من ينظر لمزحي وضحكات سني

[الطائر المهاجر]

من ينظر لمزحي وضحكات سني= يقول هذا خالي البال مرتاح
وآنا اعاني بصمت مما اكني = من عاديات هموم للقلب تجتاح
لاضاق صدري ابعد ابليس عني= والجا إلى اللي عالم سر الارواح
فمن كان معه الله فلا خاب ظني= سامع دعاء من يلتجي له بالاصباح
وارضى المقدر لو بهمي امتحني= واصبر لأن الصبر للضيق مفتاح
الله خلقنا للكبد والتعني = ومن لا صبر عاش العمر كله جراح
مافيه منهو في الحياة متهني= فاقنع بمقسومك وما كتب بالواح
وسرك اذا اظهرته ترى بك يدني= ولاعاد به ملكك ولو كنت مزاح
من يشتكي للناس ماله محني= شكوى لغير الله كما السم ذباح

[جلال ابراهيم الصبيح]

الله أكبر عليك يابوعبدالله


صح لسانك واعتلى شانك....قصيدة رااااائعة

جزلة من جزل....كلها درر وحكم....سلمت أستاذي...دمت بخير.


بائع الورد

[عبدالله راشد الثويني]

ذباااااااااح صدقت يابو عبدالله

صح لسانك شاعر جززل لا يأتي سوا بالابداع والجزاله
والله يبعد عنك الضيق يابعدي
طامعين بجديدك دائماً
تقبـّـل تحيتي

[سعيد الصاعدي]

الاخ الفاضل /الطائر المهاجر
صح لسانك لاهنت
نص شعري رائع
من شاعر جزل
تسلم ويسلم فكرك يالغالي
تحياتي
أخــوك
س / ص

[حلا نجد]

يا سيدي



يا صاحب القلم الكبير والمميز

كلمات تناغمت مع نبضات القلب

وتعلقت على أوتاره

اعذرني وتقبل اعتذاري على عدم انتباهي لهذه الروعه الادبيه


يتوجب علي ان ارفع قبعتي

احتراما لقلمك الكبير والرائع

القللم الصادق بحرفه والمبدع بكلماته

شكري الكبير لطرحك المميز

وواصل ابداعك وهنيئا لنا بحرفك الذهبي

تقبل مروري

وتحياتي لشخصك الكريم

دمت بكل الود والحب
حلاوووي

[منيع]

ابدعت واجدت
ومن توكل على الله فهو حسبه
تحياتي لكم

[عبدالعزيز ابراهيم المنصور]

ابداع يالطائر لافض فوك دمت بخير

[ابو تواف]

صح لسانك يالعود

عز الله انك قاموس من الحكم والبراعه

لمباطن الامور


تسلم ويسلم بوحك ودمت لنا بخير


لاهنت ولي عوده لها مرات عديده


تقبل اصدق التحايا والاحترام

[عبدالله مذكر العقيلي]

ابيات حكمه رائعه

جزل يابوعبدالله

صح لسانك

وبيض الله وجهك


دمت مبدع

[زهرة اللوتس]

الله خلقـنـا للكـبـد والتعـنـي
ومن لا صبر عاش العمر كله جراح

مافيه منهو فـي الحيـاة متهنـي
فاقنع بمقسومك وما كتـب بالـواح


فكر يمتعني الحضور بين صفحاته
اينما حطت ركابه ..

سلام يغشى روحك ويطوقها أمان
دمـت نقيا


زهرة