على اللي مضى بالعمر ياكبر عبرتي

[فواز الغسلان]

علـى عمـري اللـي راح ياكـبـر عبـرتـيمـن الـعـام عيـنـي مايغـمـض نظيـرهـا

لـو الدمـع يحيـي يافهـد هـالـك الـعـربتسيـل المدامـع لـيـن ينـشـف غديـرهـا

ولكنـهـا عـبـرات حــزن(ن) تضـايـقـتبــروح(ن) تباريـهـا الـهـمـوم وتـديـرهـا

اذا هـلـت العـبـره مــن العـيـن بــردتلواهـيـب نـيــران الـقـلـوب وسعـيـرهـا

لأن الـقـدر مايـمـهـل الـنــاس سـاعــهواذا حــــل بـالـعـربـان مايستـشـيـرهـا

أيـا جـرح قلبـي يافهـد كـان مــال بــكزمانـك وسيـف القـوم فــارق جفيـرهـا

وناديـت خـلان الرخـى ساعـة القـسـىوراجـيـت روس الـقـوم تعـلـن نفيـرهـا

وكثـرت وعايدهـم وضـاعـت عهـودهـموهابـت سبـاع القـوم سطـوة حميـرهـا

الا ليـت راسـي يافـهـد وقــت ضيقـتـكقـريـبٍ يـشـم مــن النسـايـم عبيـرهـا

لك الله يلـو ذقـت الجفـى قبـل ترتحـلحياتـي وسيـف المـوت يقطـع مسيرهـا

كفيتـك غـثـى الدنـيـا الدنـيـه وقسـوتـهورجــوى صغـيـر الـقــوم والا كبـيـرهـا

وعـن وقفتـك فـي بـاب رجـلٍ طبايـعـهكـمـا طـيـرةٍ باللـيـل تسـمـع صفيـرهـا

وأيا خـوف قلبـي تطعنـك حربـة الزمـنمــع الـلـي تخـلـي بالقـوايـل كسـيـرهـا

وانا تحـت خمـس اشبـار بالحفـرة التـيبهـا الـروح تـدري وش نهايـة مصيـرهـا

اخاف الخطايـا وادفـع الخـوف بالرجـىرجى اللي ضمن للخلق عيشـة فقيرهـا

يـزود الرجـى لاصـار فـي خالـق الـمـلاورجـوى كفـوفٍ بالـمـلا فــاض خيـرهـا

أنا فـي جـواره وانـت فـي جيـرة الـذييحـدك علـى شمـس القيـوظ وهجيرهـا

فياطـيـب جيـرتـنـا ويـاشـيـن جـيـرتـكمثـل فـرق مكفـوف العيـون وبصيـرهـا

لنـا فــي جـبـل حـايـل بالامـجـاد رايــهمع اللي تصـون اهـل الحقـوق وتجيرهـا

جبالٍ غـدت بكفـوف ربعـي هـل النـدىفيـاضٍ تـذوق مــن السحـايـب غزيـرهـا

ولا داجــهــا يــاكــود ضــيــفٍ وزايــــريبـي مـن مرابـيـع النشـامـى عطيـرهـا

وبالغصب محدن هان جاله مـن العـدىولا داس بالرجلـيـن طـاهــر حصـيـرهـا

ولنـا يافهـد عـن ظلـم الاجــواد مـخـرجوعـن كسـب عنـز الـقـوم والا بعيـرهـا

وترى الظلم يقطـع يافهـد دابـر العـربويمـنـع عــن خـيـار المـنـايـح دريـرهــا

وفسـاد الوغـد كثـر الفزايـع مـع الـوغـدوتـرى العـوق نقـرات الحريـم ونقيـرهـا

خذينا الندى بالبذل فـي ساعـة القسـىوفـي نصـرة اللـي غـاب عنهـا نصيـرهـا

وطبع يسوق الروح عن مجلـس الـردىوعـزم يـدوس مـن الشـدايـد عسيـرهـا

ونفسٍ صبـورٍ مـع رفيـقٍ وطـى الخطـاولا كــل قــول(ن) بالـرخـى يستثيـرهـا

اذا قـال قايلنـا عطـى الصـدق والنـقـىولا هـاب حضـرة شيخـهـا مــع وزيـرهـا

