنور = بعد مايؤذن للعشىَ ينطفي نوره
هنا اول مدارس محو ؛ أميّة الجمهور = ولا ثقفت جمهور والجهل في طوره
هنا " منزل الحجّام " ؛ في عرفهم دكتور = من الفجر ؛ وامواسه على نار دافوره
شيابين ذاك الحي مرّوه دور بدور = وكنّه يرسّلهم إلى الموت في دورة
هنا ساحة الترحيل اضحت قفر مدثور = ولا عاد ابو سلمان يُسمع لحنتوره
هنا ملعب الصبية ؛ هنا دوّة التنور = هنا اول مصوّر في القُرى يضبط الصّورة
هنا ملعب الحلوات ؛ فلوة ؛ هيا ؛ منّور = جواهر ؛ عفاري ؛ مزنة ؛ وخزنة ؛ ونورة
هنا زاوية منها ينط الصّبي للسور = ويكشف خصايص بنت بالحيل مغرورة
يطالع جبينٍ ضو نوره صفا بلّور= تعلىَ جمر ؛ وثلوج ؛ وورود منثورة
لها في المرايا شغل ؛ تاقف ؛ تميل ؛ تدور = تُحاكي أمها ؛ "يمه أنا صح أمُوّرة ؟"
يتابع دلعها لين وقّف على المحذور = غدت نبض صدره وانبلاجه وديجوره
وهي ما خفاها شعورها ما علاه شعور = تصيّد دروبه لا طلع يلعب الكورة
حريصة على انها الصبح تُهدي " صباح النور " = وعلى كل صبح ساقته يمطر إسروره
إذا مر باب البيت والعذر صيد طيور = تقول العذر : بالعب مع الجار بطيوره
وَكبروا على ذا بين عصفورة وعصفور = وكلٍ يعرف أن العصافير معذورة
يرسّل عليها شعر مكسور في مجبور = وكان الهدف تعرف لظىَ ثورة شعوره
يهمّه تسمّع ماكتب لوّ ثلاث سطور = لأنه يراها كل ناسه وجمهوره
ولكن صدوف الوقت ما تترك المسرور = تجي له جزاف لين تاقف على زوره
مثل موقف بن العم والحاجر المسعور = تهد الحَلام اللّي من سنين معمورة
وراح الزمان ولا بقى كون حزن صدور= سكنها حنين خادره ضو سعمورة
يعيد الشريط بذاكره فكره المذخور = يحرّض خفوقه من سُباته على الثورة
لوّ أن الدموع تعيد مافات للممرور = بكا في المكان يلين تعشوشب ازهوره
تعرّف كثير ؛ وحب ؛ والحب له موفور = ولكن قلبه ماسكن به سوى ( نورة )

[الـزلـزال]

محمد السالم

نص رائع ومميز وجميل
من شاعر متميز في كل مايقدمة لنا
أبدعت وأمتعت شاعرنا رعاك وسلمك الله
دمت بخير ودام لنا حرفك الجميل
صح لسانك ملايين ملايين
ولك فائق تحياتي وتقديري

[عبير الورد]

