شربْت انا الحزن وامسى الحزْن شاربْني

[سهيل الشمري]

مساكم اله بالخير

السموحه يالغالين

الاتصال بالقرايا يرثى له

والا الودّ كل لحظه معكم

اقبلوها بعيوبها

.

قمْ يانديمي عليك الله جاذبْني = صدري طفحْ شوق والضّيقات ماجتْ به
طير السّعاده له سنين ٍ محاربْني= وحْظوظي القِشْر في جِيّاني ابْلتْ به
والعين من دمْعة الاشواق تكْتبْني = صوره حزينه وعِذّالي تغنّت ْ به
شربْت انا الحزْن وامْسى الحزْن شاربْني = ساق بْدماي وشراييني تِملّتْ به
ياعزْوتي وضْعي بربّي معذّبْني = سرّ لْعدايا ووضْع الحال هلّتْ به
هذي هي اسْباب من للموت قرّبني = اللي هجرْ عش ٍ لروحين عاشتْ به
اقفى وخلا العذاب المرّ يركبْني = واقْسى الالمْ بي حروف الوجْد ونّتْ به
خذْها بيوت ٍ تنخّيته ولبّتني = أثّرْ بها وضْعي المؤْلمْ وشدّتْ به
وانا وانا اطْلبْك يالغالي تْجاوبْني = هلْ روضتي رحْمة عيونك تمشّتْ به؟
هلْ مكْسبي سمّ والا انّك تأنّبْني = وتْزيد طعْناتٍ لْقلبي تهنّتْ به

[منيع]

اكثر من رائعه
شكرا لك ولحرفك المميز
ومن رد ماغاب
تحياتي لكم

[سناعيس]

الله الله عليك يابو ضاري
تغيب تغيب وتجيب الدرر
صح لسانك يالغالي ولاهنت
على هذه الدرة الرائعه
لاهنت
تحياتي

[حي الضمير]

صح لسانك ياجزل
قصيده رائعه وابدعت بارك الله فيك
أجزل التحايا والاحترام

[زهرة اللوتس]

صح لسانك
لاهنت
جزلة من جزل
تحية طيبة

[الـزلـزال]

سهيل الشمري
بوح في قمة الجمال
من شاعر متمكن ورائع ومتميز في كل مايقدمه
مبدع شاعرنا دائمآ ولنا ممتع في بوحك
اسعدني معانقة هذا البوح الراقي
دمت بخير حال ودام نبض حرفك
صح لسانك ملايين ملايين
ولك فائق تحياتي وتقديري

[الطائر المهاجر]

هذي هي اسْباب مـن للمـوت قرّبنـي=اللي هجرْ عش ٍ لروحين عاشـتْ بـه
هـلْ مكْسبـي سـمّ والا انّـك تأنّبْنـي=وتْزيـد طعْنـاتٍ لْقلبـي تهنّـتْ بــه

تستاهل اللي حصل لك فانت متعبني= ياما نصحتك ونصحي منت تاخذ به
من دش بحر الهوى لايقول يرهبني = خارجه مفقود فابعد لاتلاعب به

صح لسانك وقلبك
ولا هان راسك
مبدع دائما
تحياتي

[ترانيم المطر]

الشاعر القدير

سلمت وسلم راسك

مبدع لا هنت

صح لسانك مدد لا عدد

تقبل تحيتي وتقديري

ودمت بود

[عبدالعزيز ابراهيم المنصور]

لافض فوك كلمات رائعة أشكرك على هذا البوح سلمت ولاهنت دمت بخير

[الخنساء]

صح لسانك مليون ولايكفون

قصيدة جزلة من شاعر جزل

سلامة الغياب
سلمت ودام حرفك