قل له : قضى وقت الترضي وفاتك

[حمود جارالله المزيني]

أحبتي آسف عن الانقطاع ..
عدت لكم بهذه القصيدة مخاطباً أحد أصحابي
بعد أن لمست منه بوحاً توضحه أبياتي التالية :

ياصاحبي كان انت أطعت المشاعر = القلب يحرق مابقى من حياتك
القلب يـُكوى في عراض المخاطر = يالينْ ينجض قبـلْ حـزّة مماتك
العقـْل ميزانٍ وعطـْه الاوامـر = والقلب قلْ له : مانـْفعتـْنا وصاتك
لاصار من تهواه بالحب فاتـر = وش حاجتكْ وشْ حالتكْ وشْ غناتك ؟
والله مايسوى دموع المحاجـر = اللي سماته ماتشابه سماتك
تخلص له ويجفاك باللعب ماهر = وانته تهوجس فيه ساعة صلاتك
خلـّه يولـّي كان وده يسافر = قل له : جميع الارض ترها فلاتك
وان صار مستعـْجل فـعـَطـْه التذاكر = من دون عـوده ساعةٍ ماحلاتك
ترى الوفا في وقتنا حيل نادر = تجمع وفا والغير ينثر شتاتك
الباطن تبيـّنـْه بعـْض الظواهر = في لحظةٍ تـِعـِـض فيها شفاتك
خـلّ امس .. عيش اليوم .. طنـّش لباكر = واغسل بحب الله مـرّة لهاتك
كسر الهوى ماله مع الوقت جابر = كسرٍ ورى كسرٍ بمشي اخطواتك
دام الهوى راعيه بالحب تاجـر = خسارتك عـدّه وجـمّـع رفاتك
اللـّي على فـن الألاعيب شاطر =ينسى هواك ودمعتك واحسناتك
ومع ذا يسيء الظنّ مجنون خاطر = مره عشير ومرةٍ من غزاتك
يزعل ولا يرضى واذا جاك ذاكر = قل له : قضى وقت الترضـّي وفاتك

[داعي الشوق]

يا هلا بالشاعر حمود

و الحمدلله على السلامه

و عودا حميدا

وحشتنا يا رجل

و صح لسانك مليوووووووووون

شاعر كبير ومعروف بالجزاله

تقديري لك مع التحية

،،،،،،،،،،،،،،

[شجون القصيد]

الله الله

ياسلام عليك شاعرنا

نص عانق السحاب روعه وجزاله

لافض فوووك

ارويتنا شعرا سلسبيل عذب

دوما بانتظار ابداعك

تحياااتي

[عبدالعزيز البليهد]

تسلم يابو جارالله وصح لسانك

مبطين عن حسك ورسك الجميل يسعدك ربي

[نجم الإبداع]

ارحب ياحمود

وصح لسانك على المصافحه الجزله

والنصيجه الطيبه

لاهنت ياشاعر

لاهنت

تقبل مروري

وتقديري

[عبدالله مذكر العقيلي]

مصافحه رائعه

صح لسانك

ولاهان راسك

ولله درك


دمت مبدع

[حمود جارالله المزيني]

المشاركة الأصلية كتبت بواسطة داعي الشوق

يا هلا بالشاعر حمود
و الحمدلله على السلامه
و عودا حميدا
وحشتنا يا رجل
و صح لسانك مليوووووووووون
شاعر كبير ومعروف بالجزاله
تقديري لك مع التحية
،،،،،،،،،،،،،،

داعي الشوق
كل الشكر والتقدير يالغلا
وأبعد الله عنك الوحشة ، كانت ظروف منعتني من
الحضور .. مع بقاء منتدانا الغالي في الذاكرة ..
حفظك الله

.

[صالح سعود]

الشعر القدير
جار الله المزيني



صح بوحك

وسلم بنانك


تقبل تقديري

[سناعيس]

صح لسانك يالمزيني
ولله درك
بوح جزل ومتقن
لاهنت

تحياتي

[عدنان كريزم]

ارحب ياحمود

وصح لسانك على المصافحه الجزله