المشاركة الأصلية كتبت بواسطة محمد السّالم

يمرّ المنازل خالية خاطره مكسور = وكبده على ماشاف بالحزن ممرورة
بيوت السّعف والطين والمسجد المهجور = مٌُجرد شواهد ماضيٍ أنتها دوره
هنا وجار أبوه اللّي عليه الحطب مسجور = وصفر الدلال اللّي على الجمر منحورة
هنا فيّة أمه مع عفيفات تلك الدّور = جوار النقا مع كل حرّة ومستورة
هنا عرشة الدكان ومشغّل الماطور = يشيخ العطش ماسمعوا الحي ماطوره
هنا " صندقة رشدان " والكهربة والنور = بعد مايؤذن للعشىَ ينطفي نوره
هنا اول مدارس محو ؛ أميّة الجمهور = ولا ثقفت جمهور والجهل في طوره
هنا " منزل الحجّام " ؛ في عرفهم دكتور = من الفجر ؛ وامواسه على نار دافوره
شيابين ذاك الحي مرّوه دور بدور = وكنّه يرسّلهم إلى الموت في دورة
هنا ساحة الترحيل اضحت قفر مدثور = ولا عاد ابو سلمان يُسمع لحنتوره
هنا ملعب الصبية ؛ هنا دوّة التنور = هنا اول مصوّر في القُرى يضبط الصّورة
هنا ملعب الحلوات ؛ فلوة ؛ هيا ؛ منّور = جواهر ؛ عفاري ؛ مزنة ؛ وخزنة ؛ ونورة
هنا زاوية منها ينط الصّبي للسور = ويكشف خصايص بنت بالحيل مغرورة
يطالع جبينٍ ضو نوره صفا بلّور= تعلىَ جمر ؛ وثلوج ؛ وورود منثورة
لها في المرايا شغل ؛ تاقف ؛ تميل ؛ تدور = تُحاكي أمها ؛ "يمه أنا صح أمُوّرة ؟"
يتابع دلعها لين وقّف على المحذور = غدت نبض صدره وانبلاجه وديجوره
وهي ما خفاها شعورها ما علاه شعور = تصيّد دروبه لا طلع يلعب الكورة
حريصة على انها الصبح تُهدي " صباح النور " = وعلى كل صبح ساقته يمطر إسروره
إذا مر باب البيت والعذر صيد طيور = تقول العذر : بالعب مع الجار بطيوره
وَكبروا على ذا بين عصفورة وعصفور = وكلٍ يعرف أن العصافير معذورة
يرسّل عليها شعر مكسور في مجبور = وكان الهدف تعرف لظىَ ثورة شعوره
يهمّه تسمّع ماكتب لوّ ثلاث سطور = لأنه يراها كل ناسه وجمهوره
ولكن صدوف الوقت ما تترك المسرور = تجي له جزاف لين تاقف على زوره
مثل موقف بن العم والحاجر المسعور = تهد الحَلام اللّي من سنين معمورة
وراح الزمان ولا بقى كون حزن صدور= سكنها حنين خادره ضو سعمورة
يعيد الشريط بذاكره فكره المذخور = يحرّض خفوقه من سُباته على الثورة
لوّ أن الدموع تعيد مافات للممرور = بكا في المكان يلين تعشوشب ازهوره
تعرّف كثير ؛ وحب ؛ والحب له موفور = ولكن قلبه ماسكن به سوى ( نورة )

الله الله


صح لسااااااانك ملايين

سلمت وسلم منطوقك الجزل

ربي يعطيك العافية

[داعي الشوق]

محمد السالم

صح لساااااانك يالشاعر

ولاهنت على القصيدة الرائعة التي لا ينقصها الا حضورك المستمر معنا ،

جزالة وابداع و معنى

تقديري لك و صح لسانك مدد

*****************

[أم ريما]

صح لسانك

ابيات جميله


تحياتي لك

[محمد السّالم]

المشاركة الأصلية كتبت بواسطة الفاخري

شكرا لإمتاعنا بإبداعك
لاهنت
تحياتي

أخي الفاخري

قصيدة من 28 بيت قريتها في ظرف 60 ثانية وقدرت تعبر عنها بأنها أمتعتك
صراحة أغبطك

على العموم شكرا لك

[منيع]

كل الروعة والابداع
تسلم اخي الكريم
تحياتي

[عبدالله الدخيل]

الله عليك يا محمد

شاعر مبدع وقولك له ترتقي به فوق إلى السحاب وأعلى وأعلى

صح لسانك وبارك الله فيك

نص جزل من جزل

واقبل

ودي واحترامي

[المحيط الهادي]

نص يستحق الاشاده فيه معنا ومضمون

من شاعر متمكن ورائع في رسم خياله

دمت ودام قلمك

[الطامي]

لـوّ أن الدمـوع تعيـد مافـات للمـمـرور
بكا فـي المكـان يليـن تعشوشـب ازهـوره
تعرّف كثير ؛ وحـب ؛ والحـب لـه موفـور
ولكن قلبـه ماسكـن بـه سـوى ( نـورة )
،،،،،،،،،،،،،،،،،،،،،،،،،،،،،
صح السانك ملايين
رائعة جدا
لاهنت اخي