صرخة مواطن

[سعيد الغامدي]

في

يوم

خمسه

وعشرين

المواطن

ثري


وفي يوم سته وعشرين المواطن .......

فـ ــقــ ــيـ ــر

في يوم خمسة وعشرين المواطن ثري = وفي يوم سته وعشرين المواطن فقير
إذا نزل راتبه يصبح فصيح وجري = وبعد ما ينتهي يغدي ضعيف وأسير
تسعه وعشرين يوم وعظم ساقه طري = وفي يوم واحد يعيش وعظم ساقه جبير
بين المتاجر بباقي راتبه يشتري = مستلزمات الشهر ان كان حظه كبير
لأجل ان دخله من أقساط العنى مهتري = البنك في كل راتب صار صنو وخشير
لو سدد الكهربة فالهاتف المفتري = يقطع خطوط اتصاله دون ما يستشير
مسكين دايم يقاوم حظه العنصري = ما بين سطوة ظروف وبين غفلة وزير
إذا نظر فوق يلقى الظالم المزدري = ولو نظر تحت يلفح ناظره بالهجير
ورغم الفقر ما تباعد كوكب المشتري= يحيى الكرامه لو الفرشه بقايا حصير
لا تشكي الظلم والظالم يرى انه بري = لا تكتسي لكن انظر لابسين الحرير
هذي معاناتي اللي غيرت مظهري = صرخة مواطن وفين أهل الذمم والضمير
لو راقبوا دخلنا يومين بالمجهري = تأكدو إن وضع أهل الرواتب خطير
نظره لمن حولكم يا لابسين الزري = قدام نوقف بيومٍ مالنا به مجير
فيه الصحايف على وجه الملا تنشري = في حينها يشعر الظالم بسو المصير

تقبلوا تحياتي

سعيد بن عبد الله الغامدي

[عبدالعزيز البليهد]

تسلم وصح لسانك

كلمات من الواقع الله المستعان

وربي يعين مع الغلاء مهما زاد الراتب قليل

[عبدالعزيز ابراهيم المنصور]

سعيد الغامدي

لافض فوك

سلمت ولاهنت

دمت بخير

[سناعيس]

صح لسانك يالغامدي
ولله درك على هذه الرائعه
هنا الرسالة الشعريه
وهنا أديتها كما يجب
وتكلمت بها على لسان الكثير
لاهنت

تحياتي

[زهرة اللوتس]

سلمت وصح لسانك
جزلة ووافية من جزل
لاهنت...

[ترانيم المطر]

لافض فوك صح لسانك مدد لا عدد

سلمت ولاهنت

دمت بود

[الـزلـزال]

سعيد الغامدي
قصيده متقنه وجزله وفي الصميم
من شاعر متميز وراقي فيما قدمه
أبدعت وبكل براعه واتقان غالينا في وصف الحال
نهنئك ونهنئ أنفسنا بفكرك الراقي
دمت معنا ولنا ودام نبض حرفك
صح لسانك ملايين ملايين
ولك فائق تحياتي وتقديري

[داعي الشوق]

صح لسانك يالشاعر سعيد الغامدي

و الله يصلح الحال

حضورك دائما جميل

صح لسانك مدد

مع التحية لك

و لاهنت

************

[الراقي]

نص اكثر من راائع

وحضور جميل

و دام نبضك الجميل

تحياتي لك


صٍْحٍّ لسٌِِّآنْكَـِِّـِِّ

[الخنساء]

صح لسانك مليون ولايكفون
قصيدة جزلة من شاعر جزل

سلمت ودام حرفك