حن بانتظـارك ياحبيـب الملاييـن

[الطامي]

مرسله للدارسين بالخارج

ياهيه ياللي هناك ان كـان توحيـن=جاتك ابياتي لـك عساهـا تسُـرَك
حن بانتظـارك ياحبيـب الملاييـن=متى على الله حجزكم ثـم تحـرَك
صوب الديار اللي اهلهـا شفيقيـن=يبغـون شوفتكـم وهـذا ماغـرَك
ابوك عليك اشفق من ام الوراعين=اللـي افقدتهـم وبالايـادي تفـرِك
وامك عليك اشفق من اللي مريضين=للعافيـه بالعيـن تبكـي وتـعـرِك
والا امنـه وعماتهـا والقريبـيـن=واخوانك اللـي يرتجونـك بمـرَك
والفاطر اللي بنتها تعجـب العيـن=تلعي بصوت تقـول وينـه مقـرك
يبغون شوفتكم بعد طـول شهريـن=وتهنـا معـاهـم وانــت لله درَك
قلته من اللي بخاطري وانت فطِيـن=حباٍ لكـم وانـا علومـي تسـرِك
بخير من ربـي وفضـل ونعيميـن=نعمة امن واسـلام وانتـه بِبِـرِك

[داعي الشوق]

صح لسانك يا بو محمد

و ان شاء الله يجي بالسلامه و تقر عينك و عينه أمه ،

و الفاطر بعد


وصح لسانك ملايين

[وليدالبسطي]

مرحبا

يالطامي


الله يجيب كل غايب


وتسلم على هذا التميز

اخوك

وليدالبسطي

[زهرة اللوتس]

الطامي
صح لسانك ونبضك
والله يرده سالم غنام
وتقر عينك به ان شاء الله
تحية طيبه

[الطامي]

داعي
صح بدنك
وشكرا لمرورك
لاهنت اخي

[الطامي]

وليد البسطي
صح بدنك
وشكرا لمرورك
لاهنت اخي

[الطامي]

زهره
صح بدنكي
وشكرا لمروركي
لاهنتي اختي

[الطائر المهاجر]

يرجع بالسلامه
وتقر اعينكم به
وعلى فكره تقدر يوميا تشوفه وتكلمه بالصوت والصورة وببلاش
وهذا ما اسويه مع العيال يوميا

صح لسانك
ولا هنت
تحياتي

[عبير الورد]

الله يقر عيونكم بشوفته

وصح لساااااااااااانك ملياااااااااااراااااات
سلمت وسلم منطوقك الجزل
ربي يعطيك العافيه

[الراقي]

قصيدة جميله ..
ونص متميز .. ,, و رائع

سلمت يمينك شاعرنا ... و صح لسانك