خد رجال.....!!!!!!!!!

[صوت الإحساس]

مساكم كادي


يالغالين




أعتذر منكم جميعا على الغياب والتقصير




ولكم قبل الحرف الحب والتقدير والاحترام




ولكل من يسأل عني شكرا كبيرة بحجم نقاء وصفاء روحه





للتواصل معكم









معذور والعين لو تبكيك معذورة

ياللي على قلبي المشتاق تتغلّا

ارسمك صورة ويجرح بعدك الصوره

واثرك على خاطر المجروح تتسلّا

لا طاحت الدمعة على خـدّ رجـال = معذور لامـن طـاح باقيـه كلّـه
تذبح معاليقه مـن الجـال للجـال = ويمـلّ مـن صبـره وصبـره يملّـه
وين انت عنّي ودّي أشكي لك الحال = ياللي غيابـك سـمّ حالـي وعلّـه
ببكي على صدرك واغنّيـك مّـوال = هذا وانا ادري شكوتي لـك مذلّـه
مير السهر طوّل وليـل العنـا طـال = والحـزن فنجانـي وغيبتـك دلّـه
تسقي عروقـي هـمّ والهـمّ قتـال = لا من غزا قلب(ن) طغى واستحلّـه
وين انت شفني مع مواريـك رحـال = ماكنّـي الّا بعـض زولـك وظلّـه
ارسمك فيني طيف واشغل بـه البـال = وان جيت اضمّه طاري البعـد تلّـه
وابني عليك آمـال وتحطّـم امـال = وظروف وقتـي زادت الطيـن بلّـه
امّا تجي وافرح بشوفتـك واختـال = والّا دخيلـك ردّ قلـبـي محـلّـه
شف كيف جرحه منك ينزف ولا زال = مـا كنّـه الّا لغـز والمـوت حلّـه

[سناعيس]

امّا تجي وافـرح بشوفتـك واختـال
والّا دخيـلـك ردّ قلـبـي محـلّـه

الله الله
صح لسانك يابو سجى
ولله درك
هذه الرائعه بالتأكيد أسعدتني وأنستنا غيابك
لاهنت

تحياتي

[عبدالعزيز العمار]

الشاعر العذب صوت الاحساس

من طول الغيبات جاب الغنايم

وياهلا بعودتك من جديد...

وصح لسانك وقلبك وكلك ...

تقبل مروري وتحياتي

[الطائر المهاجر]

سلمت
وصح لسانك وقلبك
ولا هان راسك
دائما جزل ومبدع
تحياتي

[منيع]

كل الروعه والجمال والابداع
تحياتي لكم

[الـزلـزال]

صوت الإحساس

بوح في قمة العذوبه والرقه والجمال

من شاعر متمكن وجزل ومتقن لبوحه

شاهدنا في هذا البوح عتب وحنين وشموخ

صغتها بكل تميز وجزاله

دائمآ ممتع ودائمآ مروي للذائقه

لا تحرمنا جزل بوحك ولا تحرمنا تواصلك

صح لسانك ملايين ملايين

ولك فائق تحياتي وتقديري

[الخنساء]

تذبح معاليقـه مـن الجـال للجـال

ويملّ مـن صبـره وصبـره يملّـه

وين انت عنّي ودّي أشكي لك الحال

ياللـي غيابـك سـمّ حالـي وعلّـه

ببكي على صدرك واغنّيـك مّـوال

هذا وانا ادري شكوتـي لـك مذلّـه

مير السهر طوّل وليل العنـا طـال

والحـزن فنجانـي وغيبتـك دلّــه

تسقي عروقـي هـمّ والهـمّ قتـال

لا من غزا قلب(ن) طغى واستحلّـه

صح لسانك مليوووووون ولايكفووون
قصيدة جزلة من شاعر جزل
سلمت ودام حرفك

[همس الورد]

الله الله الله عليك يا علــــــــي

دائما رائع و مميز

بووووووووح في غاية الروووووووووووعة

تحيتي و تقديري لشخصك الرائع

[عبير الورد]

الله الله
صح لسااااااااااانك ملايين سلمت وسلم منطوقك الراقي
ربي يعطيك العافيه

[عبدالعزيز البليهد]

ماتغيب من شر يالغالي

رائعه بروعة حضورك العطر

جزله وعذبه تشفع للغياب

صح لسانك ولاهنت