وعنـد العهـد نصـدق ونوفـي هـل العهـداذا بـــار بـعـهـود الـخـلايــق حـقـيـرهـا

ولـلـجـار جيـرتـنـا تـنـومــس وجـيـهـنـاوجاراتـنـا مـحـدن دنــى مــن سريـرهـا

والاكــوان واجهـنـا القبـايـل وسـطـوتـهوذقنـا جحيـم الـحـرب مــع زمهريـرهـا

وفــي حربـنـا كــل المخالـيـق تجـتـمـعيجـيـبـون وارد بـدوهــا مـــع صـديـرهـا

تجي من وراء البصرة اليانقـرة الحسـاءونـاكـل حلاوتـهـا ونـشــرب عصـيـرهـا

وسـيـف القبـيـلـه مـايـواجـه سيـوفـنـالأن الـشـغـايـا مـاتــعــادل مـحـيـرهــا

لـكـن جــراد الصـيـف لاطــار واجتـمـععلـى الـداب يتعـب قبـل يفنـي كثيرهـا

ورغـم اجتمـاع الـقـوم نطـحـن نــوادرهونـكــرم حـرايـرهـا ونـاخــذ حـريـرهــا

فـلا للعـدى عـن حفـرة المـوت مهـربولا ثـكـنـةٍ بالـلـيـل يـسـهــر خـفـيـرهـا

وترى الفعل يكفي عن هروجٍ مع الرخىويفـرق حصيلـة قمحهـا عــن شعيـرهـا

ولا همـنـا مــن ضــاق صــدره وذمـنــامـن اللـي يهـذري بالمجالـس سفيـرهـا

ولا اقـول حنـا خيـر مـن جملـة البـشـروالامـداح بكبـار الـعـرب مــع صغيـرهـا

ولكـنـنـا حـزنــا مـــن الـمـجـد نـقـوتـهمع اللي تـدوس مـن الشدايـد خطيرهـا

وهـــذي تــواريــخ الاجــاويــد شــاهــدمـن اللـي تخـاف الله وتـدرى ضميرهـا

ولا هرجـة الـلـي كنـهـا وســط ملـعـبيـدافــع مهاجـمـهـا ويـهـجـم ظهـيـرهـا

[الطائر المهاجر]

عط الحر فرصه

[ماجد الراشد الهيري]

فواز الغسلان
صح لسانك جزله من راس جزل تسلسل كبير ومعاني جميله

[حرف وشعر]

فواز الغسلان جزله من شاعر جزل

ومخضرم

تقبل مروري

ايها الكريم

[داعي الشوق]

مرحبا بك شاعرنا الكبير فواز الغسلان

وصح لساااااانك مليار

و الحمدلله على السلامه يا رجل ،،

تقبل مروري السريع لاهنت ،،

لي عودة للرد بما يليق

و صح لسانك شاعرنا

[عبدالإله]

قمة الجزالة حاضرة هنا

لا فض فوك

و صح لسانك يالشاعر

جمعت العذوبة والابداع

ولا عدمناك

@@@@@@@@

[الراقي]

أسلوب ابداعي ..........

و قصيدة غير شكل بمعناها و مبناها

صح لسانك حتى ترضى

^^^^^^^^^^^

[حي الضمير]

صح لساااااااااااانك
قصيده رائعه وابدعت
سلمت يمناك

[الخنساء]

صح لسانك مليوووووووون

قصيدة جزلة من شاعر متمكن

سلمت ودام حرفك

[الطامي]

اهلا فواز
حياك الله ابو فهد
يسعدنا مرورك رغم مشغولياتك
صح السانك ملايين ولا تكفي
شعور معبر جدا
ورائعة بحجم قائلها لافض فوووه
اخي فواز تأخرت الردود من البعض هنا لقلة الردود والمشاركه منك بردود على الشعراء الأخرين هنا
ولهذا تجد من يكتب صح السانك وأعط الحر فرصه
اي عليك مثل ماتريد من الأخرين
شكرا لك ولاهنت على هالباسقه
،،،،،،،،،،،،،،،،،،،
الوذين